Македонија
Коруноски: Владата на СДС го уништува железничкиот сообраќај, нема ремонт на домашните пруги, а не пак набавка на возови и вагони
![](https://makfax.com.mk/wp-content/uploads/2017/06/vozovi.jpg)
Ова што сега се случува во железницата е резултат на досегашното систематско уништување во овие изминати 7 години. Ние сега го допревме и дното во железницата, истакна Игор Коруноски од ВМРО-ДПМНЕ на трибината насловена како „Важно е Македонија да има современа инфраструктура“ која е во рамки на кампањата „Важно е! Од тебе зависат промените!“.
„Изминативе 7 години ние не видовме конкретни инвестиции во делот на железничкиот сектор. Не видовме набавка на нови возови, не видовме набавка на нови вагони, не видовме ремонт на домашните пруги. Во изминативе 7 години железницата беше заборавена иако беа најавувани помпезни проекти дека ќе се градат брзи пруги, дека ќе има некој инвестициски бум во железницата, но гледаме дека не е така и гледаме дека државата ја игнорира железницата во секој сегмент и затоа имаме една ваква ситуација во којашто всушност немаме ресурси, локомотиви, вагони со коишто ќе се извршува овој железнички превоз“ потенцираше Коруноски.
Тој додаде дека во едни такви услови континуирано се укинуваат железничките линии во делот на патничкиот сообраќај.
„Веќе две години немаме железничка линија кон Кичево, две години немаме железничка линија кон Кочани, веќе 6 месеци немаме железничка линија кон Куманово, а сега во последниов период се укинаа и четирите пара на возови коишто го поврзуваа Пелагонискиот Регион и делот на Азот и Богомила. Сега и таму немаме железничко поврзување. Всушност, ова што е останато сега на Коридорот 10 со префрлање на патниците е она колку да се рече дека имаме железнички сообраќај, но да не се лажеме, железничкиот сообраќај во нашата држава е во тежок колапс“, нагласи Коруноски и додаде:
„Причините за тоа се овие 7 години во коишто немаме никакви вложувања и во коишто немаме никакви конкретни проекти. Да се потсетиме само дека единствениот голем проект кој што се направи беше тој којшто го реализираше владата на ВМРО-ДПМНЕ со кој после 40 години се набавија 6 нови композиции на возови, се набавија 150 товарни вагони, се набавија 4 нови современи електролокомотиви, се рехабилитираа халите на влечните и на влечените средства. Од тој проект наваму всушност запре целото вложување во железничкиот сектор и затоа резултатот не можеше да биде поинаков од овој што е сега“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.