Македонија
Левица: Градоначалникот Стојкоски и ДПМНЕ се впуштија во брза косоваризација на Ѓорче Петров
Откако советниците од ДПМНЕ во Советот на Општина Ѓорче Петров, со претходен амин од министрите на СДСМ, го изгласаа криминалниот ДУП С3 16, веднаш се пристапи кон косоваризација на општина Ѓорче Петров.
ДУП-от СЗ 16, шверцерски, на вонредна седница се донесе на 17 февруари 2024 година, а според огласите од 15 март 2024 година, може да се заклучи дека шефот на урбаната мафија – Стојкоски, експресно брзо издал одобренија за градење, односно постапил по претходно договорен ,,дил”, велат од Левица.
Неодамна, како што додаваат од оваа партија, на косовски веб-портали осамнаа огласи за продажба на станови со локација на спорниот ДУП.
„Становите веќе почнале да се продаваат, а во огласите се вели дека бетонските чудовишта би биле готови за 2 години.
Левица постојано апелираше за штетните последици од криминалниот ДУП С3 16. На оваа локација се предвидени над 20 висококатници односно над 30 станбени згради, над 3.000 станови, над 10.000 нови жители односно 2.675 нови возила.
Сето ова на сметка на водоснабдувањето на Ѓорче Петров и Скопје, трајно загрозување на бунарското подрачје и питката вода, канализациониот систем на општината, хуманото живеење и животната средина.
Единствено е непознаница за граѓаните на Ѓорче Петров колку од проценетите 240 милиони евра ќе завршат во џебот на основоположникот на косоваризацијата на Ѓорче Петров – Стојкоски и ДПМНЕ“, реагираат од оваа партија.
Го прашуваат градоначалникот Стојкоски: Дали училиштата во општина Ѓорче Петров се спремни за формирање на албански паралелки?
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Наследството на Глигоров е патоказ за нашата борба: СДСМ оддаде почит на ликот и делото на Киро Глигоров
По повод 14 годишнината од смртта на првиот претседател на независна и суверена Македонија, Киро Глигоров, делегација на СДСМ, во состав: Љупчо Фармаковски организациски секретар, Рената Младеновска – членка на Извршниот одбор и Симона Цветановски – членка на Извршенодбор, оддаде почит и положи свежо цвеќе на неговото вечното почивалиште.
„Со длабока почит се сеќаваме на еден од најголемите државници во нашата историја, човекот кој со својата мудрост и визионерство ги постави темелите на современата и независна македонска држава.
Наследството на Глигоров е патоказ за нашата борба.
Вечна слава на претседателот Глигоров – Таткото на нацијата и вечна инспирација за сите нас“.
Македонија
На плоштадот во Скопје: Мицкоски за новогодишната ноќ во друштво на Ѓорѓиевски
Премиерот Христијан Мицкоски, заедно со градоначалникот на Град Скопје, Орце Ѓорѓиевски, Новата година ја дочекаа на плоштадот „Македонија“ во Скопје, во празнична атмосфера и во друштво на голем број граѓани.
„Заедно со нашиот народ на плоштадот Македонија да ја дочекаме Новата Година“, напиша Мицкоски во објавата на социјалните мрежи.
На граѓаните им посака здравје, и успеси.
„Да посакам добро здравје, разбирање и успеси за секој еден човек на нашата Македонија.
Среќна Нова Година“
Македонија
Првото родено бебе во 2026 е девојче
Првото новороденче во Македонија во Новата 2026 година е женско бебе.
– На ГАК се роди принцеза, соопштија на својата Фејсбук страница од Клиниката за гинекологија и акушерство.
Бебето е родено точно на полноќ на Универзитетската клиника за гинекологија и акушерство.

