Македонија
(Видео) „Дрисла“ се закани на „Макфакс“: Работите против нас, повеќе нема да добивате информации

Директорот на депонијата „Дрисла“, Горан Ангелов, се закани дека повеќе нема да дава информации на новинската агенција „Макфакс“ по објавените видеа за несоодветно собирање на медицинскиот отпад од Клиничкиот центар.
На видеата се видливи ознаките на камионите на кои стои лого „Дрисла“, но од депонијата тврдат дека не биле нивни.
„Со оглед на тоа што објавувате видеа и текстови со дезинформации за нас, без да проверите и потврдите (а и на самите видеа се гледа дека тоа не се ниту наши камиони во кои се фрла отпадот од контејнерите, ниту се наши работници кои го собираат отпадот, ниту, пак, се наши контејнери – жолти од оние кои ние го собираме отпадот), туку работите целосно против нас, а не за вистината, повеќе нема да добивате информации од нас. Единствено што можете е да ја следите нашата веб-страница и од таму ќе бидете информирани онолку колку што треба и за тоа што треба“, стои во заканата до „Макфакс“ потпишана од директорот Ангелов.
Видеото за несоодветниот начин на собирање на медицинскиот отпад од Клинички центар „Макфакс“ го објави минатата недела.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сообраќајот низ државата се одвивa непречено, по наместа влажни коловози

Сообраќајот на државните патишта се одвивa непречено, по наместа влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја Шуто Оризари и Зелениково

Од ЕВН Македонија АД известуваат дека денеска без електрична енергија ќе останат:
– во периодот од 08.30 до 12.00 часот, дел од корисниците од ул. Гарсија Лорка (општина Шуто Оризари)
– во периодот од 09.00 до 16.00 часот, корисниците од Градовци, Тисовица, Гумалево, Пакошево, Спектар Комерц, Добрино, Дејковец, Ново Село и Пакошево (општина Зелениково)
Македонија
Прекинато водоснабдување во делови од Карпош

Од ЈП Водовод и Канализација известуваат дека денеска (четврток) поради уличен дефект на ф 1000 мм на ул Копенхагенска, на раскрсница со Стокхолмска,бб, прекинато водоснабдување ќе имаат корисниците на улиците Копенхагенска, Стокхломска, Софиска, Његошева, Гаврил Лесновски и Петар Драганов од 09:00 часот до завршување со работните обврски. ( општина Карпош ).