Македонија
(Видео) НАТО го потпиша протоколот за членство на Македонија

Претставниците на 29. земји членки на НАТО и македонскиот министер за надворешни работи, Никола Димитров, во Брисел го потпишаа протоколот за пристапување на земјата во алијансата.
Пред потпишувањето, Димитров рече дека се чувствува историски привилегиран.
Генералниот скеретар на НАТО, Јенс Столтенберг, на крајот му го подари на Димитров пенкалото со кое претставниците на земјите членки го ставија својот потпис на протоколот.
На заедничката прес-конференција, Столтенберг рече дека откако Парламентите на земјите членки ќе го ратификуваат протоколот, идната Република Северна Македонија ќе стане 30. членка на НАТО и ќе има еднакво право на глас.
[LIVE NOW] ? Tune in to watch all #NATO Allies sign the accession protocol with ?? https://t.co/uC6mQPc0FB
— Oana Lungescu (@NATOpress) February 6, 2019
„Вашето пристапување ќе донесе поголема стабилност во Западен Балкан, од денес земјата ќе учествува на состаноците како поканета земја“, рече Столтенберг.
Тој не можеше да каже точно колку време ќе трае процесот на ратификацијата во земјите членки и додаде дека за Црна Гора, која последна пристапи во алијансата, траел една година.
Столтенберг рече дека следниот состанок на НАТО ќе се одржи во декември во Лондон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Ангелов: Се затрупува изворот на чад во Дрисла, термални камери и патроли во Вардариште, нов пожар избувна во Трубарево

Директорот на Дирекцијата за заштита и спасување, Стојанче Ангелов, денеска информираше за повеќе паралелни интервенции поврзани со пожари на скопските депонии.
Во депонијата „Дрисла“, каде што изминатите денови беше присутно интензивно чадење, Ангелов посочи дека се преземени сериозни мерки:
„Направивме два пристапни земјени патишта до местото кадешто се случува чадењето. Денес, со засилен број механизација – багери, камиони, булдожери – се чисти теренот и се работи на затрупување. Очекувам добар дел од местото во текот на денот да биде целосно затрупано.“
Дополнително, побарана е нова механизација, а се отвора и нов фронт за работа за повеќе градежни машини.
Во депонијата „Вардариште“, каде што исто така имаше чадење претходните денови, ситуацијата е оценета како стабилна, но и таму продолжуваат активностите:
„Се работи на затрупување на локацијата каде што чадеше. Поставени се термални камери со цел навремено да се идентификуваат и пресретнат лица кои евентуално би се обиделе повторно да предизвикаат чадење,“ додаде Ангелов, истакнувајќи дека на терен се и засилени полициски патроли.
„Се работи за сериозен пожар. Хермелините се веќе упатени натаму, едниот од нив е веќе на пат кон Трубарево“, соопшти Ангелов. Ќе се интервенира и од воздух.
Македонија
ЗНАМ ја поднесе кандидатурата на Мирослав Лабудовиќ за градоначалник на Центар и листата за советници во Советот на Град Скопје

Движењето ЗНАМ денеска ја поднесе кандидатурата на Мирослав Лабудовиќ за Градоначалник на Општина Центар и листата на кандидати за членови Советот на Општина Центар.
„Центар заслужува конечно работите да се решаваат системски, со една јасна визија за многу почист Центар, безбеден Центар, Центар кој има ред и организација. Оваа денешна слика мора да се промени. Центарци знаат што е најдобро за нив. Благодарам на ЗНАМ за довербата и кандидатурата, но исто така благодарен сум на ВМРО-ДПМНЕ за целосната поддршка која ја добивам. Најважни се граѓаните и условите во кои живеат, Центар е наш заеднички дом. Ќе го вратиме сјајот и редот со квалитетни системски решенија. Овој хаос мора да запре. Ќе го ослободиме просторот, ќе го исчистиме, озелениме и повторно ќе го слушаме детскиот џагор во маало. Знаеме како!“ – изјави Лабудовиќ.
Со поднесувањето на кандидатските листи и кандидатурата, ЗНАМ најави нова енергија и одговорност во политиката.
Главните приоритети на ЗНАМ остануваат: • повеќе зелени површини и чиста животна средина, • системски решенија за сообраќајот и инфраструктурата, • почисти и безбедни маала, • враќање на јавниот простор во рацете на граѓаните.
„Ова не е само политичка агенда, ова е заедничка визија за град кој ќе биде гордост на сите нас. Време е да направиме во Центар и градот Скопје да владее ред, чистота, безбедност и урбан живот достоен за неговите жители. Со ова, движењето уште еднаш ја нагласува својата определба за чесна, одговорна и транспарентна политика насочена кон реални решенија и подобар живот за сите граѓани,испраќајќи силна порака дека е подготвено чесно, одговорно и системски да ги решава проблемите на граѓаните”, потенцираше Лабудовиќ.
Едновремено, во Градската изборна комисија беше поднесена листата на советници на Движењето ЗНАМ за Наша Македонија за советот на Градот Скопје. Носител на листата за Советот на Град Скопје е генерал Горанчо Котески, поранешен Началник на Генералштабот на АРМ, човек со долгогодишна професионална кариера и интегритет. Тој порача дека Скопје мора да добие поинаков, со системски пристап во управувањето: „Влегуваме чесно и со јасен план и визија, со волја да ги решаваме проблемите со кои се соочува градот Скопје. Граѓаните заслужуваат функционален, организиран и чист град, а ние знаеме како тоа да го постигнеме,“ изјави генералот Котески.
Македонија
(Видео) Гори фабрика во Трубарево, црн чад се издигна над Скопје

Голем црн чад се издигна над главниот град, алармираат граѓаните од повеќе скопски населби.
Директорот на Дирекцијата за заштита и спасување (ДЗС), Стојанче Ангелов, потврди дека пожарот е пријавен во објектите на Ф – ГРУПАЦИЈА која се занимава со електронски отпад. Претходно надлежните објавија дека се работи за „Нула отпад“, но нејзините објекти не се зафатени со пожар.
Директорот на ЦУК, Мухамед Али, соопшти дека пожарот е пријавен преку бројот за итни повици Е-112 и дека екипи на Бригадата за противпожарна заштита на Град Скопје се веќе на терен.
Повеќе детали ќе бидат соопштени во текот на денот.