Вицепремиерот и иден министер за европски прашања Беким Сали е избран за вршител на должност претседател на Алтернатива, откако досегашниот лидер Зеќирија Ибрахими поднесе неотповиклива оставка на седницата на Централното собрание.

Ибрахими во својата објава наведе дека се повлекува од функцијата претседател на партијата, истакнувајќи дека одлуката ја донел поради сопствените политички убедувања и дека сака идните одлуки на партијата и коалицијата ВЛЕН да ги носи новото раководство.

Тој посочи дека првично планирал да не се кандидира на редовниот партиски конгрес во март или април 2026 година, но динамиката во рамките на ВЛЕН го забрзала процесот. Со поддршка е избран Беким Сали, негов долгогодишен соработник, кој партијата ќе ја води до одржување на конгресот.

Во објавата, Ибрахими направи детален осврт на своето 11-годишно политичко делување, нагласувајќи дека оставката не е резултат на незадоволство, туку на уверување дека партијата и ВЛЕН имаат потреба од нова енергија, нов проект и ново политичко лидерство.

Тој изрази задоволство што, како што наведува, придонел кон повлекување на „старата, компромитирана политичка класа“ и создавање простор за нови идеи и политики меѓу Албанците во Северна Македонија.

Ибрахими посочи дека е време за „втора етапа“ на политичката организација на Албанците во земјата и дека младите треба да добијат поголема улога. Тој истакна дека во Алтернатива биле промовирани неколку нови лица што, според него, можат да бидат идни политички лидери.

Во продолжение Ибрахими упати благодарност до сите соработници, колеги од Алтернатива и ВЛЕН, како и до своето семејство. Побара прошка од сите кои, како што рече, можеби ги повредил во политичката дебата, и истакна дека тој лично никого не смета за непријател.

Иако се повлекува од лидерската позиција, Ибрахими наведува дека останува подготвен да придонесува во партијата и во ВЛЕН преку едукација на младите и пренесување на своето политичко искуство.

„Партијата СДС, која е синоним за криминал и корупција, луѓето кои ја уништија државата како Заев, Филипче, Ковачевски, Николовски и многу други да не ги набројуваме ќе ни треба цел ден, истиве преку пресови и соопштенија секојдневно вртат една иста тема, колку да кажат нешто“, реагираат од ВМРО-ДПМНЕ на соопштението на СДСМ.

„Па еве по 100-ти пат да им објасниме. Мигранти од Велика Британија нема да има.

Томовски нема приватна фирма, ниту пак удел во таа која ја споменуваат.

Им порачуваме на СДС доколку имаат доказ (а немаат никаков бидејќи нема криминал), нека се обратат кај своите обвинители и судии како Кацарска, како Коцевски, како Дамева, и нека гонат како што гонеа 7 години додека беа на власт.

Ама бидејќи и тие се свесни дека нема за што да се гони, растураат пердуви во јавноста и после зошто народот не им верувал.

Реформи се потребни во СДС на чело со Филипче и оградување од Заев и криминалната багра“, се додава во реакцијата на ВМРО-ДПМНЕ.

„ВМРО-ДПМНЕ како државотворна и одговорна партија, носител на државноста низ изминатите години, уште еднаш ја потврди својата посветеност за развој на Македонија. На последниот партиски конгрес, покрај политички и партиски одлуки, донесе и важен државнички документ, „Ново поглавје – Стратегија Македонија 2030“, која претставува визија за модерна, стабилна и европски ориентирана Македонија“, велат од ВМРО-ДПМНЕ.

„Оваа Стратегија на долг рок поставува јасен правец и систем на управување, што импровизацијата ќе ја замени со институционална зрелост, со крајна цел, држава што создава економска моќ, стабилност и самодоверба.

Првиот стожер на Стратегијата Македонија 2030 е државната безбедност, која во време на сериозни геополитички промени, сајбер-напади и хибридни закани станува основа за секоја друга државна политика.

Со овој стожер, Македонија го отвора новото поглавје на државноста што ја градиме заедно, чија стратегија за државната безбедност и стабилност се темели на четири приоритети.

Првиот приоритет е модерна Армија со реални НАТО стандарди, со технолошко унапредување, современи системи на командување и развој на сајбер-одбранбени единици. Армија што навистина го штити државниот интерес.

Сајбер просторот е новото боиште на современиот свет, затоа сајбер-безбедноста е вториот приоритет на овој прв стожер од Стратегијата. За поголема сајбер-безбедност на Македонија, потребен е национален центар за дигитална отпорност, јасни протоколи и стандарди што ќе ги штитат институциите, банките и критичната инфраструктура.

Одбрана од хибридни закани и дезинформации е третиот приоритет, за што создаваме државен механизам за анализа, брза реакција и заштита на демократските процеси, без нарушување на слободата на говор, но со заштита на вистината.

Четвртиот приоритет е модерен систем за управување со кризи, кој опфаќа централен команден столб, автоматизирани процедури и регионална координација за брза, професионална и предвидлива реакција.

Само модерна држава која е отпорна и институционално заштитена може да обезбеди развој и стабилност.

Затоа безбедноста е темелот на државата и само стабилна и заштитена Македонија може да биде економски силна, институционално зрела и политички самоуверена“, соопшти ВМРО-ДПМНЕ.