Контакт

Дијаспора

Иселеничка средба на Реканци во Турција

Објавено пред

Во турскиот град Измир, општина Борнова, каде што живеат голем број иселеници од Македонија, се одржа традиционалната Иселеничка средба на сегашни и некогашни жители на најголемото село во Река, Скудриње.

Средбата и оваа година ја организира здружението „Макиттурк“ од Скудриње, како и здружението од Борнова „Македонија Дебре култур“, кое ги негува традициите на иселениците од Река, и на истата присуствуваше и градоначалникот на општина Маврово и Ростуше, Медат Куртовски. Средбата на иселениците почна со посета на општината Борнова, како и Здружението на иселениците од Македонија во Турција, по што следеше кулутурно-уметничка програма на која учествуваа ансамблот „Mајовци“ од Дебар, интерпретаторите на македонската народна музика Благоја Грујовски и Емрах Мехмеди, како и ансамбли на наши иселеници во Турција. Иселениците во Борнова потоа имаа можност да се сретнат со своите роднини и пријатели дојдени од нивниот роден крај, при што искажаа задоволство од овие традиционални средби.

Општината Маврово и Ростуше и општината Борнова од градот Измир имаат одлична соработка. Семејствата на иселениците и понатаму ги одржуваат силни врските со своите роднини кои пред неколку децении заминаа во Турција. Во Борнова, Маниса, Адапазар, Измит, Истанбул и други градови денеска живеат неколку илјади иселеници од Македонија, меѓу кои и од Долна Река. Градоначалникот на општина Маврово и Ростуше, Медат Куртовски, изјави дека на Денот на општината Маврово и Ростуше, 4 Мај, во Ростуше на свеченоста ќе престојува и делегација на локалната власт од Борнова, Турција.

К.М.

Daily news

Протест на Албанци од Македонија во Драгот

Објавено пред

(Фото: Експрес)

Група Албанци од Македонија денеска протестираа против подигањето гробишта на грчки војници во местото Драгот кај градот Тепелена.

Косовскиот весник „Експрес“ пишува дека групата Албанци од Македонија заедно со неколку невладини организации од Албанија и Косово побара од официјална Тирана да не го применува договорот што е постигнат помеѓу министрите за надворешни работи на Албанија и Грција, Дитмир Бушати и Никос Коѕијас, за изградба на гробови на грчки војници во Албанија.

За време на викендот на средбата што ја одржаа во Корча шефовите на дипломатиите на Албанија и Грција покрај другото постигнале согласност Албанија да дозволи изградба на гробишта на паднати грчки војници во јужниот дел на Албанија.

КМ

Прикажи повеќе...

Daily news

ОМО „Илинден“ – ПИРИН тврди дека е цел на злоупотреби

Објавено пред

Претседателството на ОМО „Илинден“ – ПИРИН тврди дека е злоупотребено од страна на почесен член на здружението и негира дека присуствувале на средба со „Семакедонскиот национален совет  – Македониум“, чиј претседател е Спас Олумчев, на 29 номеври во Струмица.

„Делегација на Претседателството, а ниту некој член на Претседателството на ОМО „Илинден“ – ПИРИН, не присуствувала на таква средба. Партијата ниту е известена за решенијата за кои се спомнува во информацијата ниту ги има дискутирано или одобрувано. Стојан Георгиев, чие име се спомнува во соопштението, се јавува како почесен претседател, но не и член на Претседателството. Титулата му дава само почесни, а не и ефективни функции, освен ако специјално не биде ополномоштен за нешто повеќе од Централниот совет или Претседателството на партијата. Никој од овие два највисоки органа на партијата не го има ополномоштено во случајот, а ниту се известени од него да учествува и да потпишува некакви решенија во Струмица. Според тоа, дури и да присуствувал на таква средба, тоа не било како претставник на ОМО „Илинден“ -ПИРИН, туку единствено како приватно лице“, се вели во соопштението.

Претседателството на ОМО „Илинден“ – ПИРИН го изразува својот револт од злоупотребата со името на партијата.

Прикажи повеќе...

Daily news

Пратеници на ВМРО-ДПМНЕ: Пет заменици на генералниот секретар, уште еден непродуктвен трошок на СДСМ

Објавено пред

За пратениците на ВМРО-ДПМНЕ, именувањето пет заменици на генералниот секретар на Собранието е уште еден непродуктивен трошок од народните пари. Изборот на толкав број заменици на генералниот секретар е направен нетраспарентно, со меѓупартиски договор за креирање нови ребони места за коалициските партнери, порачаа пратениците на опозицијата. Тие додаваат дека оваа постапка треба да се стопира и, наместо пет, да останат двајца заменици на генералниот секретар.

 

„Ветивте намалување на непродуктивните трошоци и департизација на институциите, а вие го правите токму спротивното. Доста ни е веќе од вашиот вокабулар, доста го одложувавте животот. Тројца заменици се повеќе од доволно. Бараме јавен оглас и јасни критериуми за избор. Бараме да се стопира оваа постапка со која секоја партија од оваа кревко мнозинство ќе си удоми по еден заменик на функција“, рече пратеничката од ВМРО-ДПМНЕ, Нола Исмајловска-Старова.

 

Пратениците на СДСМ, пак, сметаат дека е оправдан изборот на пет заменици затоа што се утврдило дека се зголемил обемот на работа на генералниот секретар.

 

„Зборувате дека пет заменици на генералниот секретар се многу, тогаш да ве прашам дали е во ред формирањето десет пратенички групи, со десет координатори, а да не го заборавиме и координаторот над координаторите.

Се загриживте дека ќе се правеле трошоци, а не бевте загрижени кога вашите координатори бараа по десет паузи и ја запираа работата на Собранието во недоглед“, рече пратеничката на СДСМ, Славица Шуманска-Митевска.

 

По завршувањето на расправата по предлог-одлуката, Собранието го разгледа и поднесениот амандман од пратениците на ВМРО-ДПМНЕ Димитар Стевананџија и Зоран Илиоски, но не се изјасни по него затоа што претседателот Талат Џафери утврди дека нема услови за гласање, односно немаше 61 пратеник во салата. По него и по одлуката за именување заменици на генералниот секретар, пратениците ќе се гласаат на седницата на 24 ноември.

 

 

Прикажи повеќе...

Најново

Вести5 часа

Историска победа за правото на абортус во Ирска

Изборни комисии во Ирска денеска ги потврдиле резултатите од изборната анкета по референдумот во Ирска. Резултатите покажуваат голема победа на...

Свет11 час

Лидерите на двете Кореи се сретнаа на границата без претходна најава

Лидерот на Северна Кореја, Ким Џонг-ун и лидерот на Јужна Кореја, Мун Џае-ин изненадно се сретнаа во пограничниот град во...

Македонија12 часа

(Видео) ВМРО-ДПМНЕ бара половина влада да поднесе оставка за неспроведување на реформите

Министерот за надворешни работи Никола Димитров, вицепремиерот за европски прашања Бујар Османи, министерот за финансии Драган Тевдовски и за внатрешни...

Надворешна политика15 часа

Владата тврди дека мнозинството е за влез на Македонија во ЕУ, Франција и Холандија подготвиле „нон пејпер“

Мнозинството земји членки на ЕУ го поддржуваат почетокот на преговорите со Македонија, после решавање на спорот со Грција, тврдат од...

Македонија15 часа

Кукаст крст на споменикот на Тито во Куманово, градоначалникот бара да се пронајдат сторителите

Кукаст крст и погрдни зборови синоќа осамнаа на спомен обележјето на споменикот на Јосип Броз Тито на плоштадот во Куманово....

Свет16 часа

(Фото) Нова ерупција – 10.000 метри пепел и чад од вулканот на Хаваите

Официјалните лица истакнуваат дека на Хаваите дошло до уште една ерупција на вулканот Калауеа, пришто се создал облак од чад...

Македонија16 часа

Два земјотреси синоќа во Охридско-преспанскиот регион

Серија земјотреси во охридско преспанскиот регион синоќа регистрираше Сеизмолошката опсерваторија при Природно-математичкиот факултет во Скопје. Епицентрите на земјотресите се наоѓаат...

Надворешна политика1 ден

Ладен туш за почеток на преговорите за влез во ЕУ – „нон пејпер“ за Македонија

Макфакс од извори во Брисел дојде до „нон пејпер“ во кој некои земји членки на ЕУ ставаат рампа на почетокот...

Македонија1 ден

(Видео) Нимиц: Нема конечно решение за името, двете страни ќе продолжат со работа

На средбите во Њујорк не е постигнато конечно решение за спорот со името, но двете страни ќе продолжат со работа...

Македонија1 ден

Заев се сретна со Папата: Кирил и Методиј се темел за врските меѓу Македонија и Ватикан

Светите браќа Кирил и Методиј се силни темели за историските врски меѓу Република Македонија и Ватикан. Ваков е заклучокот од...

Македонија1 ден

Каруселот од плоштад преместен во паркот кај авионот во Аеродром

Од плоштадот во центарот на Скопје, вртелешките и возот се преместени во паркот кај авионот во населбата Аеродром. Реквизитите се...

Македонија1 ден

Ципрас: За Грција ќе биде голема победа ако има одредница пред името Македонија

Премиерот на Грција, Алексис Ципрас, ги оценил денешните преговори за името во Њујорк како критични и чувствителни и рекол дека...

Македонија2 дена

Џафери: Груевски е во психолошка криза

Претседателот на Собранието , Талат Џафери, во интервју за српската Н1 телевизиjа запрашан за неговиот личен однос со експремиерот Никола...

Европа2 дена

Долгоочекуваната уредба на ЕУ за заштита на личните податоци стапи на сила

Од денеска стапи на сила општата уредба на Европската Унија за заштита на личните податоците која Европскиот Парламент ја усвои...

Вести2 дена

Објавено видео од уништувањето на полигон за нуклеарни проби во Северна Кореја

Северна Кореја, во присуство на странски новинари, уништи полигон кој тврди дека служел за нуклеарни проби. Дописникот на „Раша тудеј“...

Вести2 дена

Ким му одговори на Трамп

По одлуката на американскиот претседател, Доналд Трамп, да ја откаже историската средба со лидерот на Северна Кореја, од Пјонгјанг соопштиле...

Македонија2 дена

Продолжуваат преговорите за името во Њујорк

Министрите за надворешни работи на Македонија и на Грција, Никола Димитров и Никос Коѕијас, денеска во Њујорк треба да ги...

Македонија2 дена

Пoсебен сообраќаен режим во Скопје поради празникот Задушница

По повод верскиот празник Задушница денеска како и во деновите од викендот (25/26 и 27.05) во периодот од 06 до...

Македонија2 дена

Заев на аудиенција кај папата Франциско

Премиерот Зоран Заев и придружната владина делегација денеска ќе присуствуваат на аудиенција кај папата Франциско во апостолската палата во Ватикан....

Свет2 дена

Трамп го откажа состанокот со Ким

Претседателот на САД, Доналд Трамп ја откажа средбата со севернокорејскиот лидер Ким Џонг-ун, планирана за на 12 јуни, соопшти Белата...

Досие