Новиот правилник донесен од Агенцијата за храна и ветеринарство овозможува фармерите и малите производители на храна од животинско потекло директно да ги пласираат своите производи до крајниот потрошувач, со почитување на одредените хигиенски критериуми, велат од ДОМ.

Партијата ги поддржува активностите кои Агенцијата во соработка со експертите и граѓанските здруженија ги планира за носење на ваков правилник и за малите производители на храна од растително потекло, со што верува дека ќе се комплетира поддршката на локалните производители на храна.

„Тоа придонесува за развој на зелената економија и отворање нови зелени работни места. Директно влијае на економското јакнење на локалните производители, поттикнување на традиционалниот начин на производство на храна, поголема понуда на овие производи и развој на руралниот и еко-туризмот. Најголеми се придобивките за локалното население, особено во недоволно развиените подрачја со што се создаваат можности за рамномерен регионален развој. Дополнително, со користење на локално произведена храна се намалува потребата од транспорт што влијае на намалување на аерозагадувањето и климатските промени“, велат од ДОМ во соопштението.

Согласно со Законот за празниците на РМ, 28 август 2019 година (среда), Успение на Пресвета Богородица (Голема Богородица), е неработен ден за граѓаните од православна верoисповед, информираат од Министерството за труд и социјална политика.

Воедно од таму им го честитаат верскиот празник на граѓаните од православна верoисповед во Република Северна Македонија.

Времето денеска ќе биде сончево и топло. Ќе дува слаб до умерен ветер претежно од североисточен правец.

Минималната температура ќе биде во интервал од 10 до 19 степени, а максималната од 31 до 38 степени. УВ-индексот ќе изнесува 8, информираат од Управата за хидрометеоролошки работи.

Во Скопје времето ќе биде сончево и многу топло со слаб до умерен североисточен ветер. Утринската температура ќе достигне до 16 степени, а дневната до 36 степени.

Во следните денови продолжува периодот на стабилно и топло време, а зголемување на облачноста ќе има од петок. В недела и понеделник претежно во северните делови ќе има услови за појава на краткотарен пороен дожд и појава на грмежи.