СДСМ заштитува прекршување на Законот за јавните набавки. СДСМ втор ден се обидува да го заштити својот кадар, поранешната директорка на детска градинка во Гази Баба, која спротивно на законот вршела набавки во септември 2021 година, а тие биле фактурирани во декември за сума што ја надминува границата што ја пропишува Законот за јавната набавка, соопшти ВМРО-ДПМНЕ.

„Ревизијата покажала вкупно 11 наоди за прекршувања од страна на раководниот орган. Ако за СДСМ тоа е нормално, тогаш тоа покажува дека СДСМ одобрува и спроведува систематски кршење на нормите.

Патем, она што СДСМ се обидува да го скандализира повторно им се враќа како бумеранг. Лицето што ја спроведува ревизијата на работата на детската градинка е истото лице внатрешен ревизор што поранешниот градоначалник Борче Георгиевски го овластил да врши ревизии уште во 2019 година.

Залудни се обидите на СДСМ со вакви соопштенија и пресови да прават дефокус од актуелните состојби во државата, а уште помалку од аферите што се поврзуваат за криминалот на нивните кадри. СДСМ, ако веќе сака да гледа прекршување закони, нека ги види случаите за јавни набавки на своите градоначалници во Бутел и Кисела Вода, но и скандалите со софтверот на Рашковски, снопчињата пари на Ден Дончев, системот „евро за Вицето – евро за црквата“ и десетици други поголеми случаи на криминал и корупција на нивните функционери“, порачаа од ВМРО-ДПМНЕ.