Македонија
Доби награда за најубаво украсен објект, парите ќе ги донира за болно дете

Скопјанецот Денчо Јосимов, во четврток доби награда од Град Скопје за најубаво новогодишно украсен двор, а парите ќе ги донира за болно дете во Кратово.
Скромниот радишанец, во неврзан муабет по доделувањето на наградите, кажа дека парите од наградата, 10.000 денари сака да ги донира на болно дете во Кратово. „Се местат работите како што треба“, коментираше со насмевка Јосимов.
Покрај него, наградени за најубаво украсени објекти одностно тераса се и Богоја Китанчев, за најубаво украсен угостителски објект е избран ресторанот „Рагуза“, а за најдобро украсен учулишен двор, беше избрано средното училиште „Никола Карев“.
„Градот Скопје и годинава, традиционално, ја организира манифестација „Новогодишните бои на Скопје“ – со која ги поттикнуваме средните училишта и нашите сограѓани да ги украсат своите работни простории и домови со новогодишни декорации и да придонесат за разубавување на празничниот амбиент. Ме радува фактот што оваа манифестација е прифатена од граѓаните и тие учествуваат во сите категории, а за да се обезбеди максимална транспарентност изборот за најубаво новогодишно украсени објекти во градот го направи жири-комисија составена од претставници на медиумите. На наградените во првите три категории Градот Скопје ќе им додели по 10.000 денари, а ЕВН Македонија наградените во сите категории еднократно ќе ги ослободи од плаќање на сметката за потрошена електрична енергија, за месец декември 2016 година“, рече Трајановски, кој на сите им посака добро здравје и успеси во Новата година.
Градоначалникот на Град Скопје, Коце Трајановски им даде благодарница на ЕВН Македонија за долгогодишната поддршка и за учеството во оваа градска манифестација.
Игор Гиевски, од Бордот на директори на ЕВН, истакна дека неговата компанија веќе традиционално учествува и ја поддржува манифестацијата „Новогодишни бои на Скопје, и нагласи дека и во иднина ќе бидат партнери на Градот во организирање на оваа манифестација.
ЕВНМакедонија на добитниците на наградите ќе им ја платат декемвриската сметка за
потрошена електрична енергија.
Директорката на СУГС „Никола Карев“ Елизабета Марковска Ставревска истакна дека
редовно учествуваат на оваа манифестација и оти првпат ја добиваат наградата, а во
украсувањето учествувале повеќе ученици, заедно со професорите.
„Да се украси еден училишен двор треба доста време, труд, но пред сѐ желба за нашето
училиште да изгледа убаво и новогодишно украсено“, рече Марковска Ставревска.
Сопственикот на „Рагуза“ Мирко Голомеиќ рече дека првпат учествуваат на манифестацијата и се задоволни од освоената награда.
За прогласувањето на победниците решаваше комисија составена од новинари од повеќе медиуми./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сообраќајна несреќа на патниот правец Кавадарци – Прилеп, сообраќајот во прекин

АМСМ информира дека сообраќајот на патниот правец Кавадарци – Прилеп е во прекин.
Од таму велат дека прекинот е поради сообраќајна незгода.
Прекинот ќе трае до завршување на увидот.
Македонија
СВР Битола апелира до граѓаните да не палат стрништа и земјоделски површини

Битолската полиција апелира до граѓаните на подрачјето Битола да не се пали оган на отворен простор откако деновиве настанаа неколку пожари како последица од намерно запалени стрништа.
-Апелираме да не се пали оган на отворен простор, да не се палат стрништа, земјоделски површини, отпад и друг горлив материјал и да не се фрлаат отпушоци од цигари и догорчиња. Доколку граѓаните забележат пожар на отворен простор најбрзо што може да го пријават во надлежните институции, апелираат од СВР Битола.
Македонија
Претседателот Пендаровски во Њујорк оствари средба со Јури Ким и Џим O’Брајан од американскиот Стејт Департмент

Претседателот Стево Пендаровски во Њујорк, на маргините на 78. Генерално собрание на Обединетите нации, оствари средба со Јури Ким, заменик помошник државен секретар за Европа и Евроазија и Џим O’Брајан, раководител на канцеларијата за координација на санкции при американскиот Стејт Департмент.
На средбата се разговараше за текот и за актуелните состојби поврзани со европските интеграции на нашата држава, за реформскиот напредок, како и за политичките состојби во земјава и во регионот. Соговорниците се согласија дека е потребно да се одржи фокусот на реформите, како и подготвеноста за водење на преговорите со Европската Унија.
На средбата беа потврдени одличните билатерални односи меѓу Соединетите Американски Држави и Република Северна Македонија, при што претседателот Пендаровски се заблагодари на американската поддршка за членството на Северна Македонија во ЕУ како стратешка определба на македонското општество.