„Имам голема чест да го отворам овој хуманитарен базар организиран од нашиот Социјалдемократски сојуз на Македонија. Навистина честа е голема заради тоа што ја користиме приликата секогаш да ги покажеме нашите Социјалдемократски вредности. Солидарноста, хуманоста и меѓусебното почитување се основни Социјалдемократски вредности на кој што почива нашето делување , работење и функционирање како политички субјект во нашата земја.
Вашето присуство денеска на сите овде покажувате дека силно ги поддржувате токму овие вредности. Со овој настан денеска овозможуваме преку нашите донации, преку солидарно донирање да им помогнеме на бездомните семејства кој што се сместени во згрижувачкиот капацитет во Визбегово, но и до сите наши сограѓани кои што се обратиле за помош до сите нас. Јас верувам дека ваквите Социјалдемократски вредности навистина испраќаат ја пораката на хуманост, солидарност, меѓусебно поддржување и почитување до сите граѓани во нашата земја. Во овој период, период на празници навистина треба да го отвориме срцето, да подадеме рака и меѓусебно да си помогнеме“, изјави лидерот на партијата, Зоран Заев.

Денеска има овде доста носители на јавни функции кој што институционално се вградени за нашата солидарност како општество ,за нашата хуманост и нашето помагање. Денеска имаме можност и со индивидуален чин како личен гест да направиме исчекор во меѓусебното помагање и почитување за оние на кои што им е потребна помош, додаде тој.

„Сакам да испратам порака до сите, овде на овие штандови преку купување на пијалок, преку купување на производите кои што се нудат но и преку донирање во кутиите кои што постојат или купување на некој од реквизитите дека директно ги помагаме овие наши сограѓани на кои што верувајте навистина им треба помош. И ве повикувам сите да продолжиме во духот на солидарноста и хуманоста како главни Социјалдемократски вредности заедно сите да градиме фер, праведно, едно и еднакво општество за сите“, додаде Заев.

По речиси 20 часовен распит во полициска станица, Oбвинителството бара притвор за Емил Јакимовски, поранешен член на ВМРО-ДПМНЕ и поранешен вработен во Централниот регистар.

Јакимовски во последниов период им се закануваше и ги навредуваше новинарките Мери Јордановска и Искра Коровешовска, многупати бил пријавуван за семејно насилство, а доби и други поплаки за навреди и закани на социјалните мрежи. Поплаки против него има поднесено и директорката на Централниот регистар, Марија Бошковска – Јанковски.

„Основното јавно обвинителство Скопје поведе постапка против едно лице за сторени кривични дела – Загрозување на сигурноста од член 144 став 2 (при вршење семејно насилство), Загрозување на сигурноста од член 144 став 4 (по пат на информатички систем), како и Неизвршување на судска одлука од член 377 став 5. Ценејќи ги сите околности во предметот, надлежниот јавен обвинител до судијата на претходна постапка при Основниот кривичен суд Скопје ќе достави Предлог за определување мерка притвор за осомничениот“, се вели во соопштението на ОЈО.

За Јакимовски веќе има една правосилна судска пресуда за семејно насилство. Тој е условно осуден, односно ако го повтори делото во наредните 3 години, ќе треба да одлежи една година затвор. Јакимовски беше уапсен вчера поради непочитување на мерките предвидени во пресудата и помина 20 часа во полициска станица, а потоа беше однесен во Oбвинителството кое побара притвор.Тој сега е изнесен пред судија на претходна постапка Васил Димковски во Кривичниот суд, кој треба да одлучи дали ќе му одреди притвор.

„Три години Зоран Заев и СДСМ владеат со лаги, измами и криминал. Три години граѓаните страдаат, а мафијата профитира.Економијата е далеку од ветените 5% раст. Администрацијата е партизирана. Функционерите наместо да работат со нозете во вис го поминуваат работното време. Безбедноста на граѓаните е доведена под знак прашалник, криминалци се препукува по улиците и за тоа никој не одговараше. Откуп за земјоделските култури нема, а кога има цената е мала. Болниците се како во хорор филм, а студентските домови се нефункционални“, изјави Игор Јанушев, генерален секретар на ВМРО-ДПМНЕ.

Според енго, Зоран Заев и СДСМ наместо на развој се насочија на раскрчмување на државата. Се делат тендери и бизниси на фирми формирани непосредно пред да се распише јавниот повик.

„Оваа власт ќе остане обележана по епидемијата на непотизам, грантовите на Фондот за иновации кои беа делени на лица блиски до власта, 35 милионскиот „крвав тендер” во здравството, сомнителната поделба на лиценците за возачки испитни центри, тендерите кои ги добиваше невенчаниот сопруг на Царовска, сомнителните бизниси на Анѓушев и Заеви, Леонардо, Сар Хемс, Рекет 1, 2 и 3 и редица други криминални афери. Ветуваа правна држава, а го уништија системот. Судски пресуди се пишуваат по нарачка, а обвиненија се отвораа само со дозвола на Заеви. Заглавија патриоти во затвор, а убијци пуштија на слобода. 1 200 криминалци наместо во затвор се на улиците и секојдневно ги тероризираат граѓаните на Република Македонија.
Ја клекнаа државата на колена. Ја убија надежта кај луѓето. Граѓаните се иселуваат масовно, што поради нискиот стандард, што поради нефункционалната држава. Апатијата, криминалот и безредието мора да завршат. Тука сме. Имаме идеја и визија за обнова на Македонија, за ставање на државата на брза трака кон ЕУ. Македонија мора да биде просперитетна, Македонија мора да биде напредна“, додаде тој.

Јанушев најави дека од понеделник, 20 јануари почнуваме со кампања ,,Обновата пред вашиот дом”. „Тимови на ВМРО-ДПМНЕ ќе ги посетат вашите домови, ќе ги посетиме сите населени места, села и градови. Ќе разговараме со секој еден од вас. Заедно со вас ќе ја поразиме оваа криминално рекетарска банда на власт. Доаѓаме сега, но ќе дојдеме и по 12 април. Вие граѓаните сте причината за која работиме. Понатаму потсетувам дека сите ОК на ВМРО-ДПМНЕ се отворени секој ден од 18-21 часот и сите граѓани можат да дојдат и да ни се приклучат.

Почнувајќи од викендот 25 и 26 јануари, тимови на ИК на ВМРО-ДПМНЕ почнуваат со посета на рурални средини, нема да има населено место од најмалото до најголемото, нема да има човек во Македонија што ќе остане непосетен.Исто така претседателот на ВМРО ДПМНЕ, Христијан Мицкоски ќе започне кампања „Мицкоски со граѓаните“, каде во овој период ќе ги посети градовите, ќе разговара со граѓаните, еснафот, бизнисмените, земјоделците. Ќе се погледнеме очи во очи со граѓаните, и ќе им се каже дека Македонија има и шанса и надеж и дека обновата доаѓа. Тука сме до граѓаните. Заедно ќе победиме. За ова зло никогаш да не се повтори. Зоран Заев никогаш повеќе.Заев и СДСМ се виновни за поразите, измамите и криминалите. На 12 април следува одговорност. Заев никогаш повеќе“, додаде тој.