Македонија
Изграден нов паркинг-простор и почеток на нови инфраструктурни проекти во општина Аеродром

Инвестициите во инфраструктурата сериозно ја менуваат сликата на Аеродром и го олеснуваат урбаното живеење во општината. Општина Аеродром ги препознава потребите на граѓаните, а инвестициите во капитални и инфраструктурни проекти се одговор на најважните локални предизвици со кои се соочуваа тие.
Во рамките на градежната офанзива во текот на овој месец финализира изградбата на нов паркинг-простор со капацитет од 60 паркинг-места наменет за граѓаните во Мичурин и Стар Аеродром, а во следниот период ќе почне реализацијата на ваков проект на уште две локации во Аеродром.
Општината останува отворена за потребите и барањата на граѓаните. Следува период на интензивни инвестиции, кои ќе бидат чекор кон поубава општина со нови училишта и градинки, современа инфраструктура, нови паркови и зеленило и нов плоштад во Аеродром.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ВМРО-ДПМНЕ: Неспособните Ковачевски и Спасовски пет месеци не можат да ги откријат дојавувачите за бомби

Ситуацијата со лажните дојави за бомби е алармантна, а МВР веќе пет месеци не може да ги открие сторителите. Нови 33 дојави за лажни бомби во училиштата низ Македонија покажуваат дека безбедносниот систем е целосно девастиран. МВР и Спасовски ништо не работат, обвини ВМРО-ДПМНЕ.
„ Пет месеци по ред Македонија е мета на лажни дојави, а Оливер Спасовски не само што не може да најде кој ги испраќа, туку не понел ниту одговорност. Згора на тоа месеци наназад голем број на јавни објекти, скопскиот аеродром, Железничка станица, трговски објекти, државни институции се под закана за бомби.
Владата, Ковачевски и Спасовски се неспособни да обезбедат ниту мир, ниту пак да гарантираат за безбедност на граѓаните и државата. Цела ситуација предизвикува страв и паника не само кај учениците и нивните родители, туку и кај сите граѓани. Наместо во училишни клупи, учениците на минусни температури се надвор додека МВР ги проверува училиштата.
Нема учебници, но затоа има лажни дојави за бомби. Се губи настава, а министерот за образование Јетон Шаќири наместо да кажува дека изгубените часови ќе се надоместат, да побара од својот колега Спасовски да открие кој стои позади овие лажни дојави за бомби“ велат од партијата.
Оттаму ја критикуваат Владата дека не може да обезбеди еден ден сигурност, но затоа, како што наведуваат, обезбедува милионски суми и криминал од сомнителни тендери и бизнис зделки. Ако не знаат како да управуваат со институциите и државата, тогаш ајде на предвремени парламентарни избори, порачаа од ВМРО-ДПМНЕ.
Македонија
Нов обид да ѝ се суди на кумановката Филиповиќ која го прегази дедото во Скопје

Нов обид да започне судењето за од сообраќајката на мостот „Гоце Делчев“ каде загина 76-годшниот Слободан Ангеловски, ќе има денеска во Кривичниот суд. Откако првото рочиште се одложи, по половина месец, на обвинителна клупа повторно седнува возачот Гордана Филиповиќ која го управуваше возилото „БМВ Х5“. Таа е и мајка на кумановката Јелена која имаше 17 години, а пред три години загина во сообраќајна несреќа.
Овој предмет го суди судијката Елена Илиевска Јосифовиќ, која претходно донесе осудителни пресуди за убиството на Денис Тот.
Претходното рочиште за сообраќајката на мостот „Гоце Делчев“ која се случи пред девет месеци се одложи бидејќи адвокатот на обвинетата Филиповиќ беше на друго, поважно судење. До Кривичниот суд е доставено и сообраќајно вештачење од Филиповиќ, кое треба да послужи како нејзина одбрана во процесот.
На денешното рочиште ќе се одреди динамиката на судењата и ќе се закажат нови расправи.
Македонија
Без вода делови на Карпош

Поради технички интервенции на водоводната инсталациска мрежа денеска без водоснабдување од 09,00 часот ќе бидат корисниците од о. Карпош, од следниве улици: Дрезденска, Алжирска, Каирска, Борка Талевски, дел од Њуделхиска, Римска, Бахар Моис, дел од Анкарска, дел од Атинска, Панче Пешев и Наум Евро.
Водоснабдувањето ќе биде прекинато од 09:00 часот до завршување со санација на дефектот