Неколку пратеници од ВМРО-ДПМНЕ на социјалните мрежи пишуваат дека премиерот Зоран Заев на денешниот настан за почнување на изградбата на новата градинка во Прилеп пристигнал со хеликоптер.

Оваа информација првично ја споедели пратеникот Петар Ристески, кој вели дека Заев бега од проблемите на народот.

„Заев во Прилеп дојде со хеликоптер!!! А како поинаку???
1. Патот Градско – Прилеп го прекина и сега е небезбеден поради тоа што фирмата „Рубау“ си замина бидејќи Заев и Сугарески му барале провизија?
2. Да ги избегне ТУТУНАРИТЕ што го чекаа да му се „заблагодарат“ за најкатастрофалниот откуп на тутун во последните 30 години. Тутунот земен  беспари. Тутунарите излажани и ограбени.
800-1.000 тони тутун остана неоткупен. Првпат по 30-ина години.
3. Вработените во општинската фирма ЈП за ПУП, кои го чекаат „пресреќни“, зеле вчера 5.000 денари февруарска плата, за мартовската ќе почекале!
4. Вработените од „Еурокомпозит“, кои „само што не почнале“ со работа, излажани со неисплатени придонеси за кои се гласаше и закон во Собранието!
И на крајот, семејствата на над 330 починати прилепчани и 7.131 заболен, кои молат за лекарска помош, пиштат од мака и неукажана лекарска помош, се молат за помош во фирми не можејќи да ги платат прескапите цени од 2.300 евра за еден ден во приватните болници за своите животи.
A вакцини нема!
ЗАЕВ, МРШ ОД ПРИЛЕП“, напиша Ристески.

Со коментар подоцна се огласи и пратеничката од редовите на ВМРО-ДПМНЕ, Ане Лашкоска од Прилеп.

„Вие навистина повеќе не знаете каде терате! Денес, во Прилеп пристигна, ни помалку ни повеќе, со хеликоптер! Во градот во кој има најмногу смртни случаи како последица на Ковид-19, во градот кој благодарение на вас е мртов град“, напиша Лашкоска.