Македонија
Демократското движење: Со лаги не се напаѓа албанската опозиција, опозициските партии му станаа опсесија на Груби
![](https://makfax.com.mk/wp-content/uploads/2023/07/25072023_VRSM_SEDNICA-3.jpg)
Артан Груби во секое појавување во јавноста во недостиг на вистински факти се занимава со албанската опозиција како државата да се води од страна на опозицијата, реагираат од Демократското движење.
„Всушност, опозициските партии станаа опсесија на Груби и во недостиг на веродостојни аргументи тој измислува видливи лаги, кои имаат сосема спротивен ефект и влијаат на подобрување на имиџот на опозициските партии. Тој лаже кога вели дека опозициските партии станале вазали на ВМРО бидејќи така тој ја разбира политиката, како вазали, уште повеќе кога се знае дека сè уште зад сцената дише неуморната љубов меѓу ДУИ и режимот на Никола Груевски“, велат од оваа партија.
„Лаже кога вели дека опозициските партии ја злоупотребија посетата на премиерот Курти, лаже кога вели дека посетата на семејството Деволи не била мешање на ДУИ во Косово, лаже кога вели дека на македонските олигарси им пречат успешните Албанци во политиката алудирајќи тука и на себе. Но, Груби рече и дека ниту еден министер на Алијансата за Албанците не се спротивставил на измените во Кривичниот законик, како што е изјавено во медиумите од претставниците на оваа партија. Значи, токму Алијансата треба да каже кој, всушност, лаже: Груби или Алијансата“, потенцираат од Демократското движење.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.