Контакт

Македонија

Димитров: Колку поголем успех ќе постигнеме, толку поголема ќе биде и мотивацијата за приклучување

Објавено пред

Со едноминутен молк во знак на почит за жртвите од автобуската несреќа во Бугарија, денеска во српското Народно собрание во Белград почна политичкиот панел од конференцијата „Отворен Балкан – Пат кон стабилизација, соработка и просперитет на регионот“, на која онлајн обраќање имаше заменик-претседателот на Владата задолжен за европски прашања, Никола Димитров, како претставник на Северна Македонија.

Дискусијата беше фокусирана на политичката димензија на оваа регионална иницијатива од аспект на придобивките изразени преку зголемена стабилност и просперитет. Вицепремиерот Димитров нагласи дека иницијативата „Отворен Балкан“ има изразена европска димензија и потенцијал да придонесе за придвижување на процесот.

„Надминувањето на економскиот јаз е многу важно во контекст на европската перспектива на регионот, реформските заложби насочени кон демократските принципи и почитување на владеењето на правото, не може да се интернализираат доколку не постои економски раст и социјален напредок. Ефектот на одложување и застој има силно влијание врз нашата внатрешна политика и го прави уште поголем предизвикот да се задржи европскиот курс. Токму затоа, оваа иницијатива е целосно комплементарна на европската визија, но е израз на политичка мудрост и разумност дека нашиот избор не е да чекаме и да не правиме ништо, туку, напротив, постои активност и подготвеност за придонес од наша страна и испорачување резултати. Областите што се предмет на оваа соработка се и наши обврски на патот кон ЕУ“, изјави Димитров.

Тој истакна дека „Отворен Балкан“ како механизам за регионална соработка е комплементарен и на другите иницијативи во рамките на Берлинскиот процес. Димитров истакна дека резултатите од соработката не треба да бидат ограничени на политичко зближување, туку на реални придобивки за граѓаните, а особено младите.

„Преку овие конкретни чекори за зближување, всушност, ги зајакнуваме добрососедските односи и ја унапредуваме состојбата во регионот бидејќи кога сме упатени едни на други, кога сме блиски, расте меѓусебната доверба, повеќе не се перципираме едни со други како закана, а со тоа се зацврстуваат и стабилноста и просперитетот. Меѓутоа, заложбите за зближување не треба да бидат ограничени на политичко ниво, туку најважно е да се инвестира во непосредните меѓучовечки односи и да се креираат можности, особено во однос на младите. Секогаш истакнувам дека ние сме во трка со времето, да го направиме овој регион европски за да си ги задржиме младите луѓе дома. Колку поголем успех ќе постигнеме, толку поголема ќе биде и мотивацијата за приклучување, а и одгласот на пораката дека заслужуваме европска иднина“, изјави Димитров.

Настанот беше организиран од Народното собрание на Република Србија, Српско-американскиот конгрес за пријателство и Источно-западниот мост, при што се обратија и специјалниот претставник на САД за Западен Балкан, заменик-помошникот секретар Габриел Ескобар, како и премиерката на Србија, Ана Брнабиќ, и премиерот на Албанија, Еди Рама. Замени-помошникот секретар Ескобар истакна дека овој регион нуди многу можности за соработка и придонесува за стабилноста поради што е неопходно да се заокружи процесот за европска интеграција со полноправно членство на овие земји во Унијата како стратешка цел на САД.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Османи – Генчовска: Новите мандати можност за засилување на меѓусебните односи

Објавено пред

Во рамките на денешната официјална посета на висока владина делегација од Република Бугарија, предводена од премиерот Кирил Петков, министерот за надворешни работи Бујар Османи оствари одделна средба со министерката за надворешни работи Теодора Генчовска.

На средбата беше поздравен обновениот дијалог меѓу двете Влади, како и значењето на продолжување на интензивната комуникација на високо ниво, при што беше изразено уверување дека со новата динамика во контактите ќе дојде до преку потребното надградување на билатералните односи.

Во фокус на разговорите беше претстојната заедничка седница на Владите, која ќе се одржи во Софија на 25 јануари, како и внесувањето на нова динамика во соработката преку примена на концептот на работни групи, при што се разгледани конкретни области во кои постои потенцијал за напредок. Со тоа двете земји ќе испратат јасен сигнал дека постои силна волја за исчекор и взаемно разбирање, во духот на добрососедството и европските вредности.

„Посетата се случува на самата 30-годишнина од првото признавање на независноста на нашата држава, кое дојде токму од Република Бугарија, но ова е и прва посета на премиерот Петков на регионот на Западен Балкан воопшто, што испраќа многу важна и вредна порака за нашите односи, но не помалку важно и за нашиот динамичен и верувам поинаков пристап во надминување на предизвиците со кои се соочуваме“, изјави министерот Османи по средбата, додавајќи дека е „важно да се идентификуваат конкретни чекори за соработка, преку иницијативи, активности и проекти во многу скоро време, за што двете Министерства за надворешни работи и другите ресори ќе дадат свој конкретен придонес.

Соговорниците потврдија дека европската интеграција на Западниот Балкан претставува национален интерес, како на земјите-кандидати за членство, така и на земјите-членки на Европската унија. Ја изразија посветеноста кон процесот на приближување на регионот кон Европската унија и ја акцентираа важноста на добрососедството и регионалната соработка, како влог во заедничката европска иднина.

Во однос на економската соработка, министрите го поздравија растот на трговската размена меѓу двете земји од 30% во текот на 2021 година и ги изразија своите очекувања дека во текот на 2022-та ќе се задржи позитивната стапка на раст на двете економии и трговската размена меѓу нив, како и позитивниот тренд во нови инвестиции, кои треба да бидат и поддржани од двете држави.

Прикажи повеќе...

Македонија

Град Скопје започна акција за чистење и казнување за приватни депонии

Објавено пред

Инспекторите за животна средина на Град Скопје деновиве почнаа акција за чистење и казнување за приватни депонии, односно имот на кој сопствениците дозволиле од негрижа или од лукративни причини да се креира отпад во скопските општини.

Врз основа на пријава од граѓани или самоиницијативно, инспекторите за животна средина прво вршат инспекциски надзор, ја констатираат состојбата на терен со записник и издадаваат решение со кое ќе ги задолжат сопствениците на имотот во даден рок да постапат по даденото решение.

Доколку сопствениците на имотот не постапат по тоа решение инспекторите ќе изготват ново решение, со кое се задолжува ЈП „Комунална хигиена“ да ја исчисти наведената локација. Трошоците за чистење се фактурираат на сопственикот на приватниот имот кој креирал или дозволил да се направи дива депонија. Во оваа постапка, инспекторите постапуваат според Законот за управување со отпад и Законот за животна средина.

Во текот на минатата недела, по издадено решение од инспекторите за животна средина, исчистена е дива депонија на раскрсницата меѓу булеварот Гоце Делчев и улицата Беласица, кај трговскиот центар „Ист гејт“, а која претставуваше децениски проблем за целата околина.

Прикажи повеќе...

Македонија

Со сертификат за вакцинација или прележана болест Македонците ќе може да влезат во Бугарија

Објавено пред

Од 20 јануари македонските државјани ќе може да влезат во Бугарија.

По интензивната комуникација меѓу министерствата за надворешни работи на двете земји, надлежните институции на Република Бугарија донесоа нова одлука за влез во Бугарија на нашите државјани.

Поради влошената епидемиолошка ситуација, Северна Македонија продолжува да биде во т.н. црвена зона, но со најновата одлука се укинуваат ограничувањата за влез за неесенцијални потреби.

Имено, со најновата одлука на бугарските власти, а која ќе стапи во сила од 20 јануари (четврток), на сите државјани на Република Северна Македонија им е дозволен влез во Бугарија при приложување валиден сертификат за вакцинација против Ковид-19 или сертификат за прележана болест заедно со негативен ПЦР-тест не постар од 72 часа.

За влез на малолетни лица од 12 до 18 години исто така е задолжителен негативен ПЦР-тест.

Прикажи повеќе...

Најново

Македонија2 часа

Со сертификат за вакцинација или прележана болест Македонците ќе може да влезат во Бугарија

Од 20 јануари македонските државјани ќе може да влезат во Бугарија. По интензивната комуникација меѓу министерствата за надворешни работи на...

Свет2 часа

Тонга по ерупцијата и цунамито – поплавени острови, земјата и дрвјата покриени со пепел

Првите фотографии по ерупцијата на вулканот кај Тонга и цунамито што ги погоди островите во тој архипелаг, ја прикажуваат земјата...

Македонија3 часа

(Видео) Зголемениот водостој на кејот на реката Вардар ги вознемири жителите на Аеродром

По телефонска дојава од страна на граѓани на 195, а и до директорот на ЦУК, Стојанче Ангелов, дека во Општина...

Македонија12 часа

Второто полугодие за основното и средното образование се одлага за 1 февруари

Владата на Република Северна Македонија на денешната втора, редовна седница, којашто се одржа преку видео конференциска врска, донесе одлука почетокот...

Македонија15 часа

Владата на првата седница ги именува замениците на Ковачевски

Владата на Република Северна Македонија денеска ја одржа својата прва конститутивна седница, со која претседаваше премиерот Димитар Ковачевски. На седницата...

Македонија18 часа

766 нови случаи на Ковид-19 и 15 починати лица

Министерството за здравство информира, согласно податоците од Институтот за јавно здравје, дека во последните 24 часа направени се 3.748 тестови,...

Македонија20 часа

Маричиќ: Не е на Северна Македонија да кажува каде и какво малцинство има во регионот

Новиот вицепремиер за евроинтеграции, Бојан Маричиќ, изјави дека не е на Северна Македонија да кажува каде какво малцинство има во...

Македонија21 час

Ковачевски: Задоволен сум од перформансите на министрите од ДУИ

Премиерот Димитар Ковачевски е задоволен од министрите што ДУИ ги има во Владата. Бидејќи во редовите на оваа партија немаше...

Македонија22 часа

Бугарската позиција е јасна, очекувам заедно да работиме на нов дијалог, порача Петков во честитката до Ковачевски

Бугарскиот премиер Кирил Петков му го честиташе изборот на својот македонски колега Димитар Ковачевски наведувајќи дека позицијата на Бугарија за македонската...

Економија23 часа

Поскапуваат бензините и дизелот

Малопродажните цени на бензините „евросупер БС-95“ и „евросупер БС-98“ се зголемуваат 1,00 денар/литар, а малопродажните цени на „евродизелот“ (Д-Е V)...

Свет23 часа

Десетте најбогати луѓе во светот си го удвоија богатството за време на пандемијата, а 160 милиони западнаа во сиромаштија

Богатството на 10-те најбогати луѓе во светот се удвои од почетокот на пандемијата, се наведува во извештајот објавен денеска од...

Спорт24 часа

Само вакцинираните ќе може да настапат на „Ролан Гарос“

Професионалните спортисти ќе мора да бидат вакцинирани против коронавирусот доколку сакаат да учествуваат на спортските натпревари во Франција. Ова се...

Македонија24 часа

(Видео) Ковачевски ги презеде функцијата и кабинетот од досегашниот премиер Зоран Заев

Новоизбраниот претседател на Владата, Димитар Ковачевски, денеска ги презеде функцијата и кабинетот од досегашниот премиер Зоран Заев. Премиерот во заминување,...

Регион1 ден

Од денеска сите Грци постари од 60 години мора да се вакцинираат или ќе платат казна

Во Грција од денеска стапуваат во сила мерките за изрекување казни за лица над 60 години што не се вакцинирани...

Свет1 ден

Научниците утврдија зошто некој природно подобро се бори со вирусот

Утврдено е дека една третина од луѓето во Европа може полесно да се борат со инфекцијата со коронавирус. Идентификуван е...

Свет1 ден

Aвстриска министерка со босанско потекло осомничена за плагијат

Познатиот ловец на плагијати Стефан Вебер најде нова жртва во австриската политика – министерката за правда Алма Задиќ, кој тврди...

Свет1 ден

Вонредна состојба во повеќе американски држави – најави за невреме и поплави

Снежна бура донесе снег и мраз во делови од САД и Канада. Откажани се илјадници летови, а електричната енергија е...

Македонија1 ден

Собранието го изгласа новиот состав на Владата

Со 62 гласаа „за“, 46 „против“ и без возджани Собранието го избра новиот состав на Владата. Нов премиер ќе биде...

Македонија2 дена

Петков: Не постои македонско малцинство во Бугарија

Никогаш јас или други членови на бугарската влада немаат разговарано со амбасадата на САД во Бугарија за признавање на т.н....

Македонија2 дена

1.348 нови случаи на Ковид-19 и осуммина починати

Министерството за здравство информира дека во последните 24 часа направени се 6.141 тестови, а регистрирани се 1.348 нови случаи на...

Досие