Контакт

Македонија

(Видео) Калајџиев: СЈО се мисли дали ќе ги предаде предметите на ЈО

Објавено пред

Републичкото обвинителство е подготвено да ги прифати предметите, а СЈО сè уште се мисли дали ќе ги предаде бидејќи правниот основ за предавање на тие предмети е проблематичен. Мене ако ме прашате, како професор по право, мислам дека  предметите не можат да бидат предадени и мислам дека дополнително ќе се искомплицираат работите со тоа што ќе им се даде дополнителен основ на одбраната и адвокатите да ja оспоруваат правната издржаност на оваа трансформација, вели универзитетскиот професор Гордан Калајџиев по денешните консултации по писмото на обвинителката Катица Јанева за префрлање на предметите од СЈО во ЈО.

Калајџиев смета дека министерката за правда разговара во име на СДСМ, а не како прв човек на Министерството, што, според него, ги става другите е учесници во незгодна ситуација, а тоа е да бидат советници на партијата на власт.

„Во дадената ситуација каде што министерката во име на политичка партија разговара за судбината на СЈО со друга политичка партија, нашата улога е многу незгодна. Излегуваме како советници на една партија бидејќи немаме контакт со идеите и претставниците на ВМРО-ДПМНЕ. Излегуваме како консултанти кои би дале тежина на претставниците на СДСМ коишто прегоараат партиски, а не како министерство за правда. Групата би требала да работи без партиски влијанија. Мојот предлог беше, кој најверојатно нема да помине, политичките партии да ја остават работната група да излезе со професионален концепт, а не амандмански на политичките партии. Од верзијата на работната група има многу малку останато. Јасно е дека е донесена одлука да згасне СЈО без да видиме која е вистинската причина за тоа. Тука не се изјаснува ниту меѓународната заедница. На состанокот имаше претставници од американската амбасада, имаше претставници и на СЈО сите излегоа низ задниот влез, треба и нив да се прашаат бидејќи се фактори. Не беше моја идеја да се формира СЈО, беше идеја на американската амбасада. Во кој момент сега се откажаа, не знам“, вели Калајџиев.

Според професорот, во овој момент се прават обиди законот за обвинителство да биде донесен тукутака со сосема друга позадина, далеку од првичната идеја за продолжување на работата на СЈО. Тој исто така вели дека некој треба да одговара затоа што сè уште не е избран нов специјален јавен обвинител.

„Не е идејата сега да се бутка законот за обвинителство како наслов, идејата беше со тој закон да се обезбеди СЈО на потрајна основа. Се откажаа од таа идеја, сега се оди кон носење на законот зад кој стои нешто сосема трето. Со право сите се збунети, правната фела и невладиниот сектор, и тоа не е добро бидејќи, според мене,тој закон не треба да се носи набрзина. Треба да се продолжи законот за СЈО. Треба некој да одговара зошто не е избран обвинител бидејќи требаше да се избере уште пред неколку месеци. Најдобро е да се избере обвинител кој ќе ги продолжи предметите во рамки на законот за којшто постои согласност и пропишана процедура по која делува бидејќи трансформацијата на овој начин ќе ги искомплицира работите повеќе отколку што ќе придонесе да се завршат барем предметите за коишто се суди. Да не се има некаква скриена амнестија за спорните предмети од аспект на установста и законитоста на рокот по 18 месеци се ставаат на тенок лед и другите предмети.

„СЈО не треба да згасне затоа што тоа е симбол на владеење на правото. Политичарите треба да одговорат зошто до пред месец дена сите беа за СЈО, а сега не се. Дали е тоа инцидентот со Катица Јанева или нешто друго. Тоа е проблем што не треба да значи крај на СЈО бидејќи не излеговме на улица Катица Јанева да дојде, туку да има правна држава. Сè додека главниот обвинител го бира политичка партија на власт, има потреба од независен орган што ќе биде коректор на политичката елита да не забегува бидејќи тие секогаш ќе си донесат обвинител кој ќе им даде гаранција да не ги гони“, вели Калајџиев.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

(Видео) Спасовски: Земјоделците од Ранковце добиваат модерен систем за наводнување на површина од над 200 хектари

Објавено пред

На отпочнувањето на работите на системот за наводнување Славишко Поле во општина Ранковце, денеска присуствуваа премиерот Оливер Спасовски, заедно со министерот за земјоделство, Трајан Димковски и шефот на делегацијата на Европската унија во нашата земја, Самуел Жбогар.

Премиерот Спасовски истакна дека системот за наводнување Славишко Поле е исклучително важен проект за развојот и иднината на општина Ранковце.

„Овој проект е особено значаен затоа што е од непосреден, директен интерес на преку 1500 жители од населените места Псача, Петралица и Гиновци, од кои мнозинството од населението се занимава со земјоделство и сточарство“, подвлече Спасовски.

Тој истакна дека досегашниот застарен систем за наводнување во атарот на Општината Ранковце покрива околу 40 хектари, а со овој, граѓаните на општината ќе добијат модерен систем за наводнување кој ќе обезбедува вода за наводнување за преку 200 хектари.

„Тоа значи дека со изградбата на новиот систем за наводнување, голема површина од обработливо земјиште во општината и околните села, кое во моментов е без вода, конечно ќе биде употребливо и ќе биде ставено на располагање на земјоделците. На овие наши сограѓани ќе им се овозможи да обработуваат 5 пати поголема земјоделска површина со стабилен систем за наводнување, со што ќе се создадат услови за замена на постоечките култури со некои попрофитабилни култури, со поголема додадена вредност“, потенцираше премиерот.

Воедно тој посочи дека дека придобивката од овој нов систем е одржување и развивање на земјоделските активности за кои луѓето имаат традиција, на начин што ќе се почувствува за целото општество.

Министерот за земјоделство, Димковски објасни дека системот за наводнување „Славишко Поле“ е финансиран од „Инструментот за претпристапната помош – ИПА“ на Европската унија, во вредност од близу 1,7 милиони евра.

Амбасадорот на Европската Унија, Самуел Жбогар истакна дека со ова се одбележува почеток на нова серија на инвестициски проекти од страна на Европската Унија во сферата на земјоделството, кој што е вреден 6 милиони евра.

Прикажи повеќе...

Македонија

Скопска „Комунална хигиена“ го отвори новиот центар за грижа за корисници

Објавено пред

Центар за грижа за корисници на ЈП „Комуналана хигиена“- Скопје е отворен денеска во управната зграда на претпријатието, зад поранешен Скопски саем.

На отворањето на Центарот присуствуваа директорот на ЈП Комунална хигиена-Скопје, Абдусамед Шабани, директорот на ЈП Водовод и канализација Душко Весковски и градоначалникот Петре Шилегов, кој се обрати пред присутните.

„Чест ми е што денеска на граѓаните на Скопје ќе им претставиме една новина. ЈП Комунална хигиена и официјално го отвора новиот Центар за услуги на корисници, каде што граѓаните ќе можат да бидат услужени за делот од услугите коишто ги дава комуналното претпријатие, што не се однесуваат на плаќање на обврски коишто редовно доаѓаат заедно со сметките од ЈП Водовод и канализација, туку за другиот вид на услуги што јавното претпријатие ги дава на физички или правни лица“, рече Шилегов.

Тој додаде и дека Центарот за услуги на корисници ќе ги решава проблемите на граѓаните на самото место и нема да работи на принцип на поднесување на барања и разгледување на истите, туку на самото место службите на Комунална хигиена ќе ги решаваат прашањата што на пријава, што на одјава за зголемување или намалување на квадратурата, што треба да биде предмет на услуги на јавното претпријатие.

Прикажи повеќе...

Македонија

Пендаровски му се заблагодари на папата за храброста која им ја влева на луѓето во борбата против коронавирусот

Објавено пред

Претседателот, Стево Пендаровски, оствари телефонски разговор со поглаварот на Римокатоличката црква, папата Франциск.

Од неговиот Кабинет, информираат дека претседателот Пендаровски во разговорот изразил жалење што поради пандемијата на Ковид-19 не се реализирала неговата посета на Ватикан по повод чествувањето на 24 Мај, Денот на сесловенските просветители Св. Кирил и Методиј и не била остварена планираната меѓусебна средба.

„Во телефонскиот разговор беа разменети мислења за севкупните билатерални односи меѓу Република Северна Македонија и Светиот Престол, кои се пријателски и се базираат врз значајни историски врски, споделени духовни и културни вредности и традиции“, се наведува во соопштението на претседателскиот кабинет.

Двајцата соговорници размениле и информации за актуелната состојба поврзана со пандемијата на Ковид-19.

Пендаровски притоа оддал признание за улогата на папата Франциск во охрабрување на луѓето и нациите и поттикнувањето на солидарноста како клучен елемент за заедничка борба против пандемијата и последиците од неа.

Прикажи повеќе...

Најново

Македонија3 часа

Над половина од новозаразените во Скопје се од Сарај, Бутел и Чаир

Шест лица од денешните 26 случаи на Ковид-19 регистрирани во главниот град се од општина Сарај, покажуваат статистиките на Министерството...

Регион4 часа

Вратите за македонските туристи во Грција отворени од 15 јуни, тестови за корона ќе се прават по случаен избор

Грција од 15 јуни ќе ги отвори своите врати за туристи од 29 земји, објави денеска министерот за туризам, Хари...

Македонија5 часа

(Видео) Пауновски: Некои угостители ги понижуваа инспекторите, се однесуваат како да нема вирус

Одредени угостители со понижување се однесувале кон инспекторите од Пазарниот инспекторат велејќи им: „Едуцирајте нè и напуштете го локалот“, посочи...

Македонија6 часа

Филипче: Да знаевме дека нема да се почитуваат мерките, немаше да дадеме препорака за отворање на кафеаните

По објавата на фотографиите од скопски кафеани, каде што, наместо почитување на препораките, се правеле забави, без одржување дистанца, без...

Македонија7 часа

(Видео) Филипче: Мерките не се почитуваат, можен е карантин во некои општини

Новозаболените од коронавирусот се резултат на непочитувањето на мерките, вели министерот за здравство, Венко Филипче, кој рече дека има информации...

Македонија7 часа

Загинувањето на планинарите на Кајмакчалан било несреќа, отфрлена кривичната пријава

Основното јавно обвинителство Скопје донесе решение за отфрлање кривична пријава против водичот на планинарската тура, во која пред 2 години...

Македонија7 часа

Потврдени 52 нови случаја на заразени, починаа 4 лица

Денеска, потврдени се 52 нови случаја на Ковид-19, оздравени се 30 пациенти, а починати се 4 лица, информира Министерството за...

Македонија7 часа

Се бара казна од 10.000 евра за поранешната директорка на кожната клиника

Скопското Обвинителство денеска до надлежниот суд поднесе предлог за издавање казнен налог против поранешната директорка на ЈЗУ Клиника за дерматовенерологија,...

Економија8 часа

(Видео) ФИТР објави повик за финансиска помош, фирмите со добивка ќе треба да ги вратат парите

Речиси 150 домашни микро, мали и средни компании имаат можност да добијат поддршка за брзо приспособување на последиците од Ковид-19...

Македонија8 часа

(Видео) Американски и грчки воени авиони летаа над нашата земја

Два авиона на американското воено воздухопловство, придружувани од четири воени авиона на Грција, околу 11 часот извршија прелет над територијата...

Македонија8 часа

Бугарија го укинува задолжителниот карантин за патниците од Македонија од 1 јуни

Бугарија планира од 1 јуни да го укине задолжителниот 14-дневен карантин за патниците од Македонија и од повеќето земји на...

Свет9 часа

Нов Зеланд има само еден активен случај на коронавирус

Седум дена по ред Нов Зеланд не потврди ниту еден нов случај на коронавирус. Здравствените власти соопштија дека во моментот...

Свет11 час

(Видео) Немири во Минеаполис поради смртта на црнецот, запалена полициската станица, прогласена вонредна состојба

Демонстрантите влегоа во полициската станица во Минеаполис, предизвикаа пожари и уништија сè што им се нјаде на патот во текот...

Регион11 час

Хрватска го објави протоколот за свадби – најмногу 150 гости, на подиумот да се држи растојание од два метра

Хрватскиот завод за јавно здравје објави детаљни препораки за одржување свадби, кои од неодамна повторно се дозволени во Хрватска. Некои...

Свет11 час

Кина се закани со напад на Тајван

Кина ќе го нападне Тајван ако нема друг начин да се спречи неговата независност, предупреди еден од главните кинески генерали,...

Европа12 часа

Идејата за имунитет на стадото во Британија не успеа

Речиси седум проценти од луѓето во британската покраина Англија биле инфицирани со коронавирус, покажале резултатите од тестот на антитела на...

Свет12 часа

Итна седница на ОН за спорниот закон за безбедност за Хонгконг што го донесе Кина

САД и Велика Британија побараа седница на Советот за бесбедност на ОН за спорниот закон за безбедност, кој Кина го...

Македонија12 часа

Македонија додадена на листата на земји чии граѓани може да патуваат во Црна Гора

Националното координативно тело на Црна Гора, синоќа, по предлог на Институтот за јавно здравје, одлучи дека од 1 јуни ќе...

Македонија1 ден

Агенцијата за национална безбедност го демантира Чулев: Не располагаме со опрема за следење на комуникации

Агенцијата за национална безбедност не располага ниту со опрема за следење на комуникации, ниту со медијациски уреди за активирање на...

Регион1 ден

Црна Гора на чекор до прогласување крај на епидемијата

Во Црна Гора ниту денеска нема нов случај на коронавирус, а црногорските медиуми пишуваат дека ако овој тренд продолжи уште...

Досие