Македонија
Демократскиот сојуз: Да се суспендираат партиските директори на М-НАВ

Демократскиот сојуз бара да се суспендираат партиските директори на М-НАВ, откако претходно денес дојде до упад во контролата на летање и физички напад врз контролори.
Од партијата велат дека за да се спречат можни катастрофални последици, неопохдно е Владата да одржи вонредна седница и да ги разреши актуелните партиски директори на М-НАВ и на нивно место да именува експерти од редот на вработените.
До МВР апелираат да се преземат итни мерки против оние кои упаднаа во објектот, но и оние кои го организирале упадот и нападот на контролорите на летање.
Неколку лица денес упаднаа во објектот на М-НАВ, пришто нападнаа тројца вработени. Меѓу напаѓачите имало и вработен во контролата за летање, објави МВР.
Претседателот на Синдикатот на контроли на летање, Александар Тасевски, објави дека напаѓачите кои упаднале во зградата не биле спречени од обезбедувањето и предупреди дека вакви инциденти можат да ја загрозат безбедноста во авијацијата кога секој еден може од надвор да влезе во објектот и да нападне вработени кои во тој момент извршуваат работни обврски.
Претходно денес беше соопштено дека до 30 оставки ќе бидат поднесени од вработени во М-НАВ поради наместени конкурси и партиски вработувања.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Првиот ден од септември ќе биде сончев со мала облачност

Првиот ден од септември, како и неделата, ќе биде сончев со мала до умерена облачност и слаб до умерен ветер од северозападен правец, соопшти Управата за хидрометеоролошки работи (УХРМ).
Минималните утрински температури ќе се движат од 8°C во Маврово до 18°C во Гевгелија, додека максималните дневни ќе достигнат од 24°C до дури 34°C во Скопје.
Во главниот град утре се очекува сончево време со мала до умерена облачност. Температурата ќе се движи од 18°C во утринските часови до максимални 34°C во текот на денот.
Од вторник, метеоролозите најавуваат уште потопло време – сончево со мала до умерена локална облачност и температури кои ќе се движат од 30°C до 37°C.
Во среда пак ќе настапи промена – времето ќе биде променливо облачно, со слаб до умерен западен ветер. Попладне на повеќе места ќе има појава на пороен дожд и грмежи. Температурите ќе се движат меѓу 29°C и 36°C.
Македонија
Се врати во функција бројот 192 на МВР

Отстранети се техничките проблеми и повторно е во функција телефонскиот број 192, кој граѓаните на Скопје можат да го користат за било каква пријава или информација, информира Секторот за внатрешни работи Скопје.
За истата намена, како што велат, редовно функционира и телефонскиот број 112, како и телефонските броеви на полициските станици во населбите каде граѓаните живеат.
Македонија
Пожарот во Вардариште е под контрола, дел по дел Скопје добива струја

Пожарот во депонијата Вардариште е ставен под целосна контрола, информираат од Дирекцијата за заштита и спасување.
Поради големиот пожар повеќе населби во Скопје беа без електрична енергија, а од ДЗС информираат дека набргу дел по дел, ќе биде пуштена електричната енергија.