Македонија
(Интервју) Арбен Таравари: Уставот ни е крпен, треба да се направи устав што ќе биде прифатлив
![](https://makfax.com.mk/wp-content/uploads/2022/11/314477830_1143841799595026_9219750964911840335_n-1.jpg)
Алијанса за Албанците ќе учествува на лидерската средба што ја свика премиерот Димитар Ковачевски со лидерите на парламентарните партии, а која треба да се одржи в понеделник во македонскиот парламент. Одлуката во интервју за „Макфакс“ ја потврди в.д. претседателот на партијата Арбен Таравари.
„Ја прифативме лидерската средба со Ковачевски, имавме заеднички став дека треба да се оди. Ќе одиме, ова е битен момент за државата. Ние ќе бидеме во ЕУ, но дали ќе бидеме до 2030 или до 2050 година зависи од нас и затоа треба да се катализираме и како политички субјекти да помогнеме што побргу да влеземе во ЕУ“, вели Таравари во интервјуто.
Оценува дека во моментов од помош може да ни е и руската агресија врз Украина, која, како што додава, може да го забрза евроинтегративниот процес. Затоа порачува дека сега не е моментот за делба меѓу политичките партии сè додека трае скрининг-процесот.
„Не би сакал некој да ме нарекува по бројот на личната карта или по некој процент. Албанскиот јазик во Уставот се нарекува јазик којшто го зборуваат над 20 проценти од населението и кој што е поразличен од македонскиот. Што пречи ако во Уставот стои: официјални јазици во Mакедонија се македонскиот и албанскиот јазик. Но некој сака да направи конспирација“, додава Таравари.
Според него, Уставот е крпен и, како што додава, треба да се седне и да се направи устав што ќе биде прифатлив.
„Нека си стои Бадентер додека ни треба, кога нема да ни треба ќе направиме граѓански устав“, вели Таравари.
Дали се подготвува нова т.н Тиранска платформа, дали Алијанса за Албанците е подготвена да седне во Влада, зошто најавениот сет на мерки пред отворањето на Уставот се чува во тајност, во интервју за „Макфакс“ одговара в.д. претседателот на Алијанса за Албанците, Арбен Таравари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.