Министерството за транспорт и врски реагира на прес конференцијата на ВМРО-ДПМНЕ и од таму ги отфрлаат како што велат сите невистинити информации и шпекулации искажани од страна на опозициската партија.

Мораме да потенцираме дека во ниту еден случај не се точни тврдењата искажани на прес конференцијата на ВМРО-ДПМНЕ во однос на јавните набавки за изградба на канализационен систем во Индустриската зона Визбегово како и во Арачиново, потенцираат од министерството за транспорт и врски.

„За вистинско информирање на јавноста, сакаме да истакнеме дека во однос на изградба на фекалната канализација за ИЗ Визбегово, јавниот повик е распишан на ден 04.10.2019 година и истиот е објавен на веб страната на Бирото за јавни набавки. Склучен е договор на 17. 12. 2019 година и договорот е објавен на 23.12. 2019 година исто така на веб страната на Бирото за јавни набавки. Во однос на изградба на фекалната канализација за општина Арачиново, распишан е јавен повик на ден 01.10.2019 година и истиот е објавен јавно на веб страната на Бирото за јавни набавки. Договор е склучен на 10.12.2019 година и договорот е објавен на веб страната на Бирото за јавни набавки на 19.12 2019 година“, стои во писмениот допис од министерството за транспорт.

Од оваа институција појаснуваат дека со ова, министерството за транспорт и врски постапило по член 70 од Законот за јавни набавки во кој било наведено дека Договорниот орган задолжително објавува известување за склучен договор на ЕСЈН во рок од десет дена по склучувањето на договорот во отворена постапка.

Во продолжение може да се погледнат јавните објави на Бирото за јавни набавки конкретно за двете јавни набавки, додаваат од министерството.

https://www.e-nabavki.gov.mk/PublicAccess/home.aspx#/dossie-acpp/986a29e0-69fc-4888-8dfd-5b6131453c16 https://www.e-nabavki.gov.mk/PublicAccess/home.aspx#/dossie/3fab5a54-ce10-45f7-b1ce-4d49bcf44e07/1 https://e-nabavki.gov.mk/PublicAccess/home.aspx#/dossie-acpp/e478d388-2e92-4ad9-8457-a072b7a672ef https://www.e-nabavki.gov.mk/PublicAccess/home.aspx#/dossie/dd76ceed-6b4c-4fd0-9728-67b0f16f6de8/1

„Ова само ги демантира тврдењата на ВМРО-ДПМНЕ за аматеризмот и непрофесионалноста со кои се служат за евтини политички поени. Ги повикуваме од ВМРО-ДМПНЕ пред да објават било каква информација, доследно да ја проверат без да ја дезинформираат јавноста“, пишуваат од таму.

Министерството за транспорт и врски како и до сега и во иднина ќе работи исклучиво во рамките на Законите и законските прописи во Република Северна Македонија, се истакнува во писменото соопштение од оваа институција.

Ангажирање на сите можни капацитети во борбата против корупцијата, охрабрабрување на различно мислење, градење на СДСМ за новото време – млад СДСМ, подигнување на мотивацијата на граѓаните, се само дел од столбовите на партијата што ги најави лидерот на СДСМ Зоран Заев на почетокот на 26 Конгрес на партијата.

Заев ѝ се заблагодари и на Радмила Шеќеринска, која била покрај него во најтешките моменти. Шеќеринска, како заменик претседател на партијата, веќе најави дека ќе се повлече од оваа функција бидејќи „не е од оние луѓе кои припаѓаат на некоја партија само поради функцијата“.

Заев на денешниот Конгрес, кој поради пандемијата со Ковид-19 се одржува онлајн, пред сопартијците рече дека партијата е успешна и со државнички успеси. Тој се пофали со досегашните успеси – дека ги покачиле платите, пензиите, социјалната помош, обезбедиле поврат на дел од ДДВ, ја укинале радиодифузната такса и изградиле преку 500 километри патишта.

„Единаесетте години под режимот на ВМРО-ДПМНЕ оставија огромни, несогледливи последици во тоа време. Државата ни беше опустошена. Додека граѓаните страдаа, државата одеше во погрешен правец, кон провалија. Во таков амбиент се исправивме, кренавме глас, ја покажавме вистината и заедно со граѓаните одлучно газевме по улиците, во борба за слобода и правда“ истакна премиерот и претседател на СДСМ.

Тој кажа дека епитетот „државнотворна партија“ СДСМ го потврдувал многупати во минатото, а во изминативе четири години, по доаѓањето на власт, одновно и повторно го докажале тоа.

„Излеговме со чесна понуда, со јасен „План за обезбедување нормален живот во Македонија“. Со нов концепт: враќање на парите кај граѓаните, со сите сили на прав пат, кон интеграција, со постојана борба со режимските наследници, со одлучност за воспоставување на правна држава. Тоа граѓаните го препознаа и се приклучија! Го срушивме режимот на ВМРО-ДПМНЕ кој цела деценија ја држеше земјата во заложништво. Нашата татковина тргна напред, економски, политички, демократски, на секое можно поле“ истакна Заев.

Тој додаде дека мандатот не бил мирен, но таа битка за доброто на земјата и доброто на народот била и очекувана.

„Ние од почеток се боревме на два фронта истовремено: на надворешен план, мораше да се решаваат наследени децениски проблеми, прашања за кои никој не собрал храброст да ги решава речиси 30 години, од осамостојувањето на нашата држава“ истакна Заев.

На денешниот Конгрес ќе се бира заменик претседател, потпретседатели, но и членови на Централниот и Извршниот комитет. Иако се шпекулира со повеќе имиња, премиерот Заев беше воздржан и не лицитира со конкретни имиња, но најави „нова и свежа енергија во партијата“.

„Нема веќе недопорливи, тоа денес сите го знаат. Посветени сме на градење силна, независна и ефикасна правна држава која испорачува владеење на правото, подеднакво за сите“.

Тој потенцираше дека целото раководство на опозицијата стои на браникот на криминалот, но и покрај тоа, Собранието го донело Законот за јавното обвинителство.

„Како резултат на тој закон, предметите за висока корупција се живи и тие добиваат и ќе добиваат судски разрешници. Во таа смисла, голем чекор напред е работата на Судскиот совет и Советот на јавни обвинители, согласно новите закони, најавија детална проверка на работата на судиите и обвинителите“ рече Заев.

Премиерот го поздрави овој процес и повтори дека токму тоа посакува да го види – целосно независна судска власта која не е составена по тефтерчиња, туку се води само по законите и Уставот.

Со почеток од утре, 17 мај, па во наредните три месеци, скопјани ќе имаат можност бесплатно да вежбаат и да се рекреираат на отворено со тим од стручни лица од Факултетот за физичко образование, спорт и здравје. Секој работен ден, по 18 часот, на различни локации на јавните површини и парковите во Скопје ќе се вежба аеробик, фитнес, пилатес, зумба, спортска јога и атлетика. Проектот „Скопје вежба“ кој има цел да им помогне на граѓаните да го подобрат своето здравје и да ја одржат физичката форма го спроведува Град Скопје во соработка со Факултетот за физичко образование, спорт и здравје, најави градоначалникот Петре Шилегов.

„Градот Скопје преку професионални тренери ќе им овозможи на граѓаните на Скопје бесплатна физичка активност во текот на попладневните часови, од понеделник до петок. Нашата цел е кај помладите генерации да всадиме навики за физичка активност, а кај постарите генерации да стимулираме еден поинаков и поздрав начин на живеење. Сакам да се заблагодарам на Факултетот за оваа заедничка акција со која ќе овозможиме на Скопје и на скопјани еден поинаков пристап кон физичката култура. Се надевам дека на крајот на јули кога ќе заврши оваа активност ќе може со задоволство да ги констатираме позитивните бројки на граѓани кои ја искористиле оваа можност“, рече Шилегов.

Деканот на Факултетот за физичко образование, спорт и здравје, Ленче Алексовска – Величковска изрази задоволство што Градот Скопје препозна партнер во нивната институција која постои 40 години.

„Ќе изведуваме физичка активност во оваа пандемија која за жал се уште трае. Ќе ги почитуваме сите препораки на Министерството за здравство и Комисијата за заразни болести. Првичната цел е да ја подигнеме свеста за физичката активност кај сите категории – и деца и адолесценти и возрасни. Тука зад мене се сите универзитетски професори, експерти кои што ќе бидат вклучени, зашто не е само да се вежба, туку треба да се одговори на многу прашања – колку да се вежба и како да се вежба за да се сочува и менталното и физичкото здравје“, објасни Величковска.

За дневниот распоред на вежби во текот на месеците мај, јуни и јули граѓаните ќе можат да се информираат на Интернет страницата на Град Скопје www.skopje.gov.mk, како и преку социјалните мрежи на Град Скопје. За вежбање се предвидени 6 локации -две локации во Градскиот парк, паркот кај„Три Бисери“ во Аеродром, паркот во Ѓорче Петров, кај Веро Тафталиџе во Карпош и паркот во Чаир.

Градот Скопје финансиски го поддржува овој спортско рекреативен и забавен проект со 500.000 денари.