Министерството за надворешни работи и надворешна трговија и УНХЦР – Агенцијата на ОН за бегалци, заеднички ја одбележаа 30-годишнината од присуството на УНХЦР во Република Северна Македонија, кое во изминатите децении помогна на стотици илјади баратели на азил, бегалци и лица без државјанство.

Овој значаен јубилеј се одбележa со свечено отворање од министерот Тимчо Муцунски, на кој присуствуваше претседателката на државата, Гордана Силјановска Давкова, високи државни и меѓународни претставници, вклучувајќи го заменик-министерот за внатрешни работи, Астрит Исени, заменик-министерот за социјална политика, демографија и млади, Ѓоко Велковски, регионалниот директор на УНХЦР за Европа, Филип Леклер, претставникот на УНХЦР, Габриел Гуалано Де Годој, резидентниот координатор на ОН, Рита Колумбија, амбасадори, како и партнери од граѓанското општество, академската заедница, приватниот сектор и други регионални и меѓународни организации.

Настанот се организира во чест на тридецениската блиска соработка помеѓу УНХЦР и Владата на нашата земја, што ја одразува заедничката посветеност кон заштита на бегалците, поддршка на лицата без државјанство и промоција на човековите права и инклузивност. Во рамки на церемонијата беше претставен комеморативен поштенски жиг кој го симболизира хуманитарниот придонес на Северна Македонија, кој заедно со напорите на УНХЦР, претставува доказ за лидерството и посветеноста на нашата земја кон меѓународните хуманитарни вредности.

„УНХЦР е горд што активно ги поддржува напорите на Северна Македонија за заштита на бегалците и другите лица кои имаат потреба од меѓународна заштита. Во изминатите три децении, нашата соработка помогна да се заштитат правата и достоинството на многу луѓе и одигра клучна улога во спречување на повторна појава на лица без државјанство во земјата. Подготвени сме за понатамошна соработка за зајакнување на системот за азил, подобрување на политиките за локална интеграција на барателите на азил и бегалците, како и за усвојување на постапка за утврдување на статус на лицата без државјанство. Ова трајно партнерство е доказ за нашата заедничка посветеност на хуманитарните вредности и ја истакнува Северна Македонија како пример за регионот и светот,“ изјави Филип Леклер, регионален директор на УНХЦР за Европа.

„Додека се навраќаме на изминатите 30 години, ги славиме постигнувањтаа овозможени преку нашето цврсто партнерство. Нашата соработка со УНХЦР беше тестирана преку бројни предизвици. Заедно работевме на зачувување на човековите права, хуманоста и достоинството, како и солидарноста, нудејќи заштита, помош и надеж за илјадници бегалци, баратели на азил и раселени лица.

Активно сме ангажирани во напорите за поддршка на бегалците и раселените лица преку зајакнување на системот за азил, развој и поддршка на програми за интеграција, обезбедување пристап до основни услуги како образование и здравствена заштита, и создавање услови бегалците да ги обноват своите животи со достоинство.

Демонстриравме отпорност и прилагодливост во усогласувањето на националните политики со принципите на хуманитарното право. Од земја која во минатото имаше потреба од значителна поддршка од меѓународната заедница, денес станавме пример за земја која дава поддршка“, истакна министерот Муцунски во обраќањето.

На церемонијата беа презентирани говори и сведоштва од лица кои имаат бенефит од поддршката на УНХЦР низ годините, истакнувајќи го не само влијанието на присуството на агенцијата, туку и проактивната улога на Северна Македонија во зачувување на глобалните принципи на инклузија и заштита. Овие сведоштва ја нагласуваат длабоката и позитивна улога на нашите заеднички напори во поттикнување на попријатна и поддржувачка средина за оние на кои им е потребна помош.

Еден од трите столба, во мерењето на индексот на транспарентност е внатрепартиската демократија, аспект кој е многу важен, затоа што внатрепартиската демократија резултира со степенот на демократизација на партиите и рефлектира како како тие партии се однесуваат кон граѓаните и кон јавноста, генерално и кога се опозиција, но и кога се на власт. Дилемата што ја наметнува истражувањето, е дека партиите генерално се порасположени да бидат демократични кога се во опозиција, отколку кога се на власт, рече заменичка претседателка на СДСМ, Фани Каранфилова Пановска на денешната панел-дискусија за транспарентност на политичките партии.

Таа се осврна на внатрепартиската демократија во СДСМ, велејќи дека доколку сега би се направиле истражувањата и мерењата, би имале малку поинакви резултати од овие кои се направени во време кога СДСМ ги загуби изборите.

– Во ноември 2024 се одржа долгоочекуваниот конгрес на СДСМ на кој беа избрани извршните и централните тела на партијата. Веќе е распишан Отворен повик за самокандидирање на претседатели на општински организации и за претседател на град Скопје. Со оглед на тоа дека лидерот на СДСМ беше избран од директни, внатрепартиски избори, а после следеше период од неколкумесечно негово консолидирање за да може да настапи со стратегија околу тоа како да се воспостави понатамошното раководство. И во тој контекст највисокиот орган на партијата, конгресот, одржа седница на 27 ноември. На последниот 30. конгрес на СДСМ каде бев избрана како заменик-претседател на партијата, функција каде се водеше сметка за родовиот баланс, што покажа дека СДСМ не само што има свесност и приоритет за родовата еднаквост, туку тоа го демонстрира и во пракса, рече Каранфилова Пановска.

Се осврна и на фактот дека при изборот на раководството и членовите, се водеше многу сметка за неколку принципи, а тоа е принципот дека процесот треба да се одвива отворено и инклузивно, зад сите овие именувања, луѓето кои се дојдени на различни позиции, се избрани со широк консензус во рамки на самата партија. Вториот принцип беше мултиетничноста која се зголемува.

– Што ќе правиме за да демократизацијата добие вистинска смисла во контекст на истражувањето, тоа е целосна комуникација меѓу централната и општинските организации. Ова ново раководство на СДСМ, е со план и идеа дека ќе воспостават сериозни линии на комуникации меѓу централното раководство и новите раководства кои треба да се случат на ниво на општинските организации. Со предлог партиската програма, ќе организираме средби со сите граѓани и поддржувачи за да го видиме нивниот придонес и идеите со што СДСМ треба да се занимава во наредни 4 години. Како демонстрирање на демократија, СДСМ ќе оди во насока и на интегрирање на младите и жените кои се во фокусот, покрај мултиетничноста, рече Каранфилова-Пановска.

Во делот на финансиска транспарентност и достапност до јавноста, резултатите од мерењето во 2024 година остануваат речиси идентични како и во 2023 година. СДСМ има разработени процедури за финансиско работење и редовно доставува извештаи до надлежните државни органи. На интернет страницата на СДСМ се објавени сите финансиски извештаи, како и извештаите од последните парламентарни и локални избори.

Во столбот достапност до јавноста, СДСМ покажува добри резултати идентично како и во мерењето спроведено во 2023 година. Ова се должи пред сè на сеопфатната партиска комуникациска стратегија, диверзификацијата на канали за комуникација (ФБ, Инстаграм, Твитер, Јутјуб итн.), како и официјална интернет страница богата со информации и новости, истакнуваат од партијата.

Тие што го познаваат Артан, добро знаат дека тој носи одлуки од општ интерес, а не од личен, напиша на социјалните мрежи поранешниот министер за економија Крешник Бектеши по одлуката на неговиот сопартиец Артан Груби да се повлече од политиката откако беше објавено дека е ставен на т.н „црна листа“ на САД.

„Така е и оваа одлука полна со храброст, каде семејството е пред се. Артан се издвојува од многу други кога е време за големи одлуки“, пишува Бектеши.

„И покрај се, за мене и јас верувам дека и многу други кои те познаваат колегијално но и приватно, продолжуваш да бидеш вредна личност со високи доблести“, додава Бектеши за Артан Груби.