Контакт

Македонија

ЗНМ на тест, изборот на Чадиковски под прашалник

Објавено пред

По којзнае кој пат новинарската фела е исправена пред нови поделби. Вчерашниот избор на Младен Чадиковски за претседател на Здружението на новинари на Македонија (ЗНМ) создаде комплетен хаос околу толкувањето дали изборот е легитимен. Претставници од телевизиите Телма и Канал 5 реагираат на изборот, дел медиуми го поддржуваат, некои претставници од верификационата комисија тврдат дека требало да има втор круг на гласање, а дел честитаат за изборот на Чадиковски, кој го наследи досегашниот претседател, Насер Селмани.

Социјалните мрежи вријат од кавги, препукувања и навреди меѓу новинарите и уредниците од различни медиуми, па оттаму, како и да завршат последните случувања, останува фактот дека новинарската фела е далеку од обединување.

Правилникот на ЗНМ под тест

Правилник на ЗНМ

На вчерашното Изборно собрание, од 555 членови на ЗНМ, се појавија односно се регистрираа 175 претставници, а од нив гласаа 169. Се претпоставува дека тие шестмина си заминале по регистрацијата.

Од 169 гласови, за Чадиковски гласале 86, за неговиот противкандидат Столе Наумов 77, а шест ливчиња биле неважечки.

Претседателот на ЗНМ, според Статутот, се избира со мнозинство гласови од присутните на изборното собрание. Тука дојде и најголемата забуна, односно дилемите се развија околу делот дали за присутни се смета бројката од 175 претставници (колку што се регистрирале на почетокот на собранието) или пак бројката од 169, колку што гласале.

Со оглед на тоа што мнозинство од 175 е 88, а не 86 (колку што доби гласови Чадиковски), дел медиуми и новинари си зедоа за право да го прогласат изборот за нелигитимен. Дел пак, за присутни членови ги сметаат само оние што гласале.

„На списокот пишува колку членови зеле избирачки листови и тој список е веднаш предаден. На него пишува 169 членови. Едно е верификација на кворум за собрание, а друго верификација на гласање. Второто одеше по име и презиме, сите кои се регистрираа беа повикани. Шестмина си заминале. По таа логика требаше воопшто да не се бројат гласовите затоа што немаше 175 пријавени за гласање. Никој не го оспори бројот на гласачи, ниту броењето, ниту пак резултатите. Така што или е неразбирање или е тенденциозност. За првото се обидувам да објаснам, за второто немам намера да влегувам во дебата бидејќи не го организирав собранието“, вели Тамара Чаусидис од изборната комисија.

Новинарот од веб-порталот „Сакам да кажам“, Горан Трпеновски, кој беше дел од верификационата комисија, се повикува на Правилникот на ЗНМ, каде што се вели дека „доколку ниту еден кандидат не го добие мнозинството, се преминува на втор круг на гласање“.

„Јас морав да реагирам како член на верификационата комисија за да бидам чист пред себе, пред кандидатите и пред колегите. ЗНМ треба да ја реши оваа дилема и сакам да излезат и да кажат дали има некакви неправилности“, вели тој.

Драган Секуловски, извршен директор на ЗНМ вели дека на самото Собрание немало ниту еден приговор и сè поминало во најдобар ред.

„Приговор немаше од страна на присутните ниту по објава на резултатите од гласањето по што истото беше затворено од страна на претседавачот. Ако има било какви дилеми околу легитимноста околу примената на статутот сакам да укажам дека автентично толкување на одредбите на Статут на ЗНМ дава Собранието на ЗНМ на седница на Собранието. Освен ова, помеѓу две собранија, толкување на одредбите на Статутот дава Управниот одбор на ЗНМ“, вели Секуловски, одбивајќи да се впушти во толкување на Правилникот на ЗНМ.

Селмани: Губитници блиски до СДСМ го спорат процесот

Насер Селмани и Атанас Кировски

Поранешниот претседател на ЗНМ, Насер Селмани, се огласи на Фејсбук велејќи дека „губитниците го спорат процесот“. Тој пишува дека од моментот кога се утврдил кворумот до моментот на гласањето поминале повеќе од два часа и шест делегати си заминале.

„Значи на Собрание за време на гласањето присутни биле 169 делегати. Младен доби 86, Столе 77, шест беа неважечки. Кој малку знае математика разбира дека Младен доби 50+1 глас од гласовите“, пишува Селмани и додава дека целата оваа операција е водена од „некои директори на националните телевизии, а новинарите што се вклучени во оваа валкана игра против ЗНМ и новинарството се само извршители“.

„Еве да објаснам од прилика како се однесуваше ова губитничка група на Собранието, блиска до владејачката партија СДСМ, потопомогната од директорите на некои национални приватни телевизии. Знаејќи дека ја немаат поддршката од колегите поради нивната јасна намера да ја инструментализираат ЗНМ за политички и лични интереси, побараа одлагање на Собранието. Нивниот предлог беше поддржан само од шест делегати од вкупно 175, колку што имаше на почеток на Собранието, кога се утврдуваше кворумот“, пишува Селмани.

„Интересот на директорите на приватните национални телевизии е да ги оневозможат новинарите да имаат свој глас во јавноста. Овие неспособни луѓе, кои единаест години беа најсилните сојузници на режимот на Груевски, сега се обидуваат да се врзуват со новиот режи за да цицат уште пари од буџетот на државата. За да ги одржат овие коруптивни врски со новата власт ќе треба претходно да ја парализираат ЗНМ, во што не успеа“.

На ова, врати главниот и одговорен уредник во ТВ Телма, Атанас Кировски, кој напиша:

„Кај мене во маало, претседателот на куќен совет го избраа со поголем број на гласови. Многу силна организација станала ЗНМ, нема што… Доколку се формира ново здружение на новинарски работници со три-четири пати повеќе активни членови, јасно е кој ќе го има легитимитетот. Друго прашање е дали вреди човек да се замара со тоа. Инаку, за какви проекции си прават муабет доволен е фактот што од Телма гласаа двајца или тројца вкупно. Јас на моите вработени сум им кажал дека е нивна работа дали ќе членуваат во ЗНМ, МАН, Синдикат, или никаде. За жал 98% не ги интересира ЗНМ. Не е тоа до мене Насер друже, до ЗНМ е….“

Нетранспарентност пред изборното собрание на ЗНМ

Од вчерашното изборно собрание на ЗНМ

Изборот за претседател на ЗНМ го следеа и други реакции од новинарската фела, почнувајќи од тоа дека краток беше периодот од кандидатурите до гласањето, односно медиумските работници имаа рок од само 2 дена да одлучат за кого ќе гласаат. Друг беше проблемот што немаше време ниту да се отворат дебати за тоа какви промени во ЗНМ предлагаат кандидатите, а немаше можност ниту прецизно да се видат програмите на кандидатите.

Освен тоа, на медиумските работници кои сакаа да се зачленат во ЗНМ последниот ден од рокот за зачленување, а 10 дена пред изборното собрание, како на пример новинарите, снимателите и останатиот кадар од „А1он“, „Макфакс“ и „Репортер“, им беше соопштено дека можат да се зачленат, но дека ќе немаат право да гласаат на претстојното собрание, бидејќи немало доволно време за ажурирање на списокот и издавање легитимации.

Некои новинарски редакции воопшто не беа известени за претстојното собрание односно од ЗНМ не пристигна официјално соопштение дека ќе се врши избор на ново раководство.

Сите овие тесни рокови кај дел од новинарската фела јавија недоверба кон организацијата, па најверојатно тоа е и една од причините зошто на собранието присуствуваа околу 170 членови, а новиот претседател беше избран со 86 гласови.

Мери Јордановска, Габриела Димковиќ – Мишевска

Македонија

Спасовски: Се грижиме за српската заедница

Објавено пред

Претседателот на Владата, Оливер Спасовски, вечерва се обрати на Свечената академија посветена на Националниот ден на Србите во земјата – празникот Свети Сава, која се одржа во МНТ под покровителство на Владата.

На свечената академија, покрај претставниците на српската заедница во земјата, присуствуваа и гости од Република Србија и Босна и Херцеговина, меѓу кои и генералниот секретар на претседателот на Република Србија, Никола Селаковиќ, и членот на Претседателството на БиХ, Милорад Додик.

Спасовски во своето обраќање истакна дека делото на свети Сава инспирира и осум века по неговата смрт.

„Свети Сава е втемелувач на самостојната Српска православна црква и нејзин прв архиепископ и основач на царската лавра во манастирот ‘Хиландар’ на Света Гора Атоска. Тој е просветител, основач на училишта и болници, дипломат, пишувач на првите закони во државата српска. Свети Сава е молитвен застапник на сите што преку него побарале помош од Бога, посредник и помирител меѓу раскараните браќа и народи. На овие негови вредности овој свет човек повикува и денес. Неговите пораки се толку силни и толку потребни и во денешно време. Затоа е многу важно кога го славиме и кога повикуваме на практикување на неговото дело и самите да бидеме пример и да ги применуваме неговите големи пораки“, рече Спасовски.

Премиерот истакна дека Владата креира и спроведува политики што манифестираат грижа за заедницата на Србите во нашата земја.

„Српскиот јазик е службен јазик во општините Куманово и Старо Нагоричане. Владата лани донесе одлука да се изучува српскиот јазик како факултативен во основните училишта. Тимот што работеше на програмата за изучување на српскиот јазик ја заврши работата и таа е предадена на натамошна постапка во Бирото за образование. Се работи и веќе при крај е и програмата за четврто одделение во основно образование. Тоа се постапки и дела на оваа Влада, кои претходно не беа познати“, рече Спасовски.

Додаде дека во Општина Центар во Скопје,во тек е расправата на детаљниот урбанистички план, во кој се предвидени објекти за современ културен центар за српската заедница и ново училиште, кое предвидува паралелки во кои ќе се учи на српски јазик во согласност со образованите програми што се подготвуваат.

За кратко време, најави премиерот, ќе биде пуштена јавна анкета и за Малиот ринг, каде што ќе се наоѓа новата амбасада на Република Србија и уште еден простор за промоција и афирмација на културните традиции на Србите во Северна Македонија.

„Така се гради заедништвото денес: Со почит кон традициите на сите“, заклучи Спасовски во своето обраќање.

Прикажи повеќе...

Македонија

(Видео) Поранешни вработени во „Охис“: Во фабриката има остатоци од опасна жива

Објавено пред

Поранешни вработени во фабриката „Охис“ тврдат дека во кругот на фабриката има опасна жива како остаток од работењето на некогашниот дел од погонот за електролиза.

Тие го актуализираа ова прашање на дебатата во Општина Кисела Вода, на која се одржа трибина за дислоцирање на опасните хемикалии од „Охис“.

Ефтим Мајсторовски, пензиониран работник од фабриката, изјави дека имало студија уште во 2009 година, која покажала дека живата ја има во кругот на фабриката, а не била исклучена можноста таа да понирала во земјата и во подземните води.

Посочи дека дилемата за постоењето жива во кругот на фабриката треба да ја дадат анализите на надлежните институции.

„Како резултат на истражувањата што беа направени тогаш, знаеме дека живина технологија се користеше во објектот за електролиза и постои можност да ја има во земјата под целиот овој објект. Анализите покажаа дека живата мигрирала во подлабоките слоеви на почвата, т.е. подлабоко од 20 метри, но и надвор од погонот. Во таа студија беше посочено дека постои опасност да биде зафатено земјиштето сè до кејот на Вардар, а земјата загадена и непогодна за земјоделски култури“, рече Мајсторовски.

Според стечајниот управник на фабриката, Маринко Саздовски, во кругот на „Охис“ немало жива како опасна материја за отстранување.

„Според документацијата што ја попишав, дојдов до податок дека нема жива како опасна материја за уништување, освен наведените 11 хемикалии што ги отстранува фирмата „Екоцентар 97“. Тоа е што јас го имам како податок“, рече Саздовски.

Присутните во салата не беа задоволни од одговорот и довикува, „Има жива, како нема жива“, но молчат и не кажуваат. Беше прозвана и фирмата „Екоцентар“, која ја доби концесијата да го исчисти опасниот отпад од кругот на „Охис“. Но, нивниот претставник потврди дека во проектот за отстранување штетни хемикалии ова материја ја нема на списокот.

„Во мојот проект не постои и не сум надлежен за таа материја“, одговори кусо Владо Момировски од „Екоцентар 97“.

Вработениете го тврдеа спротивното. Ги повикаа надлежните институции да направат анализа за неколку погони во кругот на фабриката посочувајќи дека постои опасност од еколошка катастрофа. На дебатата што ја организира Општина Кисела Вода немаше претставник од Министерството за екологија иако претходно беше најавено присуството на заменик-министерот Јани Макрадули.

Прикажи повеќе...

Македонија

Царовска во Полска: Владата има цврста определба да се сочува вистината за холокаустот

Објавено пред

Во присуство на преживеаните од нацистичкиот концентрационен логор „Аушвиц-Биркенау“ и стотици официјални лица од многу држави во Европа и светот, денес на местото на поранешниот логор во Република Полска беше одбележан Меѓународен ден на сеќавање на жртвите од холокаустот, кој со одлука на Генералното собрание на ООН е утврден да се одбележува на 27 јануари.

На комеморацијата со која се одбележа 75-годишнината од ослободувањето на германскиот нацистички концентрационен логор „Аушвиц-Биркенау“, а на која свое обраќање имаше и претседателот на Република Полска, Анджеј Дуда, присуствуваше и официјална делегација од земјава, предводена од вицепремиерката задолжена за економски прашања, Мила Царовска, а придружувана од претставник на Еврејската заедница од нашата земја.

По обраќањето на лретседателот Дуда, главното обраќање на комеморацијата го имаа преживеаните лица од Аушвиц, кои ги раскажаа горчливите искуства и повикаа на разум вакви трагедии никогаш повеќе да не се случат.

Министерката Царовска рече дека оваа огромна човечка трагедија е врежана во нашата колективна меморија.

„Со одбележувањето на овој ден се потсетуваме на сите жртви на холокаустот, а помеѓу нив се над 7.000 Евреи од Скопје, Битола и од Штип, кои во март и април 1943 година беа депортирани и убиени во нацистичкиот концентрационен логор Треблинка. Оваа огромна човечка трагедија е врежана во нашата колективна меморија, нè потсетува дека не смееме да дозволиме никогаш повеќе да се повтори. Токму затоа Владата на Република Северна Македонија посветено работи и има цврста определба на сочувувањето на сеќавањата и вистината за холокаустот. Се бориме и ќе продолжиме да дејствуваме против каков било вид дискриминација, спречување на говорот на омраза, превенирање и спречување на расизмот и на сите други форми на кршење на човековите права“, истакна Царовска по одржаната комеморација за изгубените човечки животи во концентрациониот логор.

Прикажи повеќе...

Најново

Македонија10 часа

(Видео) Поранешни вработени во „Охис“: Во фабриката има остатоци од опасна жива

Поранешни вработени во фабриката „Охис“ тврдат дека во кругот на фабриката има опасна жива како остаток од работењето на некогашниот...

Топ12 часа

Тело на 60-годишна жена извлечено од водите на Вардар

Телото на 60-годишна жена било извлечено од реката Вардар во Скопје. „Вчера, во СВР Скопје било пријавено дека во водите...

Македонија13 часа

Град Скопје објави итни мерки и препораки поради загадувањето

Бесплатен јавен превоз, запирање на градежните работи и поскапен паркинг се дел од итните мерки од надлежност на Град Скопје,...

Македонија14 часа

Во Скопје и Тетово надминат прагот на загадување, стапуваат на сила препораките на Владата

Според податоците од Државниот автоматски мониторинг-систем за квалитет на амбиенталниот воздух и добиената временска прогноза од Управата за хидрометеоролошки работи,...

Македонија15 часа

(Видео) Стефанова: Дејствијата на Јанева нанесоа огромна штета на СЈО

Дали Катица Јанева е виновна за кривичното дело што се суди, ќе си одлучи судечкиот совет што ја води оваа...

Економија16 часа

Горивата поевтинуваат

Од ноќеска на полноќ горивата ќе поевтинат за половина, односно за еден денар, соопшти Регулаторната комисија за енергетика и водни...

Македонија16 часа

Јанева отстранета од судница, на Стефанова ѝ се обрати со зборовите: „Гомнарке, ороспијо“

Судијката на рочиштето за „Рекет“ нареди да се отстрани поранешната шефица на СЈО Катица Јанева од судницата, откако таа почна...

Македонија16 часа

Вработен во ФЗОМ: Мајката на Тамара не сакаше да го подигне одобрението за лекување

Бранко Хаџигогов, вработен во Фондот за здравство, кој денеска  сведочеше за лекувањето на малата Тамара, потенцираше дека решение за лекување...

Македонија16 часа

Сведочење за „Рекет“: Чифлиганец и Савова се обидувале да влијаат врз истрагата за Камчев и Мијалков

Ванчо Чифлиганец, сопственикот на градежната компанија Адора инжинеринг, бил кај обвинителката Лиле Стефанова за да се интересира за предметот „Империја”,...

Свет17 часа

Објавена аудиоснимка од последниот разговор на пилотот на Коби Брајант и контролата на летање

На интернет е објавена аудиоснимка од последниот разговор меѓу пилотот на хеликоптерот со кој загинаа кошаркарот Коби Брајант, неговата 13-годишна...

Македонија18 часа

Стефанова: Јанева се однесуваше како да е адвокат на Панделески

Обвинителката Лиле Стефанова на денешното сведочење за случајот „Рекет” рече дека ексшефицата на СЈО Катица Јанева телефонски и се заканувала...

Македонија19 часа

(Видео) Стефанова: Чудно беше како Камчев знаеше дека ќе му вршиме претрес

Обвинителката од поранешното СЈО Лиле Стефанова денеска сведочи пред кривичниот суд за случајот „Рекет” каде обвинети се Бојан Јовановски –...

Свет19 часа

(Видео) Авион со 150 патници се излизга од пистата и излета на улица

Ирански патнички авион со 150 патници се излизга од писта и излезе на улица во јужниот град Махшар, откако се...

Свет19 часа

ФБИ почна истрага зошто хеликоптерот на Коби Брајант летал во услови на магла

ФБИ го истражува местото на несреќата каде што се урна хеликоптерот со НБА-играчот Коби Брајант, неговата ќерка и уште седум...

Свет20 часа

Калифорнија: Ќе бидат потребни неколку дена за да се извлечат телата од непристапниот терен каде што се урнал хеликоптерот

Властите во округот Лос Анџелес соопштија дека може да потрае неколку дена за да се извлечат телата од местото на...

Свет20 часа

Рик Фокс е жив, не бил во хеликоптерот со Коби Брајант

Откако бројни американски медиуми објавија дека заедно со кошаркарот Коби Брајант во хеликоптерската несреќа загинал и неговиот поранешен соиграч од...

Свет20 часа

Најмалку 80 починати од коронавирусот, а околу 3.000 лица се заразени

Бројката на починати од коронавирусот во Кина се искачи на 80, а речиси 3.000 лица се заразени. Во обид да...

Свет21 час

(Видео) Лошото време и густата магла се можна причина за несреќата во која загина Коби Брајант

Лошото време и густата магла, но и низа грешки на пилотот се најверојатно причините за страшната несреќа во која синоќа...

Спорт1 ден

Полицијата тврди дека имало девет лица во хеликоптерот, именувани само Коби и неговата ќерка

Полицијата на Лос Анџелес на официјална прес-конференција даде првични детали за хеликоптерската несреќа во која загина НБА ѕвездата Коби Брајант....

Спорт1 ден

Спортскиот свет во шок и неверица по смртта на Коби, фановите се собираат пред „Стејплс центарот“

Голем број на спортисти, спортски клубови, славни личности и многу обични луѓе на социјалните мрежи реагираа со неверување и со...

Досие