Жители на Карпош 1,2,3 и 4 утрово пријавуваат дека останале без струја.

Речиси еден час траел прекинот, а од ЕВН добиле објаснување дека прекинот е поради дефект на 110 киловолтна станица поради кој без струја останал не само Карпош туку и делови од Ѓорче и Сарај.

Официјално известување за дефектот од ЕВН нема. Од петокот има најава за прекин во снабдувањето со струја за денес, но само за корисниците од булеварот „Партизански одреди“ зграда број 165 кај кои ќе има прекин од 9 до 11 часот и корисниците на дел од улица „Дамаска“ кои поради технички зафати во мрежата нема да имаат струја во периодот од 9 до 14 часот.

Прекин на снабдувањето со струја имаше и болницата „8 Септември“, па на пациентите дојдени за амбулантски прегледи лекарите им дале избор да чекаат да дојде струја или да дојат друг ден. Оние кои одбрале да останат, ќе бидат прегледани оти струја по прекин од еден час, веќе има.

На социјалните мрежи корисниците од улиците за кои немаше најава за прекин, барајќи објаснување за тоа што немаат струја стравуваат дека почнале рестрикции поради енергетската криза.

Министерството за труд и социјална политика соопштува дека, согласно со Законот за празниците на РМ („Службен весник на РМ„ бр.21/98 и 18/07), 5 октомври 2022 година (среда), Јом Кипур, првиот ден на Јом Кипур е неработен ден за припадниците на еврејската заедница во Република Северна Македонија.

Истовремено, Министерството за труд и социјална политика на припадниците на еврејската заедница во Република Северна Македонија им го честита празникот Јом Кипур.

СДСМ на дело покажува вистинска грижа за наставниците и образованието. За само пет години платите на вработените во основното и во средното образование се зголемени за 36 проценти, во споредба со владеењето на ВМРО-ДПМНЕ, се вели во соопштението од СДСМ.

Од партијата додаваат дека од 2017 година платата на околу 32.500 вработени во основното и во средното образование, од кои околу 25.000 се наставници се зголеми за повеќе од една третина. Само со последното зголемување од септември годинава нивните плати се покачени за 15 отсто. Тоа е зголемување во просек од околу 3.000 денари по вработен.

За споредба, во времето на владеењето на ВМРО-ДПМНЕ, за 11 години, платите во образованието се зголемија за едвај четири отсто.

За разлика од ВМРО-ДПМНЕ која ги уценуваше и понижуваше наставниците, СДСМ го вреднува нивниот труд и им го враќа достоинството, се вели во соопштението.