Македонија
Граѓанска акција за мапирање на ѓубрето и дивите депонии во земјава

2018 ја одбележува годината на најголемата граѓанска акција во светот – Светскиот ден на чистење. На тој ден, милиони волонтери од целиот свет ќе се здружат и ќе исчистат милиони тони ѓубре. Чистењето ќе се одржи во септември, а процесот започнува денес со мапирање на ѓубрето и дивите депонии во природата и во градовите.
Светскиот ден на чистење ќе започне на 15 септември, 2018 година, во 10 часот во Нов Зеланд. Светскиот бран чистења го следи сонцето низ 24 временски зони и завршува 36 часа подоцна на Хаваи. Милиони волонтери од 150 земји ќе се приклучат на најголемото позитивно граѓанско движење во светот во борбата против еден од најзагрижувачките проблеми во животната средина – отпадот.
Според Извештајот на UNEP за глобалниот отпад, секоја година милиони тони нелегален отпад достигаат до дивината и океаните. Иако многу организации го следат ѓубрето во различни делови на светот, предизвикот лежи во недоволното мапирање на отпадот.
Слепилото за ѓубрето е најголемата пречка за создавање почисти заедници”, нагласи Антонио Јовановски од граѓанското здружение Гоу Грин”. Луѓето живеат толку многу навикнати на ѓубрето што повеќе не го забележуваат, ниту пак неговите ефекти. Од клучно значење е да се започне со мапирање на ѓубрето што ќе му помогне на светот да ја сфати тежината на проблемот со отпадот и да се бори против ова слепило”.
Мапирањето на отпадот е организирано низ целиот свет, а повеќе од 2.400 луѓе ширум светот работат на прибирање и прилагодување на постоечките податоци, но следниот чекор е да се направат активности за мапирање на национално ниво со цел да се мапираат дивите депонии низ целиот свет. Апликацијата World Cleanup или други слични апликации за мапирање на ѓубре помагаат да се соберат податоците.
„Мапирањето на отпадот е првиот чекор – кога ќе знаеме каде и колку ѓубре има, можеме да почнеме да го чистиме”, додава Антонио. Апликацијата World Cleanup е лесна за користење и им овозможува на сите да учествуваат во мапирањето на ѓубрето за да се лоцираат значителен дел од копнениот отпад во светот во текот на годината сѐ до Светскиот ден на чистење. Податоците собрани со апликацијата ќе помогнат да се планираат активностите за расчистување на нелегалниот отпад на Светскиот ден на чистење.
„Ние сме дел од глобалното движење и нашата задача е да го мапираме и подоцна да го исчистиме ѓубрето во Република Македонија, па оттука и да бидеме дел од најголемата граѓанска акција во светот. Со акцијата за мапирање сега и чистењето подоцна, го правиме првиот но важен чекор кон одржлив свет и почисти заедници, а со тоа и подобра и побезбедна иднина за нашите деца”, заклучува Антонио.
Здружението Гоу Грин од Скопје е дел од Let’s Do It! движењето иницијатор на Светскиот ден на чистење. Иницијативата повикува 150 земји да се приклучат на Светскиот ден на чистење на 15 септември 2018 година, со цел да се мобилизираат милиони луѓе во еден ден за чистење на нелегалниот отпад. Оваа акција ќе послужи на целта за започнување на брзи промени за почиста планета. Движењето е започнато во Естонија и од 2008 година до сега се ангажираа повеќе од 20 милиони луѓе во национални кампањи за чистење и иницијативи за нула отпад, бидејќи справувањето со загадувањето од отпадот, усвојувањето одржливи системи за управување со отпадот, редизајнирањето и иновациите за максимално употребување на материјалите ќе играат значајна улога во постигнувањето на целите за одржлив развој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Муцунски-Спајиќ: во фокусот посветеноста на европската интеграција на Западен Балкан

Во пресрет на утрешниот Самит ЕУ – Западен Балкан, денеска министерот за надворешни работи и надворешна трговија, Тимчо Муцунски, оствари средба со премиерот на Црна Гора, Милојко Спајиќ.
Двајцата се дел од овогодинешната група добитници на признанието „Млад глобален лидер“ (YGL) на Светскиот економски форум – мрежа која веќе две децении обединува исклучителни личности под 40 години кои предводат позитивни промени ширум светот.
Програмата за млади глобални лидери е симбол на колективна акција и визија, поттикнувајќи нови форми на лидерство во ера на глобални трансформации. Тоа што двајца политичари од Западен Балкан се дел од оваа заедница е потврда за промените што оваа генерација ги носи во регионот, информираат од МНР.
На средбата се разговараше за зајакнување на билатералната и регионалната соработка, како и за потврдување на заедничката посветеност на европската интеграција на Западен Балкан – како дел од визијата за обединета, просперитетна и силна Европа.
Македонија
МВР: Од 1 јули летен режим на сообраќај за тешки товарни возила

Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури, соопшти МВР.
Забраната се однесува за следните термини:
петок од 17:00 – 22:00 часот
сабота од 09:00 до 19:00 часот
недела од 09:00 до 22:00 часот
Во деновите со екстремно високи температури, определени од Министерство зa здравство, забраната ќе важи и од понеделник до четврток во период од 11:00 до 17:00 часот.
Специјален сообраќаен летен режим за тешки товарни возила се воведува и на патниот правец А2 Скопје – Охрид – Скопје во периодот од 01.07.2025 до 01.09.2025, и тоа:
Од понеделник до четврток од 11:00 до 17:00 часот, само во денови со екстремно високи температури определени од Министерството за здравство:
петок од 17:00 – 22:00 часот
сабота од 07:00 до 12:00 часот и од 18:00 часот до 24:00 часот и
недела од 07:00 до 22:00 часот
– Ограничувањето не се однесува на возила кои превезуваат животни, цвеќе, хуманитарна помош, жито и житни култури и леснорасиплива стока, нафта и нафтени деривати, превоз на опасни материјали и возила кои вршат превоз за компании кои имаат склучено договори за изведување на проекти на државните патишта со ЈП за Државни патишта.
Македонија
Пренасочување на возилата поради сообраќајка на патот Демир Хисар – Кичево

Од 19:10 часoт има пренасочување на сообраќајот на патниот правец Р1305 Демир Хисар – Кичево поради случена сообраќајна незгода, возилата ќе бидат пренасочени преку с.Единаковци, соопшти АМСМ.
Сообраќајот на државните патишта се одвива непречено, по суви коловози.
Според последното известување од АМСМ, интензитетот на сообраќај на патните правци надвор од градските средини е зголемен.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.