Македонија
Заев: За нас нема важни и неважни општини

„Кога мислиме на „Најдоброто“ мислиме на одговорна чесна и посветена работа во интерес на граѓаните и општините. Како што за нас нема важни и неважни граѓани, така нема ниту важни и неважни општини, тоа го покажуваме на дело со реализираните над 7.000 проекти низ сите општини, вклучително и овде во Кочани и кочанскиот регион“, порача претседателот на СДСМ во рамките на изборниот караванот „Најдоброто за мојата општина“ од Кочани.
Тој нагласи дека изминатите четири години како никогаш досега се инвестира во развој на инфраструктурата, македонскиот Исток не е веќе слепо црево, туку сега е одлично поврзан и со главниот град и со останатите региони на државата.
„Погледнете ги само патишта околу Кочани, регионалниот пат Кочани – Делчево, патот Кочани – Пониква, патот Тркање – Пишица, Крупиште – Кочани, сите главни артерии во овој дел од државата денеска личат на модерни, европски патишта кои обезбедуваат побрз, побезбеден сообраќај и подобро поврзаност на градовите од овој регион“, нагласи Заев.
„Во Кочани изградивме и опремивме нова детска градинка за 115 деца и центар за ран детски развој во Тркање со капацитет за 40 деца, а во мандатот пред нас Кочани добива нов булеварски влез за побрз влез и излез од Градот, развојот на инфраструктурата освен на регионално, ја унапредуваме и на градско, локално ниво, таквото унапредување ќе донесе и нов мост на Кочанска река“, истакна Заев, додавајќи дека за развој на спортот, за поддршка на младите Кочани добива спортска сала, а грижата за највозрасните граѓаните се докажува со изградба и опремување на Дом за стари и изнемоштени лица.
Ете што носи „Најдоброто“, проекти во интерес на сите граѓани. Сето тоа го постигнавме во одлична соработка со Николчо Илијев и општинската администрација, заеднички верувајќи во проектите што носат развој и подобар живот за сите во Кочани.
„И така ќе продолжиме и во следните четири години. Николчо Илијев држеше лекции и на другите градоначалници како се работи темелно и посветено, како се носат резултати за својата општина за своите сограѓани, затоа Николчо Илијев е „Најдоброто“ за Кочани и затоа заслужува нов мандат, затоа што зад себе има резултатите, каде и да прошетате во Кочани ќе видите некој важен проект реализиран во неговиот мандат“, порача претседателот на СДСМ Зоран Заев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„Незадоволството од локалната власт во Куманово достигна точка на вриење, ветувам силна и одлучна битка да го вратиме во рацете на кумановци“, најави Костовски

„Огромна чест ми е да бидам кандидат за градоначалник на нашето Куманово од СДСМ и коалицијата на претстојните локални избори. Му благодарам на раководството и на претседателот Венко Филипче за довербата, и на сите оние кои застанаа зад мене. Ме радува што огромен број граѓани ми ја дадоа поддршката овие денови, што е јасен сигнал дека Куманово бара промени“, напиша на социјалните мрежи, кандидатот на СДСМ за градоначалник на Куманово, Мартин Костовски.
„Незадоволството од локалната власт во Куманово достигна точка на вриење. Работите веќе четири години одат во погрешна насока и тоа знам дека сите вие го чувствувате и гледате. Максим Димитриевски не заслужува реизбор – ги изневери сите ветувања дадени пред граѓаните. Куманово се дави во смет и пропадната инфраструктура, се случува урбанистички хаос кој го креира Димитриевски заради сопствените бизнис интереси. Куманово во 2025 сè уште кубури со вода, а паркинг место нема ни за лек.
Димитриевски ги изневери сите кои гласаа за него. Наместо коректор на власта, стана пион на Мицкоски и тројански коњ кој треба да ја дели опозицијата и СДСМ. Човек кој ги погази сите наводни принципи и молчи пред криминалот на неговите коалициски партнери. Човек кој ведне глава пред патронот Мицкоски. Единствено нешто што Максим добро го прави тоа неговиот бизнис со оние за кои до вчера велеше дека се криминалци.
Куманово може подобро! Ветувам силна и одлучна битка да го вратиме Куманово во наши раце, во раце на кумановци. Ветувам дека ќе одам од човек до човек за да ја пренесам мојата идеја за подобра и пофункционална општина која ќе работи во интерес на сите граѓани на Куманово. Ветувам дека СДСМ во Куманово ќе се обедини и дека СДСМ ќе се врати многу силно! Одиме на победа!“, додаде тој.
Македонија
Дел од Шуто Оризари денеска без струја

Од ЕВН – Македонија известуваат дека денеска без електрична енергија ќе останат:
· во периодот од 09.00 до 15.00 часот, дел од корисниците од Шуто Оризари место викано Пирков Рид. (општина Шуто Оризари)
Македонија
Претежно сончево и многу топло

Времето денеска, претежно сончево и многу топло со слаб до умерен ветер од променлив правец. Минималната температура ќе биде во интервал од 11 до 20, а максималната ќе достигне од 32 до 39 степени.
Во Скопје, сончево и многу топло со слаб до умерен јужен ветер. Минималната температура ќе се спушти до 18, а максималната ќе достигне до 39 степени.
Под влијание на топла воздушна маса од југ, до средината на следната седмица времето ќе биде сончево и многу топло со мала до умерена облачност.
Дневната температура насекаде ќе биде над 30°C, а наместа ќе надминува 40°C.
Во недела во попладневните и вечерните часови ќе има услови за локална нестабилна облачност со пороен дожд и грмежи.