Контакт

Македонија

Заев во Љубојно: Ќе продолжиме да ја покажуваме грижата за македонскиот идентитет со дела

Објавено пред

Премиерот Зоран Заев, при работната посета на преспанскиот регион, изврши увид на напредокот на работите на иницијативата за Центар за грижа и промоција на македонскиот јазик во старото училиште „Димитар Влахов“ во село Љубојно, заедно со своите соработници, како и градоначалникот на Ресен, Живко Гошаревски и Мери Стојанова, директорка на битолскиот Завод и Музеј.

„Старото училиште во с. Љубојно претставува еден од најважните објекти од почетокот на XX век во Преспа. Неговото значење не произлегува во толкава мера од неговите уметничко-стилски и архитектонски карактеристики туку многу повеќе од неговите културни и општествени вредности. Имено тоа претставува лулката, односно второто училиште во Македонија, во кое по завршувањето на Втората светска војна, започна да се одржува настава на македонски јазик.Ова е показател на самосвеста на локалното население за неговата самобитност и посебност, и за неговите напори за втемелување на основните човекови определби.

За жал еден долг период ова училиште беше потполно заборавено и напуштено, што може да се забележи од неговиот денешен изглед. Но, по прогласувањето на с. Љубојно за заштитена споменичка целина, и превземените иницијативи од страна на Владата, за обнова на старото училиште, сѐ поизвесна станува реализацијата на сонот на генерации и генерации ученици, кои ги поминале своите училишни денови во овој објект и кои сонуваа, и сѐ уште сонуваат, повторно да го видат во сиот негов сјај“, истакна директорката Стојанова.

Според Заев, оваа иницијатива се покрена по повод две години од потпишувањето на Договорот од Преспа, како и во чест на 76 годишнината од основањето на второто училиште на мајчин, македонски јазик во Љубојно на 15 ноември 1944 година, само една година подоцна, откако првото училиште беше основано во Дебарца и Подвис, уште за време на Втората светска војна во 1943 година.

„Со Договорот од Преспа ги премостивме речиси три-децениските разлики со Грција и ги обезбедивме нашите перспективи во евроатлантските и европските интеграции.Уште две главни придобивки произлегоа од овој историски договор. Се заштити нашиот идентитет во рамките на меѓународното право да се идентификуваме како Македонци, кои зборуваат македонски јазик, а со тоа се потврдија и нашата култура и културно наследство.

Центарот за грижа и промоција на македонскиот јазик во старото училиште „Димитар Влахов“ во Љубојно, за кој Владата обезбеди првични 30 милиони денари, треба да се гледа и во контекст на иницијативата за основање на Преспа Форум за Дијалог за кој исто така од Буџетот на државата се издвоени 100 милиони денари.Како дел од овој проект е предвидена изградба на мултимедијален центар за младите, кој соодветно на самата симболика на Преспа ќе биде место каде што би се организирал меѓународен форум за дијалог и соработка. Преспа Форум за дијалог ќе претставува идентитет и бренд, кој ќе биде врзан за нашата држава.Со овој, како и со сите останати проекти кои ќе бидат инспирирани од широките можности за регионална соработка правиме сериозен исчекор за нов лик на регионот како место за инспиративна соработка и поврзување на народите и културите од регионот“, рече премиерот.

Македонија

Санкционирани 218 возачи за еден ден во Скопје

Објавено пред

Министерството за внатрешни работи во текот на вчерашниот ден продолжи со засилените акциски контроли во областа на сообраќајот.

Само на територијата на Град Скопје изречени се вкупно 218 мерки, меѓу кои за возење без возачка дозвола 18 санкции, 21 меркa за користење мобилен телефон, седум за технички неисправни и нерегистрирани возила.

Изречени се 12 мерки за некористење сигурносен појас, 15 санкции за непочитување на брзината на движење, седум за минување на затворен сигнал (црвено светло), седум за непрописно престигнување и 79 мерки за непрописно паркирани возила.

Засилените сообраќајни контроли продолжуваат и во наредните денови.

МВР апелира до граѓаните да ги почитуваат сообраќајните правила и прописи за да ја зголемиме безбедноста во сообраќајот.

Прикажи повеќе...

Македонија

ЧИСТ ВОЗДУХ! Инвестирајте во поздрава иднина на вашите деца

Објавено пред

Една од најголемите грижи на секој родител во подглед на иднината на своето дете е како да го заштити од енормното ниво на загадување на воздухот и да му обезбеди поздрави услови за живеење.

Покрај надворешното, загадувањето се случува и внатре во домот, коешто, за среќа, можеме да го контролираме. Развојот на технологијата работи на формирање решенија за подобра иднина и обезбедување на почиста и побезбедна средина за живеење, што е предуслов за здрави генерации.

Решенијата на Daikin ветуваат поздрав и поквалитетен воздух во домот благодарение на иновативната технологија Flash Streamer, која е вградена во голем број од производите на Daikin.

Daikin прочистувачите за воздух имаат моќ да ги совладаат штетните загадувачи, така што ги уништуваат најситните ПМ 2,5-честички од прав, полен, бактерии и вируси.

Последното истражување на Daikin Industries покажа дека Flash Streamer технологијата која се содржи во прочистувачите го деактивираат SARS-CoV-2 вирусот до 99,97% по 3 часа озрачување на истиот.

Овие прочистувачи вшмукуваат воздух преку три насоки, нивниот електростатички HEPA филтер ефикасно ги заробува загадувачите, а Flash Streamer технологијата ги разложува и неутрализира штетните материи.

Новите технолошки решенија на Daikin инвертер клима уреди овозможуваат ефикасно филтрирање, обезбедувајќи подобар квалитет на воздухот во просториите.

Покрај иновативната технологија, овие решенија содржат повеќе филтри за прочистување на воздухот. Дезодорирачкиот филтер од титаниум апатит ги разложува непријатните мириси, а уникатниот сребрен филтер за прочистување на воздухот задржува 99% од алергените во просториите.

Истите користат најнови технологии за да постигнат поголема енергетска ефикасност, при што ќе обезбедат идеална атмосфера во домот. Зголемувајќи ја заштедата на енергија до 30%, инвертер решенијата се и “eco-friendly” и користат Bluevotion технологија за повеќе да се намали влијанието врз средината и да се подобрат енергетските перформаси.

Благодарение на патентираната Flash Streamer технологија на Daikin воздухот во вашиот дом ќе биде постојано чист.

Решенијата на Daikin се идеални за оние кои страдаат од алергии, астма и отежнато дишење, така што ги намалуваат симптомите со ефикасно отстранување на штетните честички, правејќи го воздухот во домот чист, здрав и свеж.

Кај децата како најранлива група, земјаќи го предвид фактот дека нивниот имунолошки систем е сè уште во фаза на развој, влијанието од загадениот воздух може да доведе до трајни последици. За таа цел, обезбедување на решение за почист воздух во домот е неопходна.

Со врвниот квалитет на Daikin ќе им овозможите на вашите најмили чиста и здрава средина и ќе инвестирате во подобри услови за развој на здрави генерации и подобра иднина.

Прочитајте повеќе за решенијата на Daikin на линкот подолу:
Daikin прочистувачите за воздух

(ПР текст)

Прикажи повеќе...

Македонија

Брзи антиген тестови на скопскиот аеродром

Објавено пред

Со цел да одговори на најновите рестрикции за патување воведени поради Ковид-19 од страна на земјите од ЕУ/Шенген зоната, ТАВ Македонија, заедно со генетската лабораторијата при Жан Митрев Клиник креираа решение за правење брзи антиген тестови непосредно пред заминувањето на патникот.

Почнувајќи од неделата, 24-ти јануари, амбулантно возило за тестирање на клиничката болница е распоредeно пред терминалната зграда на Меѓународниот Аеродром Скопје, во близина на единствениот отворен влез за патници „Departures C“, каде што патниците можат да го извршат потребниот брз антиген тест и да го добијат резултатот за 15 до 20 минути од земањето примерок.

Медицинското возило за тестирање на „Жан Митрев” Лабораторијата за генетика и персонализирана медицина и Центарот за истражување применета микробиологија и биотехнологија, ќе биде присутно на Меѓународниот Аеродром Скопје секој ден кога има летови до државите кои бараат брз антиген тест, четири часа пред времето на полетување до секоја од дестинациите.

Целта е да се обезбеди опција на патниците кои заминуваат кон дестинациите во Холандија, Германија и Велика Британија, со цел тие да имаат доволно време да извршат брз антиген тест, пред да влезат во зградата на аеродромот и да почнат со аеродромските процедури, ако тестот веќе не го направиле пред нивното пристигнување на аеродромот.

За повеќе детали во врска со самиот тест, патниците треба да ја контактираат лабораторијата „Жан Митрев“ на 02/3091484. Додека за детални информации во врска со тестовите коишто ги прифаќаат земјите од ЕУ/Шенген, ТАВ апелира до патниците задолжително да ја контактираат својата авиокомпанија и Амбасадата на земјата на нивното пристигнување.

Доколку патниците одлучат да направат брз антиген тест на Меѓународниот Аеродром Скопје, со цел да не се создава метеж пред аеродромската зграда, треба да пристигнат на Аеродром најмалку 4 часа пред времето на полетување.

Како што претходно беше објавено, Холандија бара задолжителен негативен брз антиген тест не постар од 4 часа пред качување во авион, како дополнување на нивното барање за задолжителен негативен PCR-тест. Германија бара негативен брз антиген тест одобрен од СЗО не постар од 48 часа, но исто така прифаќа PCR, LAMP или TMA тестови. Велика Британија бара негативен антиген тест не постар од 72 часа, но исто така прифаќа PCR или LAMP тестови.

Во моментов, само брзите антиген тестови одобрени од СЗО може да се направат на Меѓународниот Аеродром Скопје преку услугите на Жан Митрев Клиник. За сите други Ковид-19 тестови, ТАВ Македонија апелира до патниците да ги направат во авторизирана болница/лабораторија пред нивното пристигнување на аеродромот.

Со оглед на тоа што ЕУ/Шенген земјите постојано ги менуваат правилата за патување поврзани со Ковид-19 и секоја земја самостојно прави промени во однос на рестрикциите за граѓаните на Република Северна Македонија, патниците пред да тргнат на нивното патување, задолжително да ги проверат последните барања со нивната авиокомпанија и со Амбасадата на земјата во која што планираат да пристигнат.

Прикажи повеќе...

Најново

Европа6 минути

Италијанскиот премиер Конте поднесе оставка

Италијанскиот премиер Џузепе Конте поднесе оставка, пишуваат италијанските медиуми. Агенцијата „Анса“ пишува дека премиерот ја објавил својата одлука пред членовите...

Македонија49 минути

Брзи антиген тестови на скопскиот аеродром

Со цел да одговори на најновите рестрикции за патување воведени поради Ковид-19 од страна на земјите од ЕУ/Шенген зоната, ТАВ...

Свет1 час

Бајден: САД до лето може да имаат колективен имунитет

Американскиот претседател Џозеф Бајден очекува дека САД до лето ќе бидат на добар пат кон постигнување колективен имунитет, бидејќи новиот...

Македонија1 час

Португалското претседателство ќе настојува да почнат преговорите на Македонија со Европската Унија

За португалското претседателство процесот на проширување е важно прашање, истакна министерот за надворешни работи на Португалија, Аугусто Сантош Силва. Како претставник...

Македонија2 часа

СДСМ: Штетни се обидите за наметнување дебата колку проценти е која било етничка заедница

Штетни се обидите за наметнување дебата колку проценти на која било етничка заедница, велат од владејачкиот Социјалдемократски сојуз на Македонија,...

Европа2 часа

(Видео) Нови насилни протести во Холандија поради полицискиот час

Холандската полиција уапси 70 лица откако избувнаа нови немири трета ноќ по ред за време на протестите за одлуката на...

Свет2 часа

Поднесено обвинение против Трамп во Сенатот

Претставничкиот дом на американскиот конгрес поднесе обвинение до Сенатот за отповикување на поранешниот американски претседател Доналд Трамп, бидејќи неговиот говор...

Свет13 часа

Пирати киднапираa 15 морнари од турски брод, еден убиен

Во насилeн напад во близина на брегот на Нигерија пирати киднапирале 15 морнари од турскиот брод „Моцарт“, а еден член...

Свет15 часа

„Модерна“ тврди дека нејзината вакцина е ефикасна и против новите видови коронавирус

Вакцината на „Модерна“ дејствува и против новите видови коронавирус пронајдени во Велика Британија и Јужна Африка, тврдат научници од оваа...

Македонија16 часа

Собранието го избра Насер Зибери за народен правобранител

Иако Насер Зибери не успеа да стане првиот премиер Албанец, се избори за функцијата народен правобранител. Го предложи ДУИ, а...

Свет16 часа

Џонсон најави ублажување на рестриктивните мерки во февруари

Британскиот премиер, Борис Џонсон, бара начини за олеснување на некои рестриктивни мерки воведени за забавување на ширењето на Ковид-19 пред...

Топ17 часа

Џудо-федерацијата лани му ја одзела лиценцата на тренерот осомничен за полови злоупотреби на ученички

Четириесет и шестгодишниот тренер по џудо од Прилеп, кој се сомничи за полови злоупотреби на малолетнички што му биле ученички,...

Македонија20 часа

Законот за лекови доби зелено светло, ВМРО-ДПМНЕ не гласаше

Измените на Законот за лекови и медицински помагала со кој се уредува набавката на вакцините од компанијата „Фајзер“ го помина...

Македонија21 час

Шестмина починати и 63 новозаразени со Ковид-19

Министерството за здравство информира дека во последните 24 часа се направени 677 тестирања, а регистрирани се 63 нови случаи на...

Европа21 час

Руските научници тврдат: Ова е прва микроскопска слика од британскиот вид на коронавирус

Научници од „Роспотребнадзор“, руската федерална агенција и надзорно тело во јавното здравство, тврдат дека први направиле микроскопска слика од британската...

Македонија21 час

Пендаровски го потпиша указот за прогласување на Законот за попис

Претседателот Стево Пендаровски денеска го потпиша Указот за прогласување на Законот за попис на населението. Oд кабинетот на Пендаровски информираат...

Македонија22 часа

Царовска: Законска обврска е да ја организираме матурата за учениците кои се пријавија за полагање

Министерството за образование и наука има законска обврска да ја организира матурата за учениците коишто планираат да го продолжат образованието,...

Топ22 часа

Возач итно пренесен во болница откако со автомобил се забил во банкина кај „Мавровка“

Автомобил марка „пежо“ удри во банкината на крстосницата кај трговскиот центар „Мавровка“. Според очевидци, инцидентот се случил околу 11 часот...

Македонија24 часа

Новиот британски вид на коронавирусот не е детектиран според последните анализи на МАНУ

Министерството за здравство информира дека заклучно со 11 јануари 2021 година не е утврдено присуство на SARS-CoV-2 вирусот од Велика...

Топ1 ден

Казни од по 2.000 евра за скопјани затекнати на групна прослава во стан во Капиштец

Скопското основно јавно обвинителство поднесе предлог за казни од по 2.000 евра за лица кои не ги почитувале мерките против...

Досие