Контакт

Македонија

Во болниците во земјата има 1.224 ковид-пациенти, во Скопје за еден ден хоспитализирани 63 лица

Објавено пред

Вкупната бројка на пациенти позитивни и суспектни на коронавирусот што се лекуваат на инфективните оддели во главниот град и во болниците во земјата е 1.224 и има околу 317 празни болнички кревети во ковид-центрите, информираат од Министерството за здравство.

Од таму додаваат дека во изминатите 24 часа во ковид-центрите во болниците во земјата, со исклучок на главниот град, е пријавено дека се лекуваат вкупно 704 пациенти позитивни и суспектни на вирусот. Во Скопје бројот на ковид-пациенти е 520, од кои само во последните 24 часа биле хоспитализирани 63 лица.

Поради зголемениот број на пациенти што имаат потреба од хоспитализација, отворен е и ковид-центарот на ТОАРИЛУЦ, на Клиниката за трауматологија, а доколку има потреба ќе се отворат и дополнителни оддели на Клиниката за пластична хирургија и на Клиниката за торакална хирургија, кои имаат вкупно 50 кревети.

„Во болницата во Битола се хоспитализирани 73 пациенти позитивни и суспектни на Ковид-19. Во болницата во Штип се хоспитализирани 48 пациенти. На инфективното одделение во Тетово има 30 пациенти, во Велес се лекуваат 57 лица, а во Куманово 102 пациенти позитивни и суспектни на Ковид-19. Во ковид-центарот во Охрид се хоспитализирани 91 пациент, во Прилеп – 107, во ковид-центарот во Гостивар – 30, а во Струга – 20 болни. Во болницата во Струмица хоспитализирани се 41 пациент, во Кочани – 8, во Кичево – 10, во Кавадарци – 66, а во Гевгелија – 16 лица позитивни и суспектни на вирусот“, се вели во соопштението на Министерството, од каде што додаваат дека бројките се менуваат од час на час според направените приеми и исписи на пациенти.

Македонија

Царовска: Креираме политики за инклузивност, разликите се квалитет

Објавено пред

Во ООУ„ 25 Мај“ во скопската општина Гази Баба отворена Сензорна соба.

Министерката за образование, Мила Царовска, посочи дека Сензорната соба дава можност за подобар квалитет на учењето кај учениците со атипичен развој, но притоа не само за нив, туку и за сите ученици кои имаат потреба за користење на вакви дополнителни ресурси во училиштето. Според неа инклузивно образование, инклузивни училишта значат и квалитетно образование, образование во коешто децата знаат да се препознаваат во своите разлики и тие да ги истакнуваат како квалитет, наспроти можноста за дискриминација.

Училиштата, напомена Царовска, треба да станат центар на заедниците, како што тоа е пример во општината Гази Баба, каде со заеднички средства од реалниот сектор, Министерството, Владата се вложува во образованието.

„Како Влада сме посветени да креираме политики коишто значат инклузивност. Тоа го гарантира новата концепција за основно образование, тоа го гарантира и новиот закон за учебници, којшто за првпат препознава аудиоверзија од сите учебници коишто треба да се воведат и исто така учебници коишто се изготвени на Брајово писмо за да можат учениците со оштетен вид да ги користат учебниците, што не беше пракса до денеска“, потенцира Царовска, напоменувајќи дека е значајно за граѓаните да знаат дека овој пристап на нов тип на учебници се воведува сукцесивно.

„Следната година само во четврто одделение ќе имаме дигитални учебници, затоа што нашиот модел којшто го нудиме е комбиниран и овозможува различнитe потреби на учениците да ги пресретнеме со различен или поинаков тип на учебници“, додаде Царовска.

Градоначалникот Гази Баба Борис Георгиевски, напомена дека сензорната соба во ООУ „25 Мај“, е опремена со сите наставни помагала за инклузија на децата со посебни образовни потреби.

Георгиевски истакна дека е започната изградбата на Центарот за сензорна интеграција во населбата Железара, во кој ќе бидат згрижени децата со посебни образовни потреби од основните училишта и градинките од општината, а се работи и на целосна имплементација на стратегијата за инклузивно образование во основните училишта во Гази Баба.

Прикажи повеќе...

Македонија

„Репортери без граници“: Културата на неказнивост и понатаму опстојува

Објавено пред

Со скок од 2 места, Македонија сега се наоѓа на 90-то место од вкупно 180 земји во светот според овогодишниот индекс на „Репортери без граници“ кој ја мери слободата на медиумите во државите низ светот.

Еден од основните проблеми кои ги истакнува извештајот на „Репортери без граници“ е опстојувањето на културата на неказнивност кон насилството и нападите врз новинари. За оваа појава Здружението на новинари на повеќе пати јавно укажуваше во текот на минатата година и алармираше дека доколку не се казнуваат напаѓачите кон новинарите, насилството ќе продолжи, а ова ќе биде нотирано и од меѓународните организации.

Во делот за нашата земја се наведува дека: „2020 година беше вонредна година за Република Северна Македонија. Парламентот се распушти, привремената влада ја презеде власта, а потоа мораше да се одложат предвремените парламентарни избори заради пандемијата Ковид-19 и соодветно прогласената вонредна состојба. Ситуацијата со медиумите се влоши, високи владини претставници продолжија да се закануваат и да ги навредуваат медиумите, а се зголеми и кибермалтретирањето и вербалните напади врз новинарите на социјалните мрежи.“, се вели во извештајот на „Репортери без граници“.

Во извештајот дополнително се наведува дека известувањето беше комплицирано со тековната пандемија. Медиумските организации исто така остро се спротивставија на различните предложени измени и дополнувања на законот за државни и приватни медиуми со кои се овозможува државно рекламирање во медиумите со образложение дека може да го поттикне клиентелизмот. Министерството за правда подготвува нов кривичен законик којшто треба да овозможи безбедност за новинарите и медиумските работници.

Според последниот индекс за слобода на медиумите, од соседството, пред Северна Македонија се: Косово на 78. и Албанија на 83. место, додека зад нас се наоѓаат Србија, на 93. место, Црна Гора на 104. и Бугарија на 112. место. Северна Македонија според индексот за слободата на медиумите во 2009 година беше на 34. место од 175 земји во светот.

Прикажи повеќе...

Македонија

(Видео) ВМРО-ДПМНЕ поднесе пријави против Џафери и пратениците кои заразени дојдоа во Собранието

Објавено пред

Пратеничката група на ВМРО-ДПМНЕ и коалицијата поднесе кривични пријави за прекршување на Кривичниот законик од страна на претседателот на Собранието, Талат Џафери, и двајцата пратеници Бисера Костадиновска од СДСМ и Мирослав Богдановски од ДОМ, на кои иако им беше одредена домашна самоизолација, учествуваа во работата на парламентот и во скафандери гласаа по точките од 32. и 36. седница.

„Македонија мора да биде држава во којашто законите и Уставот важат подеднакво за сите. Поради основано сомневање за прекршување на Кривичниот законик, а особено во членовите 205 и 206, кои што се однесуваат за непостапување по здравствени прописи во време на пандемија, пратеничката група на ВМРО-ДПМНЕ и коалицијата, денес во Основното јавно обвинителство ќе поднесе кривична пријава“, рече во изјавата за медиумите пред ОЈО, пратеничката Ели Панова.

Таа објасни дека пријавата против претседателот на Собранието, е зашто тој овозможил на седницата да присуствуваат двајца пратеници позитивни на Ковид-19.

„Тоа значи дека имаме основано сомневање дека се прекршени членовите од Кривичниот законик, исто така Законот за заштита на населението од заразни болести“, објасни претставничката на ВМРО-ДПМНЕ, додавајќи дека кривична пријава ќе биде дадена на процесуирање во Јавното обвинителство, кое треба да постапи по неа.

Прикажи повеќе...

Најново

Македонија1 час

Вработени во Агенцијата за вработување нелегално издале пријави за работа на над 80 странци

Единицата за економски и компјутерски криминал при СВР Скопје поднесе кривична пријава против Н.М.(48) од Скопје и В.З.(60) од Скопје,...

Македонија2 часа

Османи во разговор со Кулеба: Даваме недвосмислена поддршка на територијалниот интегритет на Украина

Mинистерот за надворешни работи Бујар Османи, по повод 26-годишнината од воспоставувањето на дипломатски односи меѓу Македонија и Украина, оствари телефонски...

Македонија2 часа

Приватните специјализанти бараат здравствено осигурување и покачување на платата

Решавање на проблемот со здравственото осигурување на приватните специјализанти, покачување на платите, како и платени дежурства, се дел од барањата...

Европа3 часа

Чешка нема да набави „спутник В“ и го исфрла рускиот „Росатом“ од тендерот за нуклеарна централа

Чешката влада објави дека го исклучува рускиот „Росатом“ од тендерот за нуклеарна централа вредна повеќе милијарди евра и се откажа...

Свет4 часа

Научници за носењето маски на отворено: Престојот надвор е многу побезбеден

Пандемијата предизвика позната глетка во многу градови низ светот – луѓе кои шетаат, возат велосипед или седат во парк со...

Македонија5 часа

Македонија во мај добива 119.000 дози, ЕУ ќе испрати 651.000 вакцини за регионот

Австрија потврди дека ЕУ планира да дистрибуира 651.000 дози вакцини на „Фајзер“ и „Бионтек“ против коронавирус во шест земји од...

Македонија16 часа

Стигнаа 10.530 дози од „Фајзер“, од среда ќе бидат распределени на пунктовите за вакцинација

Попладнево стигна првата пратка од вакцините на „Фајзер“, која властите ја обезбедиjа cо директни преговори со овој производител, информираат од...

Европа17 часа

Прага бара руската амбасада да го ослободи објектот, на таа локација ќе се прави парк

Властите во Прага бараат руската амбасада во Чешка да го напушти просторот што моментно го зафаќа на површина од пет...

Македонија18 часа

Груевски: Тие си знаат чиј имот замрзнале, но мој сигурно не е

Денес дознав дека деновиве ОЈО објавило дека замрзнале наводен мој имот, односно земјиште и два помали стана што ги бев...

Европа21 час

Политичките лидери за Суперлигата: Богатите не може да ја присвојат убавината на фудбалот

Дванаесет големи европски фудбалски клубови синоќа објавија дека ќе стартуваат нова Суперлига, затворено натпреварување, во кое ќе играат само најсилните...

Македонија21 час

35 починати и 135 нови случаи на Ковид-19

Oд Министерството за здравство информираат дека во последните 24 часа се направени 841 тестирањe, а регистрирани се 135 нови случаи...

Македонија21 час

Рестриктивните мерки продолжуваат и во наредните седум дена, препорача Комисијата за заразни болести

Главниот кризен координативен штаб на денешната седница ги разгледуваше предлозите пристигнати од Комисијата за заразни болести и врз основа на...

Македонија22 часа

Џафери тврди дека ги консултирал институциите – заразените пратеници гласале според дополнителен протокол

Претседателот на Собранието, Талат Џафери, на денешната прес-конференција рече дека бил приморан да се потпре на дополнетиот протокол со кој...

Економија1 ден

Угостителите утре излегуваат на протест, бараат спас за секторот

Туристичко-угостителскиот сектор се наоѓа во исклучително тешка положба, а за негов спас е потребна сериозна и континуирана финансиска помош каква...

Македонија1 ден

Филипче: Состојбата со новозаразени е стабилна, бројот на пациенти намален

Министерот за здравство, Венко Филипче, информираше дека имал состанок со директорите на клиниките и на ковид-центрите на кој била направена...

Македонија1 ден

Границата со Грција останува затворена за македонските граѓани, Србите можат да патуваат преку Бугарија

Грчките граници остануваат затворени за влез на државјани на трети земји, меѓу кои и Северна Македонија. За нив, владата во...

Регион1 ден

Словенија ги ублажува мерките, до 100 луѓе ќе можат да се соберат на едно место

Словенија полека ги олеснува мерките, па од денес е во сила одлуката на владата дека можат да се соберат до...

Македонија1 ден

Денеска во Македонија пристигнуваат 10.000 вакцини на „Фајзер“

Попладнево се очекува да стигнат 10.000 вакцини на „Фајзер“, а според најавите, уште толку ќе пристигнат и следната недела. Вакцините...

Европа1 ден

Макрон: Санкциите не се доволни за Русите, треба остро да се разговара со нив

Тензиите на руско-украинската граница се неприфатливи, смета францускиот претседател Емануел Макрон, тврдејќи дека санкциите против Русија не се доволни. „Денешната...

Свет2 дена

Убиецот кој застрела осум луѓе во „Федекс“ го купил оружјето легално

Момчето кое уби осум лица со огнено оружје во објект на „Федекс“ во Индијанаполис, САД, а потоа изврши самоубиство, купил...

Досие