Македонија
ИNOVAтивни подароци за Денот на вљубените

Денот на вљубените е на повидок! Повеќето од вас сигурно веќе размислувате што би им подариле на вашите партнери или драги личности. Одбирањето на соодветен подарок може да биде стресно и да ви одземе многу време, особено доколку немате целосна идеја што сакате да подарите.
Но, нема потреба за загриженост! Тимот од Nova Office е тука да ви предложи неколку порадоци кои со сигурност би и се допаднале на вашата сакана личност.
Најдоброто од сé е што можете да купите сé што ќе ви се допадне од удобноста на вашиот дом, бидејќи преку онлајн продавницата Super Nova, можете да ги нарачате вашите омилени производи и истите да ви бидат доставени до вашата врата веќе следниот ден.
РАНЕЦ ЗА ЛАПТОП
Ранец за лаптоп е подарок кој истовремено е модерен и функционален. При избор на ранец за лаптоп, покрај големината, потребно е да се одлучите за бојата, дополнителните аксесоари како приклучок за полнач, простор предвиден за слушалки, можност за заклучување, број на прегради и секако, една од најважните работи:добра анатомска потпора. За среќа, Nova Office има голем избор на ранци за лаптоп кои ги вклучуваат сите овие карактеристики, а ваше е само да одберете.
ЗА ФИЛМСКИ ФАНАТИК
Доколку вашиот парнер е голем филмски фанатик, ги чека сите продолженија од филмските серијали и ужива во нивното гледањe , тогаш најдобриот подарок, кој со сигурност ќе му се допадне е ташна од филмските серијали Star Wars, Back to Future или Matrix. Овие брендирани ташни се официјални лиценцирани производи и се многу практични за носење на рамо.
ЗА ГЕЈМЕР
За вистинските љубители на видео игри, секогаш е добра идеја да им подарите нешто што ќе ги подобри нивните перформанси. Доколку вашиот партнер е гејмер,можете да му подготвите гејминг сет од слушалки, маус, подлога и тастатура или пак да му подарите џојстик.
За фановите на играта The Legend of Zelda, на нашата интернет продавница може да купите столна ламба во форма на The Gold Triforce или пак да купите привезок за клуч со ликот на Cthulhu од играта „The call of Cthulhu’.
ПАМЕТЕН ЧАСОВНИК
Паметните часовници се новиот моден тренд, бидејќи покрај тоа што изгледаат шик, ќе ви помогнат да ја постигнете вашата фит цел и да го подобрите здравјето. Можете да одберете спортски стил или класичен, за секојдневна употреба, во зависност од преференциите на вашиот/та партнер/ка.
BLUETOOTH ЗВУЧНИК
Од изминатата година, повеќе време поминуваме во нашите домови, па често ни недостасува забава. Со купување на модерен Bluetooth звучник како подарок, ќе можете да се забавувате заедно со партнерот/ката дома! Овие звучници се поврзуваат и се контролираат од вашиот мобилен телефон и даваат поинакво доживување на секоја песна, правејќи ја неодолива за танцување.
ДРУШТВЕНА ИГРА
Друштвените игри се одлучен начин за забава и супер подарок за секого, особено во овој период кога дружбите со најблиските пријатели се најчесто во домашна атмосфета. Направете го секое дружење незаборавно и одберете ја друштвената игра која најмногу ви одговара.
Се надеваме дека ви помогнавме во изборот на подарок и дека преку нашите производи ќе изнудиме насмевка на вашите лица и лицата на оние на кои им ги подарувате.
И за крај запомнете, секој подарок подарен од срце е добар подарок
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Филипче: Мицкоски е скапо платен спроведувач на интересите на држави кои не ѝ мислат добро на Македонија

За една година ВМРО-ДПМНЕ ја заглави државата на меѓународен план, станавме држава заложник на туѓи интереси, кажа претседателот на Социјалдемокртаскиот сојуз на Македонија, Венко Филипче, на вечерашната трибина „Мугра на Слободата“, во Крушево.
Тој рече дека Владата на ВМРО ДПМНЕ од држава со јасна иднина напред, ја направи држава заложник на туѓи интереси.
„За една година ВМРО-ДПМНЕ ја заглави државата на меѓународен план. Од држава со јасна иднина напред, станавме држава заложник на туѓи интереси кои што ја раководат оваа власт преку финансиско заложништво. Мицкоски е скапо платен спроведувач на политики на држави кои не и мислат добро на Македонија, туку ја гледаат само како поле за своите геостратешки интереси“, рече Филипче.
Тој обвини дека Мицкоски со новите задолжувања направил вистинско предавство на интересите на државата.
„Долговите од 7 милијарди евра ќе бидат камен околу вратот за секој млад човек и за развојот на државата во следните 10 години. Ова е вистинско предавство на националните интереси, вистинско предавство на државата“, рече Филипче.
Во обраќањето пред присутните граѓани во Крушево, Филипче рече дека премиерот Мицкоски ја турка Македонија во амбисот на криминалот, корупцијата, самоволието, киднапирајќи ја европската иднина за државата.
Македонија
(Видео) Филипче: Димитриевски му слугувал на Мицкоски за да се спаси од политички прогон

На вечерашната граѓанска трибина „Мугра на слободата“ која се одржа во Крушево, претседателот на СДСМ, Венко Филипче, во своето обраќање рече дека кумановскиот градоначалник Миксим Димитриевски му слугувал на Мицкоски за да се спаси од политички прогон.
„Максим Димитриевски конечно се потврди за што е влезен во коалиција со Мицкоски и која беше неговата цел. Не била само поделбата на СДСМ. Негова цел била да се спаси од правен прогон. Скандалозно е и преседан е во судството на само еден ден од носење на пресуда обвинението против него да се повлекува. И ова е јасен знак дека тој е политички заштитен од Христијан Мицкоски и дека е сега негов вечен должник. Јасно е зошто тројанскиот коњ Димитриевски беше задолжен да го дели СДСМ. Сега повеќе никој не му верува“, рече Филипче.
Оценувајќи ги меѓупартиските релации, тој во своето обраќање партиите ВМРО-ДПМНЕ и ЗНАМ ги нарече колаборациоалисти.
„ВМРО-ДПМНЕ и нивниот привезок ЗНАМ се колаборационисти. Со години лажат и шират хистерија дека тие ќе се „бореле со Бугарите“, а впрочем тие се тоа. Нема кој нема бугарски пасош од нив и не е проблем да имаш бугарски пасош, од било која причина – економска, социјална или лична – но лицемерно е да се правиш патриот дека ќе се бориш против „бугарски диктат“ а да имаш фирми во Бугарија, државјанства, и разни други интереси. За нив може ЕУ, за другите не може“, рече Филипче.
Македонија
Мицкоски: Ќе воведеме обврска институциите да одговорат на барањата на граѓаните, задолжително и во најбрз рок

Ќе воведеме обврска институциите да одговорат на барањата на граѓаните, задолжително и во најбрз рок, најави премиерот и претседателот на ВМРО-ДПМНЕ Христијан Мицкоски на денешната трибина во Струмица насловена „Една година ги градиме темелите на македонското земјоделство и храна“.
„Свесен сум дека мора да направиме и многу други работи. И работиме на тоа. Мора да се знае дека граѓаните ќе бидат на прво место. Затоа предвидуваме гаранција за услуга, во рок од 5 дена во сите општини и институции. Тоа нема да биде желба , туку закон. Секој граѓанин ќе добие одговор. Навреме, точно и без чекање. Ќе воведеме нова услуга каде администрацијата, за првпат, ќе биде таа што ќе го бара граѓанинот, а не спротивно. Ставаме крај на молкот, одложувањата и бирократската ароганција. Ќе обезбедиме гарантиран максимум на чекање во институциите. Ќе постојат јасни граници и секое прекршување ќе се казнува. Почит за времето на граѓанинот ќе биде основна вредност на новата јавна администрација. Ќе воведеме Јавна листа со времиња на чекање по сите здравствени установи. Транспарентноста ќе стане стандард, пациентите ќе знаат каде ќе добијат најбрза услуга“, кажа Мицкоски.
Тој истакна дека во образованието ќе се воведе предмет за изучување на вештачката интелигенција.
„Воведување предмет за изучување на вештачка интелигенција во образованието. Нема повеќе да учиме само за минатото, ќе ги подготвиме генерациите за иднината, за новата економија, за дигиталната ера што веќе тропа на вратата. Ова е визијата што ја градиме“, посочи Мицкоски.