„Локалната власт во Општина Аеродорм предводени од СДСМ постојано вложува во унапредувањето и подобрувањето на инфраструктурата во нашата општина. Во моментов се одвива реконструкцијата на паркингот што се протега по должината на булевар „Јане Сандански“, почнувајќи од училиштето „Ѓорѓија Пулевски“ до раскрсницата со булевар „Србија“, изјави Сашо Унчевски од ОО СДСМ Аеродром.

Заврши третата фаза од реконструкцијата на овој паркинг простор, односно целосното асфалтирање, а во соработка со ЈП „Градски паркинг“ ќе бидат соодветно обележани паркинг -местата и ќе се постави нова вертикална и хоризонтална сигнализација за целосна безбедност на граѓаните. Исто така ќе се изврши целосна реконструкција на сите паркинзи и сервисни улици и тротоари на овој потег во четири фази, со вкупна површина од околу 36 илјади квадратни метри.

„Како одговорна партија работиме во интерес на граѓаните и преземаме конкретни мерки што носат квалитетни и видливи резултати. Во наредниот период продолжуваме посветено да вложуваме за развојот и иднината на општина Аеродром.Градиме по план во интерес на сите граѓани и ги решаваме нивните проблеми, работиме уште повеќе за да биде уште подобро“, додаде тој.

Заменикот на претседателот на Владата задолжен за економски прашања, координација со економските ресори и инвестиции, Фатмир Битиќи, оствари средба со амбасадорот на Унгарија, Ласло Дукс, со кого разговараа за актуелните состојби поврзани со мерките за поддршка на економијата во услови на пандемијата со коронавирусот, економската соработка помеѓу двете земји и поддршката од Унгарија во процесот на пристапување на земјава во ЕУ.

Вицепремиерот Битиќи и амбасадорот Дукс се согласија дека економската соработка помеѓу двете земји се развива во позитивна насока, пришто Унгарија од 27-то место во однос на трговската размена, за само неколку години, стана 9-ти трговски партнер на Северна Македонија, а во меѓусебниот разговор изразија очекување дека овој тренд ќе продолжи и понатаму.

Битиќи нагласи дека соработката со земјите членки на ЕУ, останува врвен приоритет на Владата и додаде дека се надева на поддршка од Унгарија во процесот на преговори и пристапување кон ЕУ, како и дека ќе може да се искористат унгарските искуства во процесот и при привлекување на фондови за реализација на развојни проекти во нашата земја. 
 
Вицепремиерот потенцираше дека во периодот кој следи ќе работи на поттикнување на соработка со сите земји во регионот на Западен Балкан, со цел во секоја земја да се креираат конзистентни и кохерентни економски политики, кои ќе придонесат за зголемување на конкурентноста на секоја од земјите, но и регионот во целина,  наместо создавање на конкуренција помеѓу земјите, со цел да станеме поатрактивен партнер на ЕУ.

Битиќи и Дукс разговараа и за можноста за унапредување на соработката помеѓу Северна Македонија и Унгарија, за што вицепремиерот посочи дека во земјата во периодот кој следи ќе се реализираат голем број на крупни проекти за развој на железничката и патната инфраструктура, енергетиката, како и проекти за заштита на животната средина и управување со водни ресурси, за кои постои искуство и знаење кај унгарските компании.
 
Амбасадорот Дукс го реафирмираше ставот дека Северна Македонија може да очекува помош и поддршка од Унгарија во пристапниот процес, а заедно со вицепремиерот Битиќи се заложија да продолжат со интензивна комуникација во насока на унапредување на меѓудржавната економска соработка и поефикасното интегрирање на нашата земја во ЕУ.

Полицијата вчера казнила 287 возачи во Скопје, од кои најмногу за непрописно паркирање.

Министерството за внатрешни работи во текот на вчерашниот ден (28.10.) продолжи со засилените акциски контроли во областа на сообраќајот.

На територијата на град Скопје во текот на вчерашниот ден изречени се вкупно 287 санкции, меѓу кои за пречекорување на дозволената брзина на движење четири казни, 11 казни за технички неисправни и нерегистрирани возила, 15 за возење без возачка дозвола. Напишани се 72 казни за непрописно паркирање, а 58 возила се подигнати со „пајак“.

Изречени се 123 санкции за неносење на заштитна маска.

„Засилените сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот“, велат од МВР.