Контакт

Економија

(Видео) За борба против аерозагадувањето предвидени 1,6 милион евра во буџетот за 2020

Објавено пред

Растот на платите и пензиите, растот на вработеноста, намалувањето на невработеноста и големата социјална заштита на ранливите категории в година треба да придонесат за раст на приватната потрошувача, која е проектирана на 3,3 отсто, рече денес премиерот Зоран Заев образложувајќи го буџетот за в година.

Растот на нето-платата во 2020 година е проектиран на 6,3 отсто.

„Растот ќе биде дополнително предизвикан од покачувањето на минималната плата, која ќе порасне 2.000 денари од декември годинава, но и од поддршката во вид на субвенции што ја обезбедуваме за приватните компании што ќе ја покачат платата на своите вработени од 600 до 6.000 денари“, рече премиерот Заев.

Растот на економијата за 2020 година е проектиран на ниво од 3,8 отсто, а најголемо учество во овој раст е очекуван од домашната потрошувачка.

Во 2020 година премиерот очекува да опаѓа стапката на невработеност и да се симне на нов историски минимум, пониско од 16 отсто – и очекува и процентот на вработеност да се придвижи нагоре до 48,2 отсто.

Бруто-инвестициите во 2020 година е предвидено да се зголемат 8,0 отсто. Позитивен придонес врз растот на инвестициите се очекува да имаат планираните инвестиции на јавниот сектор, како и континуираната поддршка на инвестициската активност на домашните и странските претпријатија.

Стапката на инфлација во 2020 година се очекува да остане ниска во износ од 1,7 отсто.

„Ова значи дека пред нас останува периодот со стабилни цени“, објасни премиерот Заев.

Во здравството предвидено е покачување на платите на целокупниот медицински персонал почнувајќи од февруарската плата: 25 отсто раст кај специјалистите, 15 отсто кај лекарите од општа пракса, а 10 отсто ќе им пораснат платите на медицинските сестри.

„Специјалистите во терцијарното здравство ќе ја достигнат висината на платата од 100.000 денари со февруарската плата во 2020 година. Ова следува по покачувањето на платите од 10 отсто од јануари 2019 година за лекарите и зголемувањето од 5 отсто во септември 2019 за сите кадри во здравството, што е трето зголемување на платите по доаѓањето на власт на оваа Влада по првото зголемување на платите во септември 2018 од 5 отсто“, рече Заев.

Во буџетот за 2020 година се издвоени 1,5 милијарда денари за капитални инвестиции во здравството – за изградба и реконструкција на болници и за нова современа медицинска опрема.

В година се очекува да почне изградбата на новиот клинички центар во Скопје и да продолжи обновувањето на Клиничката болница во Штип и на болницата во Кичево, како и завршните работи во болниците во Струмица и Тетово.

За образованието се обезбедени средства за зголемување на платите на просветните работници од 10 отсто, почнувајќи од 1 јануари 2020 година, и 1,4 милијарда денари за капитални инвестиции за реконструкција и изградба на училишни згради и спортски училишни сали, на студентските домови, како и за опремување и реконструкција на универзитетите.

Буџетот за 2020 предвидува и зголемување на пензиите.

„Пензиите ќе пораснат 700 денари и заедно со веќе постојното усогласување со растот на трошоците за живот ќе пораснат вкупно од 850 до 900 денари“, рече премиерот и најави дека повеќе за покачувањето на пензиите ќе објасни министерката за труд и социјална политика, Мила Царовска, на одвоена прес-конференција.

Во буџетот за 2020 се издвоени 7,3 милијарди денари за субвенции во земјоделството и 1,1 милијарда денари за регионален рамномерен развој.

Во 2020 година буџетот на Министерството за одбрана ќе изнесува 10 милијарди денари за реформи во одбранбениот сектор во согласност со НАТО-стандардите, модернизирање и опремување на Армијата, професионална подготовка на припадниците на Армијата и за долгорочен развој на одбрана.

За борба против аерозагадувањето предвидени се 1,6 милион евра.

„Ќе продолжиме со политиките и мерките за борба против аерозагадувањето и за таа намена во буџетот за наредната година се определени 100 милиони денари. Но, тоа се само некои од вкупните средства затоа што еден сериозен дел е вклучен во буџетите на одделни министерства што имаат програми за оваа намена. Дополнително, вложуваме 10 милиони евра од буџетот на ЕСМ, за набавка на еколошки инвертери за 10.000 домаќинства“, рече премиерот Заев.

Капиталните расходи за в година се на ниво од 23 милијарди денари. Инвестициите се наменети за интензивирање на инфраструктурните проекти, односно за вложувања во патната и железничката инфраструктура, енергетската и комуналната инфраструктура, како и капитални инвестиции за подобрување на условите во здравствениот, образовниот и социјалниот систем, земјоделството, културата, спортот, заштитата на животната средина и правосудството. Во оваа сума не е вклучен буџетот на Јавното претпријатие за државни патишта, кој се формира независно.

5 милијарди денари се планирани за вложување во енергетската и комуналната инфраструктура и управувањето со отпадот. Планирано е да продолжи изградбата на гасоводната инфраструктура, како и изградба на водоводни и канализациски системи.

За инвестиции во приоритетите на локалните самоуправи ќе бидат насочени и оние 35 милиони евра на ТАВ, кои требаше да бидат инвестирани во карго-аеродромот, а преку разни фондови ќе продолжи рехабилитацијата на патната мрежа и на железничката инфраструктура.

Одвоени се и 1,5 милијарда денари за рурален развој, за изградба на хидросистеми и инвестиции за подобрување на конкурентноста и модернизација на земјоделските стопанства.

Премиерот Заев објасни дека буџетот се разгледувал на повеќе владини седници оти воделе сметка секој денар на граѓаните да биде најпродуктивно искористен.

Министерката за финансии, Нина Ангеловска, објасни дека буџетот од 3,9 милијарди евра е реален и со вложување во човечкиот капитал има цел да ги задржи граѓаните во земјата. Буџетот денес го усвои Владата, од каде што најавија дека ќе го испратат на усвојување во Собранието.

 

Економија

Халкбанк со акција за посадување нови 9.200 дрвца

Објавено пред

Халкбанк активно инвестира во подобрување на еколошката средина за сегашните и за идните генерации. Во глобални рамки, компанијата е дел од коалицијата „Priceless planet“ заедно со Mastercard, чија цел е да се засадат 100 милиони дрва низ светот во следните 5 години. Својата мисија за позелена планета Халкбанк ја започна уште пред неколку години и досега кај нас има донирано над 25 000 садници, но има и реализирано многубројни активности во рамките на својата платформа „HalkEco“. Во последната акција за пошумување, во која учествуваа вработените на Халкбанк, посадени беа 9.200 дрвца во околината на Куманово.

Платформата „HalkEco“ промовира современ, здрав и еколошки свесен начин на живот. Во средиштето на платформата е апликацијата „HalkEco“, која ги поттикнува корисниците да практикуваат здрав животен стил, да ја намалат емисијата на штетни гасови CO2 и да се вклучат во заштита на зеленилото. Досега корисниците на апликацијата имаат поминато над 701 681 километри во пешачење, трчање, возење велосипед или тротинет, а со тоа обезбедија засадување над 8 771 нови дрвја и ја намалија емисијата на штетни гасови за над 88 806 килограми CO2. Мобилната апликација „HalkEco“ и нејзините 6 469 корисници и натаму во континуитет овозможуваат банката од нивно име да сади уште повеќе дрвја.

„Со учеството во коалицијата ’Priceless Planet‘ само го засиливме нашиот придонес за подобра животна средина на локално и на глобално ниво. За да направиме разлика, мора да почнеме од себе, затоа ние, вработените во банката, земаме учество во акциите за пошумување, како што беше последната во Кумановско. Постојано настојуваме банката да биде пример за одговорно и еколошки свесно однесување. Во рамките на нашето работење, практикуваме паметно селектирање отпад, користење еколошки алтернативи, како и инвестиции во подигнувањето на свеста за околината, поттикнувајќи ги вработените и нашите клиенти активно да ни се придружат. Се радуваме на секое ново дрвце, секој нов корисник на апликацијата, секој убав збор на поддршка што постојано ги добиваме. Луѓето и нивната добросостојба се во центарот на сè што работиме и затоа ќе продолжиме и натаму да ги поттикнуваме здравите навики и одговорното живеење“, изјавија од Халкбанк АД Скопје.

Позитивните активности што ги практикуваат платформите „Priceless Planet“ и „HalkEco“ се пример за општествена одговорност. Иднината зависи од сите нас, а следејќи ги Халкбанк и нивната политика за одржлив развој, сите ќе имаме можност да придонесеме за поздрава животна средина и за грижа за планетата Земја. Погледнете го видеото од последната акција за пошумување на следниот линк.

 

 

(ПР текст)

Прикажи повеќе...

Економија

Усвоен најновиот квартален извештај на НРБМ со најновите макроекономски проекции

Објавено пред

Советот на Народната банка одржа редовна седница, на која беше разгледан и усвоен најновиот квартален извештај, во чии рамки се вклучени и најновите макроекономски проекции на Народната банка.

Априлските проекции не се значително променети во споредба со октомвриските согледувања. Во текот на овој период се очекува закрепнување на економијата, при што и натаму целосно враќање и надминување на преткризното ниво се очекува во 2022 година. И ова сценарио не упатува на поголеми инфлациски притисоци, а надворешната позиција и понатаму останува поволна. Во однос на изворите на ризици, тие и понатаму се оценуваат како изразено надолни и се речиси целосно поврзани со пандемијата на Ковид-19, велат надлежните.

Од НБРМ појаснуваат дека во 2021 година се очекува раст на економската активност од 3,9 %, што претставува непроменета проекција во однос на октомври. Во 2022 година ќе продолжи закрепнувањето на економијата со раст од 3,9 %, а во 2023 година со иста очекувана стапка како во октомври, од 4 %.

Се очекува растот на БДП оваа и в година да произлезе од домашната побарувачка, а нето-извозот да има негативен придонес, велат од НБРМ.

Во известувањето стои дека кај стапката на инфлација е направена умерена нагорна ревизија за 2021 година во однос на октомвриските проекции, при што тековно се оценува дека таа ќе изнесува 2,2 %.

За 2022 и 2023 година и натаму се очекува дека стапката на инфлација ќе се движи околу 2 %. Очекувањата за идните движења во надворешниот сектор укажуваат на стеснување на дефицитот во тековната сметка до 2,9 % од БДП во 2021 година, што во најголем дел се должи на подобрите очекувања кај дознаките, при постепено намалување на негативните ефекти од пандемијата во текот на годината. Намалувањето се очекува да продолжи и во наредните две години, со што во наредниот двегодишен период (2022-2023 година) дефицитот во тековната сметка ќе изнесува во просек околу 2,1 % од БДП. Во целиот период на проекцијата се очекува дека девизните резерви ќе се задржат на соодветно ниво, се посочува во писменото соопштение.

Кредитната активност на банкарскиот систем и натаму е еден од важните фактори за поддршка на економскиот раст. Имено, во текот на 2020 година кредитната поддршка беше солидна, а тековните проекции упатуваат на нејзино постепено забрзување во следниот период.

Ризиците за остварување на основното макроекономско сценарио и понатаму се оценуваат како надолни и се главно поврзани со пандемијата на Ковид-19. Главниот надолен ризик се поврзува со евентуалното побавно спроведување на имунизацијата, што е тесно поврзано со набавката и дистрибуцијата на вакцините, како и со повторно разгорување на пандемијата со појавата на нови мутации на вирусот и нивна поголема отпорност на веќе постојните вакцини, што би можело да доведе до повторно воведување построги рестриктивни мерки за спречување ширење на вирусот. Евентуалната материјализација на овие ризици може да доведе до повторно нарушување на синџирите на производство и на побарувачката и до значително забавување на очекуваната динамика на економско закрепнување, а со тоа и до тешкотии во опстојувањето на фирмите и побавно закрепнување на пазарот на труд. Доколку заканата од коронавирусот се надмине побргу од очекуваното, зајакнатата доверба би можела значително да ја поттикне глобалната, а со тоа и домашната економска активност. Исто така, членството на нашата држава во НАТО и почнувањето преговори за полноправно членство во ЕУ и натаму претставуваат позитивен ризик за проекцијата на среден рок, велат надлежните.

Прикажи повеќе...

Економија

(Видео) Костадинов: Со планот за економски раст со речиси 70 милиони евра се поддржани 800 компании

Објавено пред

Владата предводена од СДСМ и премиерот Зоран Заев во континуитет е посветена на поддршка на домашната економија, вели портпаролот на СДСМ, Костадин Костадинов.

Според него, освен помошта за спас на работните места, Владата ги помага и инвестициските подвизи во домашната економија.

„Преку планот за економски раст во изминатите три години, со речиси 70 милиони евра поддржани се 800 компании, од нив, 42 милиона евра се средства од Фондот за иновации и технолошки развој“, вели Костадинов.

Ова се пари од буџетот вложени директно во домашната економија, вложени во развој и отворање нови добро платени работни места, смета портпаролот на СДСМ.

Тој потенцира дека државната помош, освен што обезбедува сигурност, директно влијае и на долгорочен развој на компаниите и севкупната економија.

„Економските политики на Владата предводена од СДСМ даваат резултат и тоа е потврдено со многубројни статистички податоци. Се надминуваат последиците од корона-кризата, во изминатите месеци бележиме раст на просечната плата, раст на извозот и индустриското производство, a стапката на невработеност благо опаѓа. Сето тоа се податоци што покажуваат дека денес македонската економија е стабилна, развојна и динамична“, констатира тој.

Напомена дека поддршката за домашната економија продолжува и понатаму и дека во тек е реализација на мерките од петтиот и шестиот пакет економски мерки.

Прикажи повеќе...

Најново

Свет7 минути

Израел по бомбардирањето: Тел Авив во урнатини, децата сами на улица

Судирите меѓу израелските и палестинските сили продолжија утрово, а по ескалацијата на насилството и крвавите конфликти, Израел прогласи вонредна состојба...

Македонија2 часа

Македонскиот војник заразен од коронавирус во Африка со посебни протоколи пренесен на Инфективната клиника

Рано утрово во земјата пристигна 55-годишниот македонски потполковник позитивен на коронавирусот и суспектен на јужноафриканскиот сој, објави на социјалните мрежи...

Европа2 часа

Германски виролог: Оние што нема да се вакцинираат неминовно ќе се заразат

Германскиот виролог Кристијан Дрoстен очекува дека населението во Германија ќе добие имунитет против коронавирусот за една и пол година. Тоа,...

Европа2 часа

Тензиите од Блискиот Исток се префрлија во Германија, инциденти пред синагоги, запалени знамиња

Тензиите од Блискиот Исток се прелеаја во Германија, каде што се случија инциденти пред две синагоги. Во Бон синоќа неколку...

Свет3 часа

СЗО: Индискиот сој на коронавирусот откриен во 44 земји

Светската здравствена организација (СЗО) откри дека индискиот сој на коронавирусот што предизвика нагло зголемување на бројот на заболени во Индија...

Свет3 часа

(Видео) Ескалираат судирите меѓу Израел и Хамас, најмалку 40 убиени, меѓу нив и деца

Ескалира конфликтот меѓу Израел и Хамас. Од Тел Авив се слушаа сирени од раните утрински часови. Одекнаа и неколку експлозии....

Македонија15 часа

Во петок во Македонија ќе пристигнат 38.400 вакцини од „Астразенека“

Овој петок во Македонија ќе пристигнат 38.400 вакцини од „Астразенека“, соопшти министерот за здравство, Венко Филипче. „Добивме уште една добра...

Македонија18 часа

Во Македонија 171 нов случај на коронавирус, починаа 26 лица

Во последните 24 часа во Македонија се потврдени 171 нов случај на коронавирус, 26 лица починаа, а 409 оздравеа, соопшти...

Македонија19 часа

Државата треба да ѝ врати над 1,7 милион евра на Европската комисија, пари што ги проневерил ексфунционер од МИОА

Основното јавно обвинителство за гонење на организиран криминал поднесе обвинение против поранешниот секретар во Министерството за информатичко општество и администрација и...

Македонија21 час

Од четврток забраната за движење ќе трае само по четири часа

Владата на денешната 69-та седница донесе одлука полицискиот час, од 13 мај, да почнува на полноќ, наместо од 23 часот...

Македонија21 час

(Видео) Заев: Европските лидери добро ја разбираат нашата порака – идентитетот не е за преговори

Премиерот Зоран Заев денеска ги сумира резултатите од средбите кои во изминатите два дена нашата владина делегацијата ги оствари со...

Македонија21 час

Во првата недела од мај 37 отсто е намален бројот на новозаразени и починати од Ковид-19

Според неделниот извештај на Институтот за јавно здравје (ИЈЗ), во текот на минатата недела (од 3 до 9 мај) тестирани...

Македонија22 часа

Доцна вечерва пристигнува офицерот на АРМ, кој со корона се заразил во Африка

Министерката за одбрана, Радмила Шекеринска, ја потврди информацијата дека припадник на АРМ е заразен од коронавирус во Централноафриканската Република. Потполковник...

Свет1 ден

Еден од напаѓачите го најавил масакрот во руското училиште носејќи маска со натпис „бог“

Најмалку 11 лица се убиени во вооружениот напад во средно училиште во рускиот град Казањ. Напаѓачите, според информациите објавени од...

Македонија1 ден

Министерството за здравство: Вчера се аплицирани 14.033 дози вакцини

Вакцинацијата се одвива непречено на сите пунктови во државата. Интересот за вакцинација секојдневно се зголемува, а досега бројот на лица...

Регион1 ден

Во Србија пораст на бројот на вакцинирани по ветувањето на Вучиќ од 25 евра

Корона-бројките во Србија продолжуваат да паѓаат и покажуваат помалку од 1.000 заразени втор ден по ред, а белградските медиуми тврдат...

Македонија1 ден

Владата денеска ќе одлучува за новите рестриктивни мерки

Владата денеска ќе ја одржи редовната 69-та седница со повеќе точки на дневниот ред, информираат владините служби. На седницата, која...

Свет1 ден

СЗО: Сите треба да бидеме загрижени поради индискиот сој на коронавирус

Светската здравствена организација (СЗО) го класифицира индискиот сој на коронавирусот, исто така познат како двоен мутант, како можност од нова...

Свет1 ден

(Видео) Најмалку 20 загинати, меѓу нив 9 деца во синоќешните израелски напади

Палестинците рано утрово лансираа десетици ракети од Газа, а Израел возврати со нови воздушни напади. Израелската армија објави дека во...

Регион2 дена

Швајцарски весник со истражување: Зошто Балканот е легло на антиваксери?

Весникот Ноје Цирхер Цајтунг (НЗЗ), на почетокот на анализата од дописникот на Југоисточна Европа, Волкер Пабст, истакнува дека до неодамна,...

Досие