Македонија
(Видео) Заев: Шаќири може да помогне ако се јават екстремистички групи
![](https://makfax.com.mk/wp-content/uploads/2018/05/Zaev-izjava.jpg)
„Тоа е еден од граѓаните кои се приклучија на опозицијата и во тоа време соработуваше со многу активисти на СДСМ“. Премиерот Зоран Заев пред новинарите го потврди советничкиот ангажман на Џезаир Шаќири, алијас командант Хоџа.
Заев рече дека доколку се појават екстремистички групи, Шаќири може да помогне бидејќи добро го знае реонот околу Танушевци. Во врска со изјавата на Шаќири дека неговото поставување за советник било договорено со Заев за да го ослободи Танушевци, премиерот вели дека немало потреба од ослободување бидејќи во селото немало вооружени сили.
„Тој е граѓанин на Република Македонија и како и секој друг може да биде ангажиран како советник или соработник. Како и да се вика, Шаќири чесно ќе си го заработува лебот бидејќи издржува многудетно семејство“ рече Заев. „Жалам што задоцниле од службите со одговорот за Шаќири“, рече Заев пред новинарите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Мицкоски се сретна со хрватската амбасадорка: Македонија и Хрватска треба да ги искористат капацитетите на заедничкото пријателство
![](https://makfax.com.mk/wp-content/uploads/2024/07/tiganj-mickoski.jpg)
Премиерот Христијан Мицкоски информираше дека денеска се сретнал со амбасадорката на Република Хрватска, Нивес Тигањ.
„Ги потврдивме исклучителните пријателски односи меѓу двете држави“, кажа Мицкоски и додаде дека изразил благодарност за поддршката која ја добива државава од пријателска Хрватска.
„Македонија и Хрватска треба да ги искористат капацитетите на заедничкото пријателство“, рече премиерот.
Македонија
Гори стан во Скопје, пожарни се упатија кон местото, извести ЦУК
![](https://makfax.com.mk/wp-content/uploads/2023/12/pozarna-pozar.jpg)
Директорот на ЦУК, Стојанче Ангелов извести дека гори стан во зграда кај старо матично.
„Од 112 добиена е пријава дека има пожар во стан на посочената адреса. Локацијата е улица Виа Игнација 8, Скопје. Известени се екипи од Територијална противпожарна бригада на Град Скопје“, информира Ангелов.
Македонија
Падна дел од фасада на зграда во Аеродром
![](https://makfax.com.mk/wp-content/uploads/2024/07/dozd-aerodrom.jpg)
Центарот за управување со кризи извести дека на единствениот повикувачки број за итни случаи 112 добиена е пријава за штета, односно паднат дел од фасада на зграда на булеварот Јане Сандански, број 38, во скопски Аеродром.
Силниот ветер попладнево направи хаос во Скопје. Паднати се дрвја, има оштетени возила, откачени лимови, искинати кабли од бандери.
Во центарот на градот, на булеварот Свети Климент Охридски, дрво падна врз жена.