Контакт

Македонија

Владата: Со силно темпо го фаќаме ритамот за имплементација на Конвенцијата на ОН за лицата со попреченост

Објавено пред

„Владата, во координација со Национално координативно тело за имплементација на Конвенцијата на ОН за правата на лица со попреченост, предничи и ги промовира и штити правата на лицата со попреченост во областите, како што се: еднаквост и недискриминација, слобода на движење, самостојно живеење, образование, пристап до стоки и услуги, вработување, правен капацитет, пристап до правда, здравство, политичко учество, вклучително и правото да гласаат и да бидат гласани на избори“, истакна денеска во своето обраќање претседателот на Владата, Зоран Заев, на одбележувањето на Меѓународниот ден на лицата со попреченост – 3 Декември и на завршната конференција на ЕУ-проектот „Попреченоста е прашање на перцепција“.

„За разлика од претходните речиси минимални активности за спроведување на одредбите од Конвенцијата, со почетокот на работата на Национално координативно тело за имплементација на Конвенцијата на Обединетите нации за правата на лицата со попреченост во 2018 година, се воспостави рамка, која вклучи независни механизми за промовирање, заштита и следење на спроведувањето на Конвенцијата во согласност со препораките на ОН. Дополнително, акцискиот план на Национално координативно тело за  правата на лицата со попреченост обезбеди јасен пакет на приоритети и насоки за спроведување на Конвенцијата“, истакна премиерот Заев, кој апелира сите постојни и нови закони, политики и програми усвоени од Владата, да бидат во согласност со Конвенцијата и додаде дека останува и понатаму определбата за инклузивност и конструктивен дијалог со репрезентативните организации на лицата со попреченост за целосно остварување на слоганот „Ништо за нас – без нас“.

Министерката за труд и социјална политика, Мила Царовска, истакна дека со социјалната реформа се унапредуваат правата и се развиваат услуги за лица со попреченост, а МТСП ги зголеми финансиските трансфери кон лицата со попреченост.

„Воведовме право за надоместок за лица со интелектуална попреченост. Го зголемивме надоместокот за скратено работно време до 50 отсто од просечната плата. Речиси сите деца, само уште 2, се извадени од институциите и се згрижени во групни домови. Со закон ги гарантиравме персоналната асистенција и услугата одмена во домот. Овие услуги ќе ги развиваат општините. Навистина сум среќна што од вкупно 65 општини што аплицирале кај нас за грантови, дури 56 се пријавиле за развој на услуги во домот за лица со попреченост и ги поттикнувам исто така организациите да се вклучат во овој процес“, рече Царовска.

Министерот Венко Филипче ги презентира многуте мерки и активности што ги спроведува Министерството за здравство за да им се овозможи на лицата со попреченост целосно вклучување во општеството како меѓународно признаено универзално право.

„Активно се вклучивме во интерсекторскиот проект за подготовка на новиот модел на функционалната процена за дополнителна образовна, здравствена и социјална поддршка на дете или младинец, базиран на Меѓународната класификација на функционалности како значајна реформа базирана на светските текови за давање потполна поддршка на најмладата популација во општеството подготвена од Светската здравствена организација и УНИЦЕФ. Дадовме целосна поддршка на процесот и преку реформирање и отворање нови здравствени центри за рана интервенција, во кои од најраната возраст ќе се следи развојот на децата кај кои постојат и најмали индикации за постоење болести поврзани со нивна попреченост. Отворивме пилот-центар за функционална спреченост и поддршка на деца и млади во Скопје, како и сензорна соба, која третира вакви деца и го заокруживме процесот на опфаќање деца во рамките на одделението за логопедија, како и деца од одделението за рехабилитација на слухот, кои имаат потреба од дополнителен третман“, рече министерот Филипче и истакна дека Министерството за здравство ќе продолжи со активностите за подигање на свеста на здравствените работници и за зајакнување на капацитетите на јавноздравствените установи како одговор на потребите на лицата со попреченост.

Арбер Адеми, министерот за образование и наука, зборуваше за приоритетите на Министерството, меѓу кои се издвојува јакнењето на стручните служби во училиштата што работат со учениците со попреченост, како од аспект на обезбедување доволен број наставници, специјални едукатори и рехабилитатори, педагози и психолози, така и од аспект на подигнување на нивната стручност преку континуирани обуки и тренинзи, но и зголемување на мотивацијата за работа преку подобрување на материјалниот статус и условите во кои ги извршуваат работните обврски.

„За оваа учебна година ангажиравме вкупно 295 образовни и лични асистенти, кои заедно со сите други членови на инклузивниот тим, од кој дел се и самите родители, ќе им помагаат на учениците за полесно совладување на материјата и подигнување на свеста на другите ученици за потребите на учениците со попреченост“, информира министерот Адеми.

Координаторот на Националното координативно тело за имплементација на Конвенцијата на ОН за правата на лица со попреченост, Спасе Додевски, нагласи дека ратификацијата на Конвенцијата на ОН за правата на лицата со попреченост е обврска за сите влади за неодложно имплементирање на нејзините препораки.

„Гордо и со исклучително задоволство тврдам дека со силно темпо и со огромни чекори го фаќаме ритамот на европските напредни практики и ја менуваме свеста преку мотивот едно општество и исти права за сите. Воедно, ве убедувам дека по квалитетот и одржливоста на основниот систем за поддршка и вклучување на лицата со попреченост во здравството, образованието и социјалната заштита што го воспоставивме сме најдобри во регионот. Ова се должи на блиската меѓуресорска соработка со која се гордеам и на посветеноста на сите вклучени за поддршка на процесот“, потенцира Додевски.

Шефот на делегацијата на ЕУ во нашата земја, амбасадорот Самуел Жбогар, истакна дека имплементацијата на Конвенцијата на ОН и политиките на Европската Унија за поддршка на лицата со попреченост за единство во различностите се совпаѓаат со принципите на стратегијата за едно општество за сите на Владата. Tој нагласи дека тоа беше и главната мотивација за поддршка на проектот „Попреченоста е прашање на перцепција“, имплементиран во партнерство помеѓу Националниот совет на инвалидските организации, Македонскиот институт за медиуми и Институтот за различности во медиумите од Лондон, во чии рамки денеска беше презентиран и прирачникот за граѓанските организации што работат на унапредување на состојбата на лицата со попреченост „Попреченост: На виделина“.

Македонија

Комисијата предлага карантин во некои општини од четврток вечер до понеделник наутро

Објавено пред

Комисијата за заразни болести до Владата ќе достави предлог за повторно враќање на полицискиот час за време на претстојниот продолжен викенд поради празникот Задушница и зголемениот број нови случаи на коронавирус во изминатите денови.

Комисијата предлага полициски час од четврток (4 јуни) од 21 часот до понеделник (8 јуни) до 5 часот наутро во Скопје – сите скопски општини, општина Куманово, општина Липково, општина Штип, општина Тетово, како и Боговиње, Брвеница, Теарце, Желино и Јегуновце.

Во сите други градови Комисијата предлага полицискиот час да трае од четврток (4 јуни) од 21 часот до петок (5 јуни) до 5 часот наутро. Другите денови полицискиот час да почнува од 16 часот и да трае до следниот ден до 5 часот наутро.

Поради зголемениот број на новодијагностицирани случаи со Ковид-19 во земјата, денеска, министерот за здравство, Венко Филипче, одржа координативен состанок со членовите на Комисијата за заразни болести, претставници на локални центри за јавно здравје и претставници на Министерството за внатрешни работи, на кој се разговараше за понатамошното дејствување во насока на спречување на ширењето на заразата.

„Дополнително, на состанокот, на претставниците на Министерството за внатрешни работи им беа укажани тешкотиите со кои се соочуваат екипите на терен во однос на пристап до луѓе за тестирање и прекршувања на мерката за самоизолација. Од службите на МВР беше побарана поголема ажурност, ефективно дејствување на терен, контрола и санкционирање на прекршувањата на мерките“, соопшти МЗ.

Во последните 24 часа направени се 974 тестирања, а регистрирани се 101 нов случај на Ковид-19, информираат од Минитерството за здравство, од кои најголемиот број во Скопје – 59. Другите се од Куманово – 12, Штип – 7, Прилеп – 1, Тетово – 5, Струга – 6, Велес – 1, Охрид – 1, Кавадарци – 1, Гостивар – 3, Кочани – 3, Пробиштип – 2.

Во изминато деноноќие регистрирани се и четири смртни случаи.

Прикажи повеќе...

Македонија

И со негативен тест задолжителен е 14-дневен карантин по влез во земјата

Објавено пред

Министерството за внатрешни работи соопшти дека при влез на наши граѓани во земјата, како и на странци, но само со регулиран престој во државата, задолжително е на граничниот премин да биде приложен направен валиден PCR-тест не постар од 72 часа, кој е негативен.

Потоа на граничниот премин потпишуват изјава за задолжителна самоизолација во траење од 14 дена. Врз основа на потпишаната изјава, од страна на овластени претставници од Државниот санитарен и здравствен инспекторат им се изготвува решение за здравствен надзор и домашна самоизолација, а од припадници на МВР се врши контрола на спроведувањето на решението.

Оние, пак, наши граѓани или странци со регулиран престој во земјата, кои при влез нема да приложат валиден PCR-тест или ќе приложат невалиден PCRтест, од граничниот премин со превоз организиран од Владата или со сопствен превоз,  со придружба од страна на припадници на МВР, ќе бидат спроведени во државен карантин.

Во текот на денот се организира превоз од граничен премин до државен карантин во два наврата, и тоа во 10 и во 20 часот. Граѓаните ќе останат во државен карантин 14 дена.

Исто така, доколку  граѓаните сакат да им се направи тест, на нивно барање им се овозможува од страна на овластена институција во најкус рок да им се направи тест. Оние граѓани на кои направениот PCR-тест им е негативен потпишуват изјава за задолжителна самоизолација во траење од 14 дена, при што се засметани и деновите поминати во државен карантин, и го напуштат карантинот и заминуваат во задолжителна самоизолација на адресата определена во дадената изјава.

Доколку граѓаните не сакаат да им се направи PCR-тест, остануваат во карантин 14 дена, а по тој рок, од страна на овластени претставници од ДСЗИ им се изготвува решение за здравствен надзор и домашна самоизолација.

Прикажи повеќе...

Македонија

Град Скопје: Интересот за субвенции за велосипеди е драстично зголемен

Објавено пред

Светскиот ден на велосипедистите оваа година Град Скопје го дочека справувајќи се со предизвиците на светската пандемија на коронавирусот, која го наметна велосипедот како најбезбедно превозно средство од аспект на превентивната заштита од Ковид-19.

Во тек е јавниот повик за субвенционирање за купување велосипед за жителите на Скопје, кој градот ко распишува веќе неколку години по ред. Средствата што Град Скопје ќе ги субвенционира се во износ од 50 отсто од вредноста на велосипедот, но не повеќе од 3.000 денари за лице.

„Годинава, интересот за набавка на велосипеди е драстично зголемен, особено по појавата на епидемијата на коронавирусот, за што говори и фактот дека само во првиот ден од објавувањето на јавниот повик поднесени се 696 барања од граѓаните за субвенции за купен велосипед. Зголемениот интерес и почитувањето на физичката дистанца меѓу граѓаните што аплицираа резултира со формирање редица подолга од 200 метри околу седиштето на Град Скопје“, соопштија од Градот.

До крајот на денешниот ден поднесени се вкупно 2.173 барања од граѓаните за субвенции за купен велосипед и 191 барање за купен тротинет.

Прикажи повеќе...

Најново

Македонија49 минути

Комисијата предлага карантин во некои општини од четврток вечер до понеделник наутро

Комисијата за заразни болести до Владата ќе достави предлог за повторно враќање на полицискиот час за време на претстојниот продолжен...

Топ52 минути

Приведени седум полицајци во Куклица, правеле забава без да ги почитуваат мерките

Седум полициски службеници, кои не биле на должност, биле приведени затоа што правеле забава, без да ги почитуваат мерките против...

Македонија1 час

И со негативен тест задолжителен е 14-дневен карантин по влез во земјата

Министерството за внатрешни работи соопшти дека при влез на наши граѓани во земјата, како и на странци, но само со...

Економија3 часа

Граѓаните на интернет ќе треба да проверат дали се меѓу корисниците на домашната платежна картичка

Граѓаните кои ќе бидат корисници на домашната платежна картичка нема потреба да аплицираат или да се пријават за да ја...

Македонија4 часа

Османи во Штип: Во компаниите ќе има ковид-координатори кои ќе го следат спроведувањето на мерките

Вицепремиерот задолжен за европски прашања, Бујар Османи, во улога на главен координатор на кризните штабови за одбрана од Ковид-19, оствари...

Македонија5 часа

Четворица починати и 101 случај на новозаразени од Ковид-19

Во последните 24 часа се направени 974 тестирања, а регистрирани се 101 нови случаи на Ковид-19, информираат од Минитерството за...

Свет7 часа

Тајна снимка на СЗО откри како Кина го прикрила коронавирусот

Снимки од интерни состаноци во Светската здравствена организација покажале дека СЗО едвај ги добила најпотребните информации од Кина на почетокот...

Европа7 часа

Главниот шведски епидемиолог призна дека од денешен аспект би имал друг пристап кон пандемијата

Главниот шведски епидемиолог, кој стои зад стратегијата земјата да не применува строги мерки поради пандемијата на коронавирусот, призна дека требало...

Свет8 часа

(Видео) Бајден: Полицијата треба да пука во нозе

Полицајците кои пукаат во луѓето кои претставуваат закана треба да им пукаат во нозете, а не во срцето, соопшти поранешниот...

Свет9 часа

Војска распоредена околу Вашингтон, трупите се во состојба на засилена готовност

Околу 1.600 американски војници се распоредени во пошироката област на Вашингтон и се во состојба на засилена подготвеност, објави Пентагон...

Европа9 часа

По тримесечната блокада, Италијанците од денеска може да патуваат низ земјата

Италија денеска ги отвори регионалните граници по тримесечна блокада поради пандемијата, со што е овозможена поголема слобода на движење за...

Регион21 час

Црна Гора прогласи крај на епидемијата

Националното координативно тело за заразни болести, по предлог на Институтот за јавно здравје, прогласи крај на епидемијата на Ковид-19 во...

Свет22 часа

Трамп се закани дека ќе ја испрати војската за да стави крај на протестите

Трамп се закани дека ќе ја испрати војската за да ги угасне протестите во САД, поради смртта на Афроамериканецот Џорџ...

Свет22 часа

Путин: На напад со конвенционално оружје Русија ќе возврати со нуклеарно

Рускиот претседател, Владимир Путин, донесе уредба со која се утврдува дека руската војска може да употреби нуклеарно оружје како одговор...

Македонија23 часа

Не се 67 новозаболени, туку 76 – покажуваат новите бројки на Министерството за здравство

Од Министерството за здравство информираат дека бројот на новозаболени е 76, а не како што претходно беше објавено дека се...

Македонија1 ден

Од денес во изолација 60 полицајци на служба во Гевгелија поради позитивен колега странец

Шеесетина полицајци, кои ја чуваат јужната граница на Македонија поради постојаната опасност од нов мигрантски бран, од денес се во...

Македонија1 ден

Случај „Рекет“: Навреди и критики кон Русковска и Камчеви во завршните зборови на Јанева

Со критики и навредливи зборови за Орце и Ана Камчеви, обвинетата Катица Јанева ги даде своите завршни зборови во судот...

Македонија1 ден

На 18 јуни пресуда за случајот „Рекет“

За две недели, односно на 18 јуни судот ќе ја изрече пресудата за случајот „Рекет“ во кој обвинети се Бојан...

Македонија1 ден

Бухова: Завршени се 100 од 485 тестови на вработени во конфекциските фабрики во Штип

Директорката на Државниот здравствен и санитарен инспекторат Ирина Бухова вели дека будно се следи состојбата со кластерите на новозаразени од...

Регион1 ден

Цело одделение во Марибор во карантин, еден ученик позитивен на коронавирус

Сите ученици од една паралелка од трето одделение во основно училиште во Марибор, Словенија, се во 14-дневен карантин, откако на...

Досие