Македонија
За крводарителите не е задолжителен тест за коронавирус

Седумдесет лица утрово дарувале крв во Домот на АРМ во рамки на традиционалната крводарителска акција која истовремено се одвива и на пункт на Матка. Ефтим Димитровски од Институтот за трансфузиона медицина вели дека тестирање за Ковид – 19 не е задолжително пред дарувањето крв.
„Крводарителите не ги тестираме затоа што сметаме дека тоа е дополнително оптоварување. Доволно е само тие да се чувствуваат здрави. Апелирам крводарителите да не се плашат од пандемијата. При дарувањето се одржуваат сите протоколи, сите мора да носат маски, се одржува растојание од два метра, се прави дезинфекција на раце, а дополнително ние имаме и прашалник за сите крводарители во кој треба да наведат дали имале контакт со некој заболен, дали патувале во странство. Оние кои имале контакт или патувале во странство треба да направат пауза пред да даруваат крв“, вели Димитровски од Институтот за трансфузиона медицина.
Меѓу крводарителите побројни се мажите, па Димитриевски ги охрабри жените да даруваат крв и да ја стигнат по бројност групата на мажите.
Крводарителската акција за празникот Голема Богородица е 18 по ред.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.
Македонија
Претежно сончево и топло, максималната температура до 37 степени

Времето денеска ќе биде претежно сончево и топло. Ќе дува слаб до умерен ветер од јужен правец.
Минималната температура ќе биде во интервал од 7 до 17, а максималната ќе достигне од 30 до 37 степени.
Во Скопје, сончево и топло со слаб до умерен ветер од јужен правец. Минималната температура ќе се спушти до 13, а максималната ќе достигне до 37 степени.
Времето во наредните денови
Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен јужен, а во недела северозападен ветер, кој ќе услови опаѓање на дневната температура. Потоа следува период на стабилно и потопло време.