Контакт

Македонија

Дескоска: Ќерката на Никола Димитров доби стипендија, но никој не е дискриминиран

Објавено пред

Во случајот со стипендирањето на ќерката на Никола Димитров, нема ниту нејзино привилегирање, ниту дискриминирање на кој било друг кандидат, вели поранешната министерка за образование и наука Рената Дескоска откако денес беше објавено дека лани, за време на нејзиното минстерување со образованието стипендија од 40 000 долари за студии во Холандија добила Јана Димитрова, ќерка на министерот за надворешни работи, Никола Димитров.

„ Нема ниту нејзино привилегирање, ниту дискриминирање на кој било друг кандидат. Тоа може да се види и од списокот на кандидати и од списокот на лицата кои конкурирале. Секој студент којшто ги исполнува строгите критериуми за упис на најдобро рангираните 100 универзитети има право да добие стипендија и не смее да биде дискриминиран, а истото важи и за ќерка на сегашен функционер. За случајот со ќерката на Димитров, законските рокови и условите се целосно испочитувани, затоа што МОН не влијае при упис на кандидатите на странски универзитет, туку доделува стипендија на сите деца кои ги исполнуваат условите без исклучоци, без привилегирање и без дискриминација“, изјави за „Макфакс“ Дескоска.

Таа смета дека во целиот случај на доделување на стипендијата никој не ја злоупотребил службената должност.

„Злоупотреба на службена должност постои во два случаи: доколку на некој студент кој не ги исполнува условите му биде доделена стипендија и доколку на некој кој ги исполнува условите не му биде доделена стипендијата. Ниеден од овие два случаи не се присутни при доделувањето на стипендијата на ќерката на Никола Димитров“, вели Дескоска.

Таа  сугерира дека добро би било јавноста да изврши увид на листата на стипендисти за студирање во странство во времето на владеење на ВМРО-ДПМНЕ во кое, како што вели, може да се видат многу звучни имиња, но, притоа и да се изврши увид дали при доделувањето на тие стипендии биле исполнети условите што се барале.

Фото: Фејсбук

Нагласува дека доделувањето  стипендии во 2017 година се одвивало во законска постапка и врз основа на пропишани критериуми, а условите што требало да ги исполни секој кандидат биле јасни, прецизни и правно уредени. Секој кандидат кој ги исполнувал условите за доделување стипендија за студирање на најдобро рангираните 100 универзитети бил стипендиран. Во конкурсот немало ограничување на бројот на места, а во 2017 година, според Дескоска, имало помалку кандидати од одобрените средства за стипендии.

Дескока има објаснување и за парите исплатени во изборен период кога на институциите им се забранети такви активности.

„Заради појаснување на постапката, формираните комисии одлучуваат во определни интервали, согласно со доставените пријави за стипендирање. Заради почитување на законските рокови, сите одлуки се донесени пред распишување на изборите. Секако, јасно е дека не е возможно одлучување по изборите бидејќи на тој начин студентите ќе ја испуштат учебната година која почнува или во септември или октомври, зависно од универзитетот. Поради изборите беше поместено и одлучувањето за стипендиите за Шефилд кои ги доделува МОН во содејство со претседателот на РМ“, објасни Дескоска.

И од Министерството за образование тврдат дека нема ништо спорно во одобрените 40 000 долари на ќерката на Димитров.

„Дали апликантот има родители/старатели и дали извршуваат јавна функција, работат во државната администрација или во приватниот сектор, како и нивниот материјален статус, никогаш не било критериум. Секој кој ги исполнува условите има право на овој тип стипендија и досега правото го искористиле повеќе од 200 апликанти. Согласно со конкурсот, Министерството доделува стипендија најмногу во висина до 40 000 американски долари на годишно ниво за покривање на трошоците за уписнина на апликантот. Доколку износот на уписнината е поголем, разликата ја надоместува апликантот. Овие средства (до 40 000 американски долари на годишно ниво) се префрлаат директно на високообразовната установа каде студентот е запишан, односно тој воопшто не ги добива на неговата сметка “, велат од Министерството за образование.

Од таму не одговорија дали гледаат непотизам и судир на интереси во одобрувањето на стипендијата.

И министерот за надворешни работи, Никола Димитров, не одговори на прашањата поврзани со стипендијата на неговата ќерка. Од неговиот кабинет за попладнево најавија официјална реакција и објаснија дека министерот е зафатен со посетата на генералниот секретар на НАТО, Јенс Столтенберг.

Официјална реакција за стипендијата на ќерката на Димитров стигна од Влада, велат дека ги исполнила сите строги критериуми на конкурсот, а стипендии добиле сите кои се запишале на првите 100 универзитети од шангајската листа со тоа што останале и слободни места.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Укината забраната за камиони на патот Струга – Ќафасан

Објавено пред

Забраната за сообраќај за тешки товарни возила на патниот правец Струга – граничен премин Ќафасан е укината вечерва од 21:30 часот, информираат од АМСМ.

Ваквите забрани поради обилни снежни врнежи и натаму важат за планинскиот превој Буково, на патот Гостивар – Маврово и Гостивар – Кичево преку превојот Стража.

Од АМСМ додаваат дека сообраќајот на државните патишта се одвива по влажни коловози, а на некои повисоки места во западните и југозападните делови од државата со остатоци од кашест снег на коловозот.

Се препорачува приспособена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде што се бележи појава на утринска магла, а исто така зголемена е и можноста од појава на одрони.

Прикажи повеќе...

Македонија

Јубилеен 100-ти број на неделникот „Скопско ехо“

Објавено пред

Неделникот „Скопско ехо“, јубилеен, 100-ти пат, се среќава и појавува со и пред своите читатели.

Од редакцијата на „Скопско ехо“ истакнуваат дека тоа не е мала работа доколку се земе предвид дека неделникот му припаѓа на семејството печатени весници што сè потешко опстојуваат на, како што се вели, немилосрдниот медиумски пазар, каде што електронските медиуми се во прв план.

„Многумина се сомневаа дека ќе преживееме издавање само 5 броја, но еве, денеска, со рекорден тираж од 100.000 примероци, покажуваме дека ‘Скопско ехо’ не само што преживеа туку е и неизоставен дел од животот на многу скопјани веќе две години“, велат од редакцијата на неделникот и додаваат дека стоте отпечатени изданија се јубулејно закружување од првото издадено на 26 октомври 2016 година.

Во „Скопско ехо“ главни соговорници се скопјани, а главните теми се секогаш за Скопје, за животот и потребите на градот, а на страниците на неделникот секогаш има место за скопски таленти, за добри идеи и конструктивни критики. Неделникот се доставува бесплатно до поштенските сандачиња на граѓаните, а скопјани може и слободно да го земат на повеќе од 150 локации во градот.

Првиот број се појавил во тираж од 12.000 примероци, а како што велат од редакцијата, од тогаш тиражот оди во нагорна линија – 25.000, 35.000 и 50.000 за јубилејниот 50-ти број.

Меѓутоа, „Скопско ехо“ е единствен весник што не добил субвенции од Владата наменети за помош на печатени медиуми од 50 милиони денари.

„Благодарение на критериумите за доделување на поддршката – некој се потрудил ‘Скопско ехо’ да не може да влезе во кругот на оние печаени медиуми чие опстојување ќе го помага државата. Што сè се крие зад ова, ќе покаже времето, но тоа веќе покажа дека токму ‘Скопско ехо’ успева во спасувањето на печатениот медиум од ударот на модерните медиуми“, велат од редакцијата на неделникот.

Од таму додаваат дека од ноември минатата година читателите може да го следат и електронскиот портал skopskoeho.mk, на кој се пласираат дневните вести од градот, но и содржините од неделникот.

Тричлен редакциски тим е јадрото на „Скопско ехо“, кој секој четврток успева да ги создава новите изданија на неделникот. Со него раководи главниот уредник Антонио Спасев, кој е со новинарско искуство од „Фокус“, ТВ „Телма“ и „Дневник“, новинарот Бранко Ѓорѓевски со искуство од весниците „Вечер“ и „Дневник“, како и техничкиот уредник Антон Власов, кој работел во „Нова Македонија“ и „Време“.

Прикажи повеќе...

Македонија

Брајовиќ: Црна Гора меѓу првите ќе го ратификува протоколот за пристапување на Македонија во НАТО

Објавено пред

Mинистерот за надворешни работи, Никола Димитров, оствари средба со претседателот на собранието на Црна Гора, Иван Брајовиќ, кој престојува во официјална посета на Република Македонија.

Двајцата соговорници разменија мислења за сeвкупните односи меѓу Црна Гора и Република Македонија и се сложија за потребата одличните пријателски односи да добијат и интензивна економска димензија.

Министерот Димитров се заблагодари на конзистентната поддршка што Република Македонија ја добива од Црна Гора.

„Се радуваме што ќе ѝ се придружиме на Црна Гора во НАТО и во процесот на преговори за членство во ЕУ“, истакна Димитров.

Претседателот на собранието на Црна Гора, Иван Брајовиќ, ја реафирмира силната поддршка од страна на Црна Гора со цел полноправно членство на Република Македонија во ЕУ и НАТО упатувајќи охрабрувачки пораки за брзо финализирање на почнатите процеси.

Тој изрази уверување дека Црна Гора ќе биде меѓу првите земји чие собрание ќе го ратификува протоколот за пристапување на Република Македонија во НАТО.

Прикажи повеќе...

Најново

Македонија8 часа

ВМРО-ДПМНЕ и СДСМ не сакаат да се договорат за една изборна единица

Многуте повици од помалите партии за измени на Изборниот законик, со кои ќе се воведе една изборна единица и отворени...

Анализи9 часа

Политиката го подели СЈО на табори

„Чарлиевите ангели“ ги нема. Катица Јанева, Ленче Ристоска и Фатиме Фетаи речиси една година не се појавуваат на заеднички прес-конференции....

Македонија10 часа

Ѓорчев: Не се грижам кој ќе биде противкандидат од СДСМ, тие го излажаа народот

Без да одговара на новинарски прашања, пратеникот од ВМРО-ДПМНЕ, Влатко Ѓорчев ја објави кандидатурата за претседател на државата. Тој повеќе...

Истражувања12 часа

(Видео) „Лимак“ и Градот ги изиграа скопјани, се гради хотел место прво да се изгради подземната сообраќајница

Место прво да ја изгради подземната сообраќајница па потоа да ги гради содржините над земја, турската компанија „Лимак“ кај Стара...

Македонија12 часа

Врховните судии ќе расправаат дали СЈО може да отвора истраги и да презема предмети

Адвокати на обвинети во предметите на специјалното јавно обвинителство, преку неколку иницијативи, бараат од Врховен начелно правно мислење за постапките...

Македонија13 часа

Нимиц: Длабоки и опасни последици ако не успее преспанскиот договор

Специјалниот пратеник на Обединетите нации, Метју Нимиц, предупредува дека пропаѓањето на преспанскиот договор би имало опасни последици за двете страни,...

Свет13 часа

Шпанските спасувачи во трка со времето – ќе успеат ли да го извлечат двегодишното дете од бунарот

Шпанските спасувачи се во трка со времето и неизвесно е дали ќе успеат да го извлечат двегодишното дете кое пред...

Македонија13 часа

Протестот за воздухот в сабота за едни политички за други неопходен

Нова најава за протест против загадувањето на воздухот од синоќа ги подели скопјани на верници и луѓе кои повеќе не...

Македонија13 часа

Зоран Заев: Мијалков ги охрабрувал пратениците да гласаат за промена на името

Претседателот на Владата, Зоран Заев, во интервју за „Алсат“ призна дека ексдиректорот на УБК, Сашо Мијалоков, лично разговарал со 8-те...

Регион14 часа

Во Грција почна расправата за ратификација на преспанскиот договор

Грчкиот парламент ја почна расправата за ратификувањето на преспанскиот одговор, а гласањето сепак ќе се случува в петок, пишува грчката...

Свет15 часа

(Видео) Петгодишни девојчиња на минус 45 степени избегале од градинка во Сибир

Две девојчиња на возраст од пет години избегале од градинка во рускиот град Јакутск во Сибир, при што се здобиле...

bugarija-eu bugarija-eu
Регион15 часа

Бугарија става крај на продажбата на државјанства

Бугарија планира да стави крај на програмата за продажбата на државјанства на богати поединци, соопшти Министерството за правда во Бугарија,...

Вести16 часа

(Видео) Москва: Патникот кој се обиде да киднапира руски авион бил под дејство на алкохол

Рускиот истражен комитет објави дека патникот осомничен за киднапирање на патничкиот авион на „Аерофлота”, немал никаков вид експлозив или оружје...

Свет16 часа

Конгресот му забрани на Трамп да излезе од НАТО

Претставничкиот дом на американскиот Конгрес усвои закон за поддршка на НАТО, со кој му се забранува на американскиот претседател, Доналд...

Регион16 часа

Косовскиот суд осуди повеќе лица за тероризам во Сирија

Судот во Приштина осуди едно лице на пет години затвор поради учество во терористички групи во Сирија. Од судот соопштија...

Свет16 часа

Американските сенатори Меконел и Шумер ќе гласаат за граничниот ѕид

Лидерот на мнозинството во Сенатот, Мич Меконел, закажа гласање во четврток за целосно финансирање на пограничниот ѕид што го бара...

Свет17 часа

Мадуро: Венецуела ќе ги преиспита односите со САД и ќе преземе политички мерки

Каракас ќе ја преиспита својата врска со САД откако американскиот потпретседател, Мајк Пенс, изрази поддршка за идејата на опозицискиот водач...

Свет18 часа

Еврејска група тужи бразилски карикатурист поради карикатура на Нетанјаху и Болсонаро

Еврејската заедница во Бразил го тужи славниот политички карикатурист Ароира за антисемитизам поради карикатура што ги прикажува бразилскиот претседател, Јаир...

Македонија1 ден

Собранието објави оглас за aнтикорупциската комисија, Тасева обвинува дека добрите антикорупционери не се пожелни

Собранието го објави огласот за избор на новиот состав на Комисијата за спречување на корупцијата. Огласот ќе трае 7 дена...

Свет1 ден

Вес Мичел поднесе оставка, идниот месец заминува од Стејт департментот

Вес Мичел, помошник-државен секретар на САД, наредниот месец заминува од функцијата во Стејт департмент поради лични и професионални причини. „Две...

Досие