На патниот правец Битола – Ресен, преку планинскиот премин Ѓавато, се воведува забрана за сообраќај на тешки товарни возила, соопштија од АМСМ.

Забраната се воведува од 9.40 часот.

АМСМ препорачува приспособена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде што има можност од појава на одрони.

Министерот за надворешни работи на Република Северна Македнија, Бујар Османи, денеска и утре во Рига, Латвија, ќе учествува на редовниот состанок на Северноатлантскиот совет на НАТО на ниво на министри за надворешни работи.

Според МНР, за време на дводневните работни сесии ќе бидат разгледани прашања од стратешко значење на алијансата, како што се состојбите во Авганистан, справување со актуелните и идни безбедносни предизвици, како и соработката со партнерите.

Министрите ќе расправаат и за новиот стратешки концепт на НАТО како значаен документ во однос на идната геостратешка улога на алијансата.

Од особено значење, се нагласува од Министерството, ќе биде дискусијата за стабилноста и просперитетот на Западен Балкан, каде што се очекува да биде истакната потребата од заедничко стратешко дејствување и пристап на НАТО и ЕУ кон Западен Балкан како основен предуслов за стабилноста и просперитетот на регионот.

На маргините на состаноците во Рига во агендата на Османи се предвидени и многубројни билатерални средби со министри за надворешни работи на земјите членки на НАТО.

Министерката за регионален развој на Бугарија, Виолета Комитова, нареди увид на патната делница меѓу Драгичево и Горна Дикања по констатираните проблеми во патната инфраструктура, кои можеле да придонесат за фаталната несреќа на „Струма“, пренесуваат бугарските медиуми.

Некои од нив со најава дека министерката Комитова денеска треба да ги презентира првичните резултати од увидот на патната делница во која животот го загубија 45 лица.

Медиумите пренесуваат дека обележувањето на автопатот „Струма“ може да биде причина за трагичната несреќа.

Според новинарските записи по трагичниот инцидент, голем број експерти рекоа дека локацијата е спорна бидејќи патот не бил поправен по неговото пуштање во употреба во 2007 година.

Меѓу забелешките на експертите се посочуваат обележувањето на патот, кое не е завршено, и заштитните огради, кои не се заменети според новите правила, некои од нив ја споменуваат и поголемата дозволена брзина, која не одговара на условите на патот.