Македонија
Ковачевски: Образование по европски стандарди со изборната Програма за европска иднина
![](https://makfax.com.mk/wp-content/uploads/2024/04/FotoJet-2024-04-21T172723.349.jpg)
Претседателот на СДСМ и носител во Изборната единица 1 на Коалицијата за европска иднина, на денешниот митинг во Скопје најави европски стандарди во македонското образование, за сите ученици во основните и средните училишта.
„За учениците и студентите ќе обезбедиме бесплатен оброк, бесплатен превоз и бесплатни едукативни екскурзии. Мора да им помогнеме на родителите на најмладите преку бесплатен оброк во основните училишта во износ од 150 денари дневно и бесплатен јавен превоз за сите основци.Дополнително, за учениците во средните училишта ќе има 180 денари дневно за бесплатен оброк и исто така бесплатен јавен превоз“, рече Ковачевски.
СДСМ и Коалицијата за европска иднина во својата програма за наредните четири години предвидуваат низа реформи во образованието. Ќе има 50 евра училишен бонус пред почетокот на секоја учебна година за сите основци и средношколци. Дополнително, за среќен почеток, секое прваче ќе добива по 6.000 денари, а секој средношколец од прва година по 9.000 денари.
Ковачевски истака дека единствен начин да ги донесеме европските стандарди на образование во Македонија е само преку исполнување на условите за членство во Европската Унија.
„За тоа да се случи, нема друг начин, нема волшебни решенија! Има само еден начин! Македонија мора да стане држава со европски стандард, европски вредности и европски правила на игра. Со членството во ЕУ, со помошта на Европската Унија, со Америка и нашите сојузници, да се подобриме, и да го искористиме нашиот национален потенцијал, знаење и енергија!“, порача Ковачевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.