Контакт

Македонија

ВМРО-ДПМНЕ бара оставки на Спасовски и Бочварски и вонредна контрола на сите автобуси во државата

Објавено пред

По големата трагедија, во која животот го загубија 44 патници од Македонија, ВМРО-ДПМНЕ бара одговорност и оставки на Спасовски и Бочварски.

На денешната прес-конференција пратеникот од редовите на ВМРО-ДПМНЕ, Миле Лефков, изрази жалење за несреќата и сочуство до семејствата на загинатите.

„Сосема свесно цели три дена, додека траеја прогласените денови на жалост, не излегувавме со оценки во јавноста, со цел тие да не бидат сфатени како внесување политика во целиот овој процес. Ние ќе продолжиме така и да се однесуваме, но воедно нема да премолчиме за очигледните пропусти, недоречености и барањето на одговорност за страшната несреќа“, изјави Лефков.

Според него, трагичната несреќа, меѓу другото, е последица на немањето функционален систем за превенција на вакви несреќи, неговата корумпираност и злоупотребите што се прават со знаење на челните луѓе на одговорните министерства.

„Доколку не се извлечат поуки од една страшна несреќа, како што беше, на пример, несреќата во Ласкарци, каде што 16 луѓе ги загубија животот, се случува уште една друга несреќа, како што е горењето на модуларната болница во Тетово, каде што животот го загубија 14 други наши сограѓани. Немањето функционален систем нѐ доведе до уште една трагична несреќа во Бугарија“, изјави Лефков.

Тој додаде дека овие три дена сме сведоци на префрлањето одговорност од МВР на Инспекторатот за транспорт воден од Руфат Хусеини, кој доаѓа од Зајас, па Инспекторатот до Царината, за да на крајот одговорноста да спадне на некаков службеник од Царината, што значи дека и овој пат одговорност нема да има.

„Автобусот не бил регистриран во регистарот за возила за превоз, што отвора сомнеж за минувањето граница. Секоја несреќа или криминал во државава Владата дозволува да заврши со одговорност на некој службеник“, изјави Лефков.

Со цел решавање на проблемите и избегнување уште некоја ваква или слична несреќа, ВМРО-ДПМНЕ предложи Владата да преземе вонредни мерки: вонреден технички преглед на сите патнички автобуси и средства за јавен траспорт на патници на трошок на државата. Да се провери во какви услови се превезуваат луѓето; вонредна контрола на станиците за технички преглед во поглед на условите и начинот на работа; истрага за тоа како поминал автобусот на граница без да е впишан во регистарот на автобуси. Неприфатливо е префрлањето одговорност Царина – полиција – Инспекторат; јавно објавување на регистарот на автобуси и негово најново ажурирање; во иднина сите автобуси постари од 8 години, наместо 2 задолжителни технички прегледа годишно, да имаат најмалку 3, а автобусите постари од 12 години да имаат 4.

Миле Лефков побара одговорност од министерот за транспорт и врски, Благој Бочварски, и од министерот за внатрешни работи, Оливер Спасовски. Додаде дека најмалку нешто што може да направат е да поднесат оставки од морални причини.

Македонија

Левицата го поднесе предлог-законот за минимална плата предложен од ССМ

Објавено пред

На денешната прес-конференција пратеникот Борислав Крмов објави дека политичката партија Левица го поднесе до Собранието предлог-законот за изменување на Законот за минималната плата, кој е доставен од Сојузот на синдикатите од декември.

„Се работи за предлог-закон за изменување на Законот за минималната плата, кој е предложен од Сојузот на синдикатите.

Иако им било ветено дека овој предлог ќе биде донесен во јануари, тој сѐ уште не е усвоен. Целта на овој закон е минималната плата, која е 15.000 денари, да се донесе до 18.000 денари, што би било приближно 60 % од моментната просечна плата.

Со овој предлог се интервенира минималната плата цело време да не биде пониска за 60 % од просечната плата.

Потрошувачката кошница за декември била дури 35.000 денари, што значи денеска едно просечно четиричлено семејство со две минимални плати не може ни да се издржува“, потенцира пратеникот Крмов.

Прикажи повеќе...

Македонија

Регистрирани нови 1.861 случај на Ковид-19 и 27 починати

Објавено пред

Министерството за здравство информира, во согласност со податоците од Институтот за јавно здравје, дека во последните 24 часа направени се 5.446 теста, а регистрирани се 1.861 нов случај на Ковид-19: Скопје – 908, Битола – 115, Кавадарци – 100, Куманово – 88, Тетово – 75, Прилеп – 69, Велес – 54, Струмица – 50, Гостивар – 45, Охрид – 41, Штип – 37, Гевгелија – 34, Неготино – 32, Свети Николе – 23, Кичево – 22, Струга и Ресен – по 20, Радовиш – 18, Кочани и Крива Паланка – по 16, Валандово – 15, Делчево – 11, Богданци – 9, Виница, Македонска Каменица, Демир Капија и Пехчево – по 5, Берово, Дебар и Македонски Брод – по 4, Пробиштип и Демир Хисар – по 3, Кратово и Крушево – по 2, Дојран – 1.

Од вкупниот број позитивни (1.861), регистрирани се 242 реинфекции, од кои една е втора реинфекција.

Регистрирани сe 7.273 оздравени пациенти, и тоа од: Скопје – 4.208, Битола – 582, Прилеп – 317, Охрид – 302, Струмица – 176, Куманово – 170, Тетово – 143, Кавадарци – 136, Струга – 107, Гевгелија – 105, Велес – 92, Крушево – 84, Гостивар – 82, Кичево – 72, Валандово – 71, Штип – 67, Ресен – 66, Неготино – 59, Делчево – 58, Кочани – 57, Радовиш – 54, Крива Паланка – 41, Берово – 34, Кратово – 31, Свети Николе – 25, Демир Хисар – 24, Богданци – 23, Македонски Брод – 17, Виница – 16, Македонска Каменица – 15, Пробиштип – 12, Пехчево – 9, Демир Капија – 8, Дојран – 7, Дебар – 3.

Во текот на изминатите 24 часа регистрирани се 22 починати лица: 9 од Скопје (68, 73, 77, 81, 82, 84, 84, 86 и 87), по 3 од Кавадарци (69, 78 и 88) и Битола (66, 67 и 73) и по едно починато лице од Демир Капија (73), Куманово (86), Неготино (87), Прилеп (22), Струга (76), Струмица (73) и од Тетово (58). Од пријавените лица, 21 се починати во болнички услови, а едно лице во домашни услови.

Во согласност со регистарот на умрени лица со дијагноза Ковид-19 од „Мој термин“, пријавени се 5 починати лица од: Охрид (2), Скопје (1), Прилеп (1) и од Гевгелија (1) на возраст од 39 до 90 години. Пријавените се починати во периодот од 17.1.2022 до 25.1.2022. Од пријавените лица, три се починати во болнички услови, а две во домашни услови.

Од вкупниот број починати лица (n=27), шест се целосно вакцинирани, а кај 24 се регистрирани коморбидитети.

Направени се 5.446 теста преку: ИЈЗ – 451, ЦЈЗ Скопје – 84, ЦЈЗ Битола – 89, ЦЈЗ Прилеп – 55, ЦЈЗ Тетово – 16, ЦЈЗ Куманово – 100, Клиника за инфективни болести и фебрилни состојби – 0, Судска медицина – 0, лабораторија во болницата во Козле – 16, УК Пулмологија со алергологија – 0, ГОБ „8 Септември“ – 0, Институт за микробиологија – 176, „Жан Митрев“ („Филип Втори“) – 169, „Авицена“ – 196, „Биотек“ – 273, „Систина“ – 109, лабораторија „Лаор“ – 109, „Синлаб“ – 42, „Ремедика“ – 20, „Плодност“ – 83, „Генеа“ – 25, „Никоб лаб“ – 690, „ВФВ медикал“ – 73, „Ели медика“ – 74, „Ројал медика“ – 18, „Спектра-ММ“ – 24, „Рапид лаб“ – 38, „Жан Митрев Струмица“ – 12, „Нова лаб дијагностика“ – 25, „Рамус“ – 46, ЈЗУ и ПЗУ (рапид-тест) – вкупно 2.433.

Досега во земјата се направени вкупно 1.767.491 тестирање на Ковид-19. Вкупната бројка на ковид-дијагностицирани лица во нашата земја од почетокот на епидемијата изнесува 263.206, бројот на оздравени пациенти е 238.452, на починати е 8.312, а бројот на активни случаи изнесува 16.442.

Според епидемиолошките анализи, во моментот дистрибуцијата по градови е следна:
Дистрибуција по градови Заболени (вкупно), Активни случаи (вкупно)
Скопје 119.472, Активни 8.507
Куманово 14.578, Активни 680
Прилеп 12.586, Активни 538
Битола 12.490, Активни 1224
Тетово 12.232, Активни 476
Кавадарци 8.711, Активни 671
Гостивар 8.675, Активни 312
Велес 8.329, Активни 421
Охрид 7.833, Активни 370
Штип 7.438, Активни 299
Струмица 7.078, Активни 355
Кичево 4.869, Активни 259
Кочани 4.561, Активни 218
Струга 4.324, Активни 177
Гевгелија 3.668, Активни 368
Неготино 3.077, Активни 231
Свети Николе 2.395, Активни 124
Ресен 2.312, Активни 208
Радовиш 2.190, Активни 160
Крива Паланка 2.168, Активни 84
Делчево 1.734, Активни 130
Берово 1.630, Активни 73
Дебар 1.496, Активни 18
Валандово 1.329, Активни 118
Виница 1.274, Активни 47
Пробиштип 1.243, Активни 31
Кратово 870, Активни 30
Богданци 843, Активни 79
Крушево 814, Активни 48
Демир Хисар 761, Активни 54
Македонски Брод 625, Активни 29
Македонска Каменица 492, Активни 36
Демир Капија 483, Активни 26
Пехчево 418, Активни 30
Дојран 208, Активни 11

Прикажи повеќе...

Македонија

Тренчевска – Шаља-Плавјанска: Продолжуваме со сузбивање на насилството врз жените и унапредување на човековите права

Објавено пред

Министерката за труд и социјална политика, Јованка Тренчевска, денеска се сретна со шефицата на канцеларијата на УНФПА во Северна Македонија, Афродита Шаља-Плавјанска, и нејзиниот тим.

На работниот состанок се разговараше за досегашната соработка на УНФПА и Министерството за труд и социјална политика, за идните планови и активности како на централно ниво така и на ниво на работни групи.

„Владата продолжува посветено да работи на исполнување на човековите права, особено на ранливите категории, на зголемување на пристапот до квалитетни услуги, политики што значат поголема грижа и можности за младите во нашата земја. Градиме силно и обединето, кохезивно општество, кое ги почитува достоинството и човековите права и им овозможува еднакви можности и на мажите и на жените во сите сфери на животот како услов за целокупен и одржлив политички, економски, демографски, социјален развој и напредок на земјата“, рече Тренчевска.

На средбата акцентот беше ставен на новиот Закон за спречување и заштита од насилство врз жената и семејното насилство, меѓуинституционалната соработка, соработката со граѓанскиот сектор, како и поддршката од агенциите на Обединетите нации во земјата.

Шефицата на УНФПА, Шаља-Плавјанска, потенцира дека реализацијата на проектите од петгодишната програма за Северна Македонија ќе продолжи бидејќи тие се во интерес на сите граѓани, а особено ранливите категории.

Двете соговорнички изразија подготвеност за продолжување на досегашната соработка помеѓу Министерството за труд и социјална политика и УНФПА во областа на родово базираното насилство и, генерално, заштита и унапредување на човековите права.

Во согласност со Законот за спречување и заштита од насилство врз жените и семејното насилство Владата формира националното координативно тело за имплементација на Конвенцијата на Советот на Европа за спречување и борба против насилството врз жените и семејното насилство, кое е надлежно и за политиките од областа на родово-базираното насилство врз жените и семејното насилство.

Прикажи повеќе...

Најново

Македонија3 часа

Регистрирани нови 1.861 случај на Ковид-19 и 27 починати

Министерството за здравство информира, во согласност со податоците од Институтот за јавно здравје, дека во последните 24 часа направени се...

Свет5 часа

НАТО со нови барања до Москва

Откако американскиот државен секретар Ентони Блинкен изјави дека САД ѝ испратиле на Москва одговори на безбедносните барања на Русија, истото...

Македонија6 часа

СОНК: Второто полугодие да почне онлајн, училиштата можат да бидат опасен кластер

Самостојниот синдикат за образование, наука и култура бара Владата да ја повлече одлуката за почеток на второто полугодие со физичко...

Топ9 часа

Осомничениот за сообраќајката кај Лисиче возел под дејство на алкохол и поминал на црвено

Јавното обвинителство од Скопје донесе наредба за спроведување истражна постапка против 21-годишниот скопјанец за кого постои сомнение за тешки дела...

Европа9 часа

Лавров: САД не одговараат на најважното прашање – ширењето на НАТО кон исток

Рускиот министер за надворешни работи, Сергеј Лавров, денеска изјави дека содржината на американскиот одговор на рускиот предлог за безбедносни гаранции...

Македонија11 час

Писмо со закани по живот од терористичка организација добил јавниот обвинител Јовески

Државниот јавен обвинител извести дека во текот на вчерашниот ден, преку препорачана пратка експедирана од Пошта Битола на 17.1.2022 година...

Европа12 часа

Данска ги укинува сите ограничувања, короната е исклучена од категоријата на критични болести

Данските власти донесоа одлука за исклучување на Ковид-19 од категоријата на критични болести, а од 1 февруари ќе бидат укинати...

Европа13 часа

Војник застрелал петмина стражари во фабрика за оружје во Украина

Војник на украинската национална гарда од засега непознати причини пукал во припадници на обезбедувањето во воена фабрика во Днепар, при...

Македонија1 ден

Наставата продолжува со физичко присуство на 1 февруари

Владата донесе одлука наставата во основното и средното образование на учениците да продолжи со физичко присуство на 1 февруари. Оваа...

Македонија1 ден

Се намалува периодот на карантин на седум дена

Владата на денешната седница донесе одлука за намалување на периодот на изолација за лицата кај кои лабораториски е утврдено присуство...

Македонија1 ден

Нови 2.019 случаи на коронавирус, починаа 19 лица

Во последните 24 часа направени се 6.119 теста, а регистрирани се 2.019 нови случаи на Ковид-19: Скопје – 968, Битола...

Македонија1 ден

ЦУК апелира до граѓаните да не се движат под опасната карпа на Матка, се преземаат активности за превенција

Центарот за управување со кризи апелира до граѓаните да не се движат на местото под опасната карпа на Матка, поточно...

Топ1 ден

(Видео) Разбиена криминална група, запленетa марихуана вредна 50.000 евра

Основното јавно обвинителство за гонење организиран криминал денеска донело наредба за истрага против три лица за кои постои сомнение дека...

Македонија1 ден

Преку снимки од надзорните камери околу мостот Гоце Делчев ќе се расветлуваат причините за несреќата

Обвинител од скопското основно јавно обвинителство извршил увид и презема дејствија за утврдување на фактите за настаната тешка сообраќајна несреќа...

Топ1 ден

Пешак прегазен пред мостот Гоце Делчев

Тешка сообраќајна несреќа се случила денеска, нешто по 11 часот, во центарот на Скопје. Пешак бил прегазен во близина на...

Македонија1 ден

Мицевски: Бараме укинување на Пржинската влада

Дополнување на дневниот ред, со точка за предлог-закон за изменување на Законот за Владата на Република Македонија по скратена постапка,...

Топ1 ден

Фатална сообраќајка во Лисиче – загина возач, а тешко повредена е неговата 15-годишна ќерка

Дежурен обвинител од скопското Основно јавно обвинителство извршил увид на местото на тешка сообраќајна несреќа што се случила синоќа околу...

Македонија1 ден

Лекарската комора бара промени на казнената регулатива на Фондот

Лекарската комора остро реагира на наплатата на изречените казни за матичните лекари од страна на Фондот за здравствено осигурување. Оттаму...

Свет1 ден

Италијанските болници одбиваат да лекуваат невакцинирани пациенти, новинари снимиле со скриена камера

Италијанските болници одбиваат да ги лекуваат и оперираат невакцинираните и оние кои не биле заразени. Откако минатата недела во емисијата...

Македонија1 ден

Загадениот воздух предизвикува над 30.000 предвремени смртни случаи во Западен Балкан

Загадувањето на воздухот во Западен Балкан предизвикува голем број предвремени смртни случаи, а последиците вклучуваат пократок животен век и влошување...

Досие