Македонија
Заев и Царовска: Креираме македонски модел на основно образование во согласност со најдобрите светски искуства
Претседателот на Владата на Република Северна Македонија и министерката за образование и наука, Мила Царовска, денеска учествуваа на јавната расправа по повод реформите во образованието, која се одржа во Собранието на Северна Македонија.
На расправата во организација на собраниската Комисија за образование, наука и спорт учествуваа и претставници на МАНУ, на ЗЕЛС, градоначалници, наставници и професори на факултетските установи и на други општествени, образовни, политички и други стручни институции, претставници на граѓанските организации, како и претставници на меѓународните организации и на амбасадите на земјите што учествуваат во образовните реформи.
Во своето обраќање премиерот Заев ја нагласи заедничката желба за учество во расправата за најдобар придонес во исцртувањето на контурите на една од најзначајните реформи во нашето општество – образованието.
„Сите ние во овој процес тргнуваме од амбицијата со реформата да го осовремениме нашето образование со нов модел на настава кој е инспириран од веќе постојните образовни системи во развиените земји во светот и Европа. Се разбира, во промислувањето на реформите ги имаме предвид нашите автентични општествено-економски состојби и заедно со најдобрите европски и светски образовни искуства на пат сме да создадеме наш македонски национален модел на основно образование“, истакна премиерот Заев.
Заев нагласи дека целиот овој процес се прави во најдобар интерес на учениците и затоа ќе се спроведува со максимална вклученост на сите образовни институции, граѓанските организации, социјалните партнери, како и експертите за образование и професионалци од праксата со кои се трага по баланс во предлозите со цел да се направат реформи во најдобар интерес на нашите ученици.
„Целта е да обезбедиме образование со кое секое дете ќе го достигне својот полн потенцијал преку изборни и воннаставни предмети“, рече премиерот Заев.
Министерката за образование и наука, Мила Царовска, во обраќањето истакна дека заедничкиот заклучок од целиот овој процес на дебати, кој претходеше на денешната јавна расправа, е дека реформи во образованието се нужни и овој процес не смее да запре.
Министерката во обраќањето истакна дека треба да се отфрлат сите сомнежи дека реформата нема да успее, дека немаме капацитет да ја спроведеме или, пак, дека е избрзана.
Царовска рече дека е свесна оти секоја промена кај нас предизвикува чувство на неизвесност, па дури и на страв, но без промени нема напредок, исто како што без труд и учење нема знаење.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Учество на министерот Муцунски на конференцијата „Медитерански дијалог“ во Рим
Министерот за надворешни работи и надворешна трговија, Тимчо Муцунски, денеска и утре престојува во работна посета на Рим, Италија, на покана на италијанскиот министер за надворешни работи и меѓународна соработка, Антонио Тајани.
Во рамки на посетата, министерот Муцунски ќе учествува на 10-то издание на годишната конференција „Медитерански дијалог“ (Rome MED Dialogues), каде ќе има обраќање на панелот под наслов „Нова Европска комисија, стари европски приоритети“.
Дополнително, на маргините на конференцијата министерот Муцунски ќе се сретне со својот египетски колега – министерот за надворешни работи, Бадр Абделату и со сенаторот Џулио Терци ди Сант’Агата.
Македонија
Утрото студено, преку денот сончево со слаб ветер
Утрото ќе биде ведро и студено, по одделни котлини со услови за појава на магла. Преку денот времето ќе биде претежно сончево со слаб ветер од променлив правец. Минималната температура ќе биде во интервал од -11 до -3, а максималната ќе достигне од 7 до 14 степени.
Во Скопје утрото студено, во делови од котлината со услови за појава на магла. Преку денот времето ќе биде сончево и тивко. Минималната температура ќе се спушти до -6, а максималната ќе достигне до 10 степени.
Во следните денови времето ќе биде стабилно и претежно тивко со ниски утрински температури, а дневните ќе бидат во пораст. По одделни котлини ќе има појава на магла и пониска дневна температура. Во петок кон крајот на денот се очекуваат повремени врнежи од дожд.
Скопје
Без струја делови од Аеродром и Гази Баба
Од ЕВН Македонија добиено е известување дека поради планирани зафати во електродистрибутивната мрежа денеска, без напојување со електрична енергија ќе останат:
· Од 08:30 до 12:30 часот корисниците од дел од булеварот 3та Македонска Бригада – кај ресторан Дион во општина Аеродром;
· Од 08:30 до 11:00 часот корисниците од дел од улицата Гемиџиска во општина Гази Баба.