Контакт

Македонија

ВМРО-ДПМНЕ поднесе предлог-закон за укинување на пописот

Објавено пред

Пратеничката на ВМРО-ДПМНЕ, Иванка Василевска, на денешната прес-конференција ја обвини власта дека подготвува политички фалсификат и нерелевантен и фингиран попис. Таа нагласи дека пратеничката група на ВМРО-ДПМНЕ денеска во Собранието поднела предлог-закон за престанување на важењето на Законот за пописот, и тоа по итна постапка.

„Сите факти и аргументи ни говорат дека власта подготвува политички фалсификат и нерелевантен и фингиран попис. Од тие причини како пратеничката група на ВМРО-ДПМНЕ јасно и гласно кажуваме дека нема да бидеме нем набљудувач на овој крајно несериозен политички процес и затоа денес во Собранието на Република Македонија поднесовме предлог-закон за престанување на важењето на Законот за пописот, и тоа по итна постапка.

На ова самоволие мора да му застанеме на патот и да не дозволиме криминален и насилнички попис. Оваа лакрдија што ни се случува во врска со пописот ја најавувавме и предвидовме уште од самиот почеток. Но, самобендисаната власт на чело со Зоран Заев воопшто не сакаше да разговара и дебатира на оваа тема. Од редовна и статистичка операција, неспособноста на Зоран Заев и Владата овој попис го претворија во политичка операција и пазарење, додворување и враќање коалициски долгови“, изјави Василевска.

Таа рече дека пратеничката група на ВМРО-ДПМНЕ уште од самиот почеток укажувала на многубројните недостатоци и аномалии на Законот за пописот поради што сега поднесуваат триесетина суштински амандмани, кои, како што рече, имаат цел да го подобрат текстот на законот, но власта предводена од Зоран Заев не прифатила ниту еден амандман.

„Нашите издржани забелешки и секојдневни укажувања за недостатоците и аномалиите на овој закон беа и сè уште се, и тоа:

· злоупотреба на европското знаменце и европските вредности и скратената можност за стручна и опширна дебата,

· недостиг на консензус од сите политички партии,

· проблематична и недоречена методологија за спроведување на пописот,

· нефункционален и небезбеден систем за електронска евиденција на дијаспората, и

· погрешен тајминг за одржување на пописот, иако многу европски земји поради ковод-кризата го одложија пописот за една година.

Но, и покрај овие издржани аргументи, власта и Зоран Заев никако не отстапуваат од политичкиот договор и намерата по секоја цена да се одржи пописот. Нашата легитимна борба против одржување ваков сомнителен и фингиран попис го препознаа и огромен број граѓани. За само неколку дена, над 100 илјади граѓани, со име и презиме, јасно и гласно, ги кажаа своето мислење и недоверба и рекоа големо НЕ за ваков попис“, додаде таа.

Пратениците од ВМРО-ДПМНЕ исто така бараат закажување итна и неодложна седница на Собранието, на која ќе се изгласа овој предлог-закон и ќе се стопира овој политички попис. За таа цел, пратеничката група на ВМРО-ДПМНЕ апелира до сите пратеници, без разлика на која политичка партија и коалиција припаѓаат и без разлика на етничка и национална припадност, да го поддржат овој предлог-закон.

Василевска нагласи дека ВМРО-ДПМНЕ и пратеничката група на ВМРО-ДПМНЕ не се против попис на населението, бидејќи, како што рече, таква статистичка операција е многу важна и неопходна за Република Македонија, но сакаат да упатат силна порака дека се и ќе бидат против фингиран и наместен попис.

Македонија

Предлог-законот за Шара влегува во собраниска процедура

Објавено пред

Предлог законот за прогласување на дел од Шар Планина за заштитено подрачје во категорија II – национален парк денеска влезе во собраниска постапка.

„Со задоволство сакам да ја информирам јавноста дека Предлог законот за прогласување на дел од Шар Планина за заштитено подрачје во категорија II – национален парк, го помина првото читање во матичната комисија во Парламентот со голема едногласна поддршка од пратениците со 10 гласа за и без гласови против. Се надевам дека собраниската расправа ќе продолжи да тече конструктивно со цел што поскоро донесување на Законот кој ќе обезбеди заштита на уникатниот биодиверзитет, но и поквалитетен живот за локалното население и одржлив социо-економски развој и на подрачјето и на државата во целина“, истакна министерот за животна средина и просторно планирање Насер Нуредини.

Прикажи повеќе...

Македонија

Утре променливо облачно време, попладне дожд

Објавено пред

Времето утре ќе биде умерено до значително облачно. Кон крајот на денот и во текот на ноќта почнувајќи од југозапад ќе има врнежи од дожд. Ќе дува слаб до умерен, во горниот тек на Повардарието северен, а во јужните делови источен и југоисточен ветер, информира УХМР.

Минималната температура ќе биде во интервал од -3 до 4, а максималната од 11 до 17 степени.

Во Скопје умерено до значително облачно со слаб до умерен северен ветер. Минималната температура ќе се спушти до 1, а максималната ќе достигне 15 степени.

Под влијание на влажна воздушна маса од утре кон крајот на денот и во наредните денови следува период на пооблачно време со повремени врнежи од дожд со променлив интензитет. Најоблачно и најврнежливо ќе биде в сабота и в понеделник, кога на места врнежите ќе бидат поројни и проследени со грмежи.

Прикажи повеќе...

Македонија

МВР: Проблемот со двојните матични броеви почнал во 1981 година

Објавено пред

Министерството за внатрешни работи во врска со денешниот брифинг за медиуми на претседателот на ВМРО-ДПМНЕ, Христијан Мицкоски, на кој кажа дека илјадници луѓе се заведени во Избирачкиот список со два матични броја информира дека ваквата појава почнала во 1981 година.

Од МВР уверуваат дека по откривањето на грешката, веднаш е пристапено кон поништување на овие матични броеви и таа постапка веќе подолг период е во тек, а голем дел од овие матични броеви се поништени.

„Ваквата појава започнала во 1981 година, кога во Република Северна Македонија е воведено електронско определување и евиденција на матичните броеви. Постапката за поништување на матичните броеви трае веќе подолг период и е во тек, а голем дел од овие матични броеви се поништени. Изјавата дека во Република Северна Македонија има 20.000 дупли матични броеви е неоснована и неаргументирана, имајќи ги предвид евиденциите со кои располага Министерството за внатрешни работи“, се наведува во реакцијата.

Од МВР појаснуваат дека определувањето и запишувањето на матичниот број почнало на 1.1. 1981 година и требало да заврши на 31.12.1985 година. Во овој временски период, велат од МВР, направени се грешки при определувањето и запишувањето на матичните броеви, што довело до определување на дупли матични броеви за едно исто лице.

Покрај ова, дупли матични броеви се определувале и подоцна како резултат на нецелосни проверки од страна на вработените во управните служби, погрешни податоци добиени од УВМК, како и технички пропусти на постоечкиот Систем за автоматска обработка на податоците.

„Заради целосно и навремено ажурирање на матичните броеви, Одделот за граѓански работи, Секторот за управно надзорни работи, Одделението за државјанство, граѓански состојби и матичен број се вклучи во овој процес во делот на утврдувањето на дуплите матични броеви, изготвува списоци со податоци и ги доставува до ОУР Скопје за понатамошна постапка за проверка во матичната евиденција и нивно поништување. Досега се обработени дупли матични броеви за тековни години од 1954 до 2019 година. Од 1930 година до 1954 година постапката за проверка на овие матични броеви е во тек и во овој период од направена анализа има помал број на вакви матични броеви“, се наведува во реакцијата.

Прикажи повеќе...

Најново

Европа28 минути

Четири лица починаа по примањето на вакцината на „Астразенека“ во Италија

Четири лица во Италија починаа од ретки тромби, откако беа вакцинирани со вакцината на „Астразенека“, се вели во извештајот на...

Македонија4 часа

Во Македонија 890 нови случаи на коронавирус, 35 лица починаа

Во последните 24 часа во Македонија се потврдени 890 нови случаи на коронавирус, 35 лица починаа, а оздравени се 1.024...

Македонија5 часа

Мицкоски: Илјадници луѓе се заведени во Избирачкиот список со два матични броја

Лидерот на опозицијата, Христијан Мицкоски, на денешниот брифинг со новинарите обелодени нов скандал со назив „Мафија 2“, кој се однесува...

Европа6 часа

Фон дер Лаен обвинета за кршење на дипломатскиот протокол

Претседателката на Европската комисија, Урсула фон дер Лаен, е обвинета за кршење на дипломатскиот протокол како одговор на поканата на...

Македонија9 часа

Кинеските вакцини ќе пристигнат на 28 април

Министерот за здравство најави дека на 28 април во земјата ќе стигнат 200 илјади кинески вакцини додавајќи дека потврдата ја...

Регион10 часа

Објавен нон-пејперот што го потресе регионот: предлози за нови граници на Балканот

Словенечкиот портал „Нецензурирано“ го објави нон-пејперот, односно неофицијалниот дипломатски документ за новите поделби на територијата на поранешна Југославија. Документот, кој...

Регион10 часа

Борисов ја достави оставката пред Националното собрание

Бугарскиот премиер, Бојко Борисов, утрово ја достави оставката пред новоизбраното 45-то Национално собрание на раководениот од него Совет на министрите,...

Европа11 час

Две години од пожарот во „Нотр Дам“ – се очекува катедралата повторно да биде отворена во 2024

Катедралата „Нотр Дам“ во Париз, уништена во пожар пред две години, повторно ќе биде отворена во 2024 година, вети во...

Свет11 час

Тела на четири деца пронајдени по пожар во куќа во Русија

Телата на четири деца се пронајдени по избувнувањето пожар во приватна куќа во село во регионот Свердловск во Русија. Во...

Македонија12 часа

Денеска се вакцинираат лицата на 73 и 74 години

Денеска, почнува вакцинацијата на сите граѓани од 73 и 74 години, кои се пријавени преку vakcinacija.mk или преку матичните лекари....

Македонија24 часа

СЗО: Состојбата во земјите од Западен Балкан е сериозна

Претставничката на Европската канцеларија на СЗО, Кетрин Смолвуд, предупреди на состојбата со коронавирусот во земјите од Западен Балкан е сериозна....

Регион1 ден

Србија почна со производство на руската вакцина

Во институтот „Торлак“ во Србија почна производството на руската вакцина „спутник В“. Оваа вакцина во иднина ќе може да се...

Македонија1 ден

Работата на Собранието да се деблокира на секое ниво, порача Џафери на вонредна координативна средба

Вонредна координативна средба поради блокадите во Собранието се одржа попладнево на иницијатива на претседателот на законодавниот дом, Талат Џафери, а...

Македонија1 ден

Регистрирани 949 нови случаи на Ковид-19, починаа 33 лица

Во последните 24 часа се направени 3.610 тестирања, а регистрирани се 949 нови случаи на Ковид-19 во: Скопје – 357,...

Македонија1 ден

Европратеници: Македонија и Бугарија треба да се оддалечат од дебатите за историја

Претседателот на Делегацијата на Европскиот парламент за односи со Северна Македонија, Андреас Шидер, вели дека Северна Македонија и Бугарија треба...

Македонија1 ден

Мицкоски: Оставка треба да си даде целата Влада, а Рашковски треба да е во затвор

Претседателот на ВМРО-ДПМНЕ, Христијан Мицкоски, во изјава за медиумите во врска со случајот за Рашковски рече дека оставка треба да...

Македонија1 ден

Антикорупциската комисија продолжува со предметите за Рашковски и покрај оставката

Државната комисија за спречување на корупцијата (ДКСК), по поднесената оставка од страна на владиниот секретар за мониторинг и поддршка на...

Македонија1 ден

Филипче: Бројот на новозаразени од Ковид-19 во благ пад, притисокот во болниците и натаму голем

Министерот за здравство, Венко Филипче, изјави дека денеска е забележан тренд на намалување на бројот на новодијагностицирани случаи со Ковид-19....

Македонија1 ден

Македонија со цел до 2030 година да ги намали стакленичките гасови 51 отсто

Владата го усвои ревидираниот национален придонес кон Климатскиот договор од Париз, со што како национална цел ја постави амбицијата во...

Регион1 ден

Борисов: Јас нема да бидам кандидат за премиер во новиот кабинет

Бојко Борисов нема да биде предлог на ГЕРБ за нов премиер. Борисов ова лично им го потврди на новинарите по...

Досие