Контакт

Македонија

Лекарска комора: Ковид може да предизвика сериозни стомачни крварења, да не се занемарат симптомите

Објавено пред

Пациенти кои имаат инфекција со SARS-CoV-2 вирусот може да развијат сериозни компликации на гастроинтестиналниот систем кои во некои случаи се манифестираат и со обилни крварења или со акутно воспаление на панкреасот. Затоа е потребно лекарите да бидат внимателни и да не ги потценуваат или занемаруваат раните и благи гастроинтестинални симптоми.

Ова се главните препораки од деветтата онлајн дебата која ја организираше Лекарката комора со цел овозможување на подобра комуникација и размена на искуства меѓу здравствените професионалци за лекувањето на пациентите инфицирани со вирусот кој веќе една година го држи светот во пандемија.

Научен соработник д-р Дафина Николова од Универзитетската Клиника за гастроентерохепатологија објасни дека најчест гастроинтестинален симптом кој го добиваат пациентите е дијареја која се јавува кај 30% од инфицираните, а потоа следува губење на апетитот кај 26.8% од пациентите. Пациентите чувствуваат и гадење и/или повраќање (3.9-10.1%), како и абдоминална болка/дискомфорт (1.1-2.2%).

Таа потенцираше дека кај болните кои имаат само гастроинтестинални симптоми често е одложено дијагностицирањето на Ковид-19, што ги прави овие пациенти извор за расејување на вирусот.

„ Потребно е високо ниво на свесност кај клиничарите, бидејќи овие пациенти се хоспитализираат во не-КОВИД центри што може да претставува опасност за останатите пациенти и персоналот. Лекарите треба да бидат внимателни и да не ги потценуваат или занемаруваат раните и благи гастроинтестинални симптоми и да се сомневаат на можна Ковид-19 инфекција, дури и кај пациенти со претходна постоечка гастроинтестиналнa болест“, истакна Николова.

Пациентите со воспалителни цревни болести, иако имаат повеќе рецептори за поврзување со вирусот, сепак имаат еднакви шанси како и општата популација за инфекција.

“Потребен е индивидуален пристап кај секој пациент, а пациентите кои имаат влошување на цревните симптоми, потребно е најпрво да се тестираат за SARS-CoV-2 вирусот, за да се разграничи дали станува збор за Ковид-19 инфекција манифестирана само со гастроинтестинални симптоми или пак за влошување на воспалителнита цревна болест. Во однос на нивната хронична терапија во случај на инфекција со коронавирусот постојат прецизни препораки кои треба да се применуваат во консултација со лекар“, изјави д-р Николова.

Во однос на вакцинацијата на пациенти со воспалителни цревни заболувања генерална препорака е дека пациентите треба да се вакцинираат кога ќе имаат прилика за тоа. Одложување на примањето на вакцина треба да се направи само ако болеста е во фаза на влошување. Употребата на имуносупресивна терапија не треба да ја одложи вакцинација, туку пациентот треба да се вакцинира кога прима најмала доза на системски кортикостероиди. Може да се прими било кој тип на вакцина во две дози. Вакцинација се препорачува и кај пациентите кои биле инфицирани со Ковид 19 и тоа 4 недели по почеток на симптоми или 4 недели по позитивен PCR кај асимптоматски пациенти.

Претседателот на Лекарската комора, проф. д-р Калина Гривчева-Старделова, потенцираше дека во третманот на пациентите со Ковид-19 се забележани случаи на обилни крварења во гастроинтестиналниот систем и кај пациентите кои немале претходно заболување.

„ Имавме случај на 17 годишна пациентка со обилно крварење од ректумот, која на клиниката беше донесена во многу тешка состојба со потреба веднаш да се даде трансфузија на крв. Пациентката добро реагираше на лекувањето и крварењето беше запрено. Вакви случаи на гастраинтестинални крварења сè почесто сретнуваме, без наод на видлива причина за крвозагуба, па се смета дека крварењето настанува како последица на Ковид-19 вирусот и примената терапија за негово лекување, пред се антикоагулантана терапија“, објасни проф. д-р Гривчева Старделова.

Д-р Владимир Аврамовски од Клиниката за гастроентерохепатологија појасни дека болеста се јавува во три фази и во секоја може да се јават различни гастроинтестинални манифестации.

„ Лекарите мора да ги разликуваат фазите на болеста и точно да одредат пациентот во кој стадиум се наоѓа за да може да донесат правилна одлука за тоа која терапија е најадекватна. При одредувањето на терапијата мора да се има предвид и ризик стратификацијата според различни критериуми, како што се возраста, гојазност или присуството на други заболувања “, изјави д-р Аврамовски.

До скоро немало докази дека корона вирусот може директно да ги инфицира клетките на панкреасот, но поновите студии докажале дека тоа е можно и треба да се внимава.

„ Она што е важно е дека секогаш пред да се постави дијагноза за акутен панкреатит предизвикан од SARS-CoV-2 неопходно е да се исклучат сите други можни причини и доколку има основ за друга генеза на акутниот панкреатит, се смета дека инфекцијата со SARS-CoV-2 не е причинител, туку e коегзистирачка”, објасни д-р Аврамовски.

Во дискусијата лекарите опишаа и случај на млада родилка која во текот на инфекцијата со Ковид-19 добила сериозно воспаление на панкреасот, по што се утврдило дека причината била блокада на жолчните канали, а не директно SARS-CoV-2 вирусот. Пациентката била успешно излекувана со заеднички пристап на специјалистите од клиниките за гастроентерохепатологија и за инфективни болести.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Филипче: До колективен имунитет само со вакцинација на голем број граѓани

Објавено пред

Процесот на имунизација е пред нас и само со вакцинација на голем број граѓани ќе успееме да стекнеме колективен имунитет, истакна министерот за здравство, Венко Филипче.

Тој е уверен дека сега е време да се надмине пандемијата на коронавирус, и порача граѓаните да се пријават на страната vakcinacija.mk.

Инаку, следната недела ќе почне вакцинирањето на вработените во обвинителството, судовите, инспекциските служби, новинарите и медиумските работници, со што се очекува да заврши вакцинацијата на приоритетните групи од т.н. критична инфраструктура – луѓе кои имаат многу контакти во работата.

Во А1 Арената „Борис Трајковски“, од почетокот на оваа недела со „Спутник“ се вакцинираат припадниците на Армијата и МВР, дел од здравствените работници, наставниците и воспитувачите во градинките.

Паралелно, во тек е и вакцинацијата на лица над 77 години со вакцината „Астра Зенека“.

Власта најави дека  месецов се очекува да пристигнат првите вакцини од Европската Унија наменети за Западен Балкан. Од нив, за Македонија се издвоени 100 илјади дози, од кои првично би требало да стигнат 20-25 илјади. Понатаму, се очекува да пристигне и првата пратка од вакцините од „Фајзер“, како и втората пратка од вакцините на „Астра зенека“ преку Ковакс-механизмот. Според најавите на претставниците од власта, месецов  се очекува испораката на 200 илјади кинески вакцини, како и значителна количина „спутник В“, за кои има договор за 200 илјади дози.

Прикажи повеќе...

Македонија

Ѓорѓија Сајкоски ќе биде на чело на изборниот штаб на ВМРО-ДПМНЕ за локалните избори

Објавено пред

Извршниот комитет на ВМРО-ДПМНЕ го назначи генералниот секретар Ѓорѓија Сајкоски за претседател на Републичкиот изборен штаб за претстојните локални избори.

Воедно, извршниот комитет разговараше и за актуелната политичко-економска ситуација  и заклучи дека државата тоне во секој поглед, институциите се крахирани со изгубена доверба кај граѓаните, а пандемијата ги коси граѓаните заради неспособноста на власта.

„Во Република Македонија владее непочитување на правото и заштита на криминалот од страна на власта, додека пак наместо криминалците, во затворите гнијат неправедно затворени граѓани. Извршниот комитет донесе заклучок да го поддржи настанот најавен на 25 април, кој не е во наша организација, а по повод неправедно затворените уставобранители со драконски казни. Овој настан треба да помине во демократски и мирен чин. Воедно и потенцираме дека се оградуваме од секакви инциденти доколку произлезат од уфрлени провокатори на истиот настан“, наведе ВМРО-ДПМНЕ.

Извршниот комитет најостро ги осудува последните случувања, потенцирајќи ја аферата „Мафија“. Оттука велат дека власта на СДСМ од Република Македонија направила мафијашка држава, а на чело на државата владее картелот Заеви кој е вмешан во секој криминал кој се случува. Оставките се неизбежни, а кривичната одговорност треба да биде испорачана, смета ВМРО-ДПМНЕ.

Прикажи повеќе...

Македонија

Нови 1.092 случаи на заразени, починаа 32, а оздравеа над 2.000 лица

Објавено пред

Во последните 24 часа се направени 5.569 тестирања, а регистрирани се 1.092 нови случаи на Ковид-19 во:
Скопје – 452, Битола – 85, Куманово – 80, Прилеп – 49, Кавадарци – 45, Велес – 41, Струмица – 36, Охрид – 33, Тетово – 30, Штип – 27, Кичево – 22, Гостивар и Кочани – по 21, Гевгелија – 18, Струга – 15, Ресен – 13, Радовиш – 11, Делчево – 10, Дебар и Берово – по 8, Свети Николе, Крива Паланка и Пробиштип по 7, Дојран – 6, Неготино, Виница, Богданци и Демир Хисар – по 5, и Валандово, Македонски Брод и Македонска Каменица – по 4, Демир Капија – 3, Крушево и Пехчево по – 2, Кратово – 1.

Регистрирани се 2.003 оздравени пациенти од: Скопје – 1.145, Кавадарци – 147, Охрид – 101, Неготино – 81, Струга – 71, Куманово – 57, Прилеп – 53, Битола и Велес по – 43, Тетово – 34, Штип -32, Гостивар – 27, Струмица – 26, Гевгелија – 23, Делчево – 17, Крива Паланка – 15, Кичево – 14, Кочани – 10, Берово и Демир Капија по – 9, Ресен – 7, Свети Николе и Радовиш по – 6, Пробиштип, Валандово, Богданци и Македонски Брод по – 5, Виница и Крушево по – 3 и Дојран – 1.

Пријавени се вкупно 32 починати лица: 10 од Скопје (91г , 83г , 65г , 79г , 2 лица по 74г, 72г, 70г, 63г и 60г), по 2 починати пациенти од Куманово ( 73г и 65г), Прилеп (90г и 81), Тетово (77г И 74г), Гостивар (78г и 48г), Кавадарци (70г и 46г), Гевгелија (66г и 61г) и Виница (67г и 64) и по 1 починат пациент од Битола (88г), Берово (76г), Велес (81г), Крива паланка (61г), Неготино (61г), Охрид (81г), Свети Николе (70г) и Штип (64г). Сите пациенти се починати во болнички услови.

Направени се 5.569 тестови преку: ИЈЗ-673, ЦЈЗ Скопје-124, ЦЈЗ Битола-107, Клиника за инфективни болести и фебрилни состојби-1, Судска медицина-8, лабораторија болница Козле-16, УК Пулмологија со алергологија–11, ГОБ 8-ми Септември-0, Институт за микробиологија–69, МАНУ-154, Жан Митрев (Филип Втори)-260, Авицена-368, Биотек-473, Систина-338, лабораторија Лаор-1044, Синлаб – 209, Ремедика-99, Плодност – 78, Генеа – 8, ЈЗУ и ПЗУ (рапид тест) – вкупно 1.529.

Досега во земјата се направени вкупно 666.091 тестирања на Ковид-19.

Вкупната бројка на Ковид-дијагностицирани лица во нашата земја од почетокот на епидемијата изнесува 141.157, бројката на оздравени пациенти е 115.433, на починати е 4.182, а бројот на активни случаи изнесува 21.542.

Според епидемиолошки анализи во моментов, дистрибуцијата по градови е следна:

Скопје 62.909, активни 10.139
Куманово 7.599, активни 1.257
Прилеп 7.583, активни 1.061
Тетово 6.680, активни 695
Битола 5.289, активни 1.326
Велес 4.976, активни 847
Гостивар 4.842, активни 526
Кавадарци 4.806, активни 624
Штип 4.553, активни 492
Охрид 4.516, активни 831
Струмица 3.601, активни 522
Струга 2.803, активни 241
Кочани 2.452, активни 305
Кичево 2.226, активни 318
Неготино 2.051, активни 279
Гевгелија 2.029, активни 419
Свети Николе 1.363, активни 141
Крива Паланка 1.142, активни 99
Ресен 1.129, активни 242
Радовиш 1.000, активни 155
Берово 939, активни 131
Делчево 894, активни 97
Дебар 888, активни 63
Пробиштип 733, активни 79
Виница 684, активни 102
Валандово 589, активни 100
Крушево 449, активни 122
Богданци 444, активни 76
Демир Капија 385, активни 60
Демир Хисар 347, активни 55
Кратово 342, активни 28
Македонски Брод 331, активни 49
Пехчево 241, активни 25
Македонска Каменица 216, активни 14
Дојран 126, активни 22

Прикажи повеќе...

Најново

Европа45 минути

Малолетник со македонско потекло уапсен во Виена, се заканувал со тероризам оти Курц не му одговорил на пораките

Aвстриската полиција уапси 15-годишен Австриец со македонско потекло за закана за терористички напад во центарот на Виена, пренесе „Танјуг“. Малолетникот се...

Македонија3 часа

Филипче: До колективен имунитет само со вакцинација на голем број граѓани

Процесот на имунизација е пред нас и само со вакцинација на голем број граѓани ќе успееме да стекнеме колективен имунитет,...

Македонија6 часа

Нови 1.092 случаи на заразени, починаа 32, а оздравеа над 2.000 лица

Во последните 24 часа се направени 5.569 тестирања, а регистрирани се 1.092 нови случаи на Ковид-19 во: Скопје – 452,...

Македонија8 часа

(Видео) Разбиена група на нарко-дилери, запленета дрога во вредност над 800 илјади евра

Полицијата разбила организирана криминална група на нарко-дилери, пришто приведени се 6 лица, а запленета е дрога во вредност од над...

Свет8 часа

Кина дневно произведува 5 милиони дози вакцини, целта е да достигне 3 милијарди годишно

Кина веројатно ќе произведе три милијарди дози од вакцината против Ковид-19 до крајот на годината, изјави официјален претставник на Националната...

Топ9 часа

Три лица осомничени за силување на 18-годишна девојка во Струмица

Против три лица поднесена е кривична пријава за силување на 18-годишна девојка од Струмичко и за помагање во извршување на...

Македонија11 час

ВМРО-ДПМНЕ на протест: Од коронавирус починаа 4.150 граѓани, тоа е како преку ноќ да го снема Крушево

Обвинувања за справувањето на власта со состојбата со коронавирусот и пораки за оставка на министерот за здравство, Венко Филипче и...

Македонија13 часа

Вработени во обвинителството, медиумите и инспекциските служби ќе се вакцинираат следната недела

Следната недела ќе почне вакцинирањето на вработените во обвинителството, судовите, инспекциските служби, новинарите и медиумските работници. Со нив, се очекува...

Свет13 часа

„Фајзер” и „Бионтек” бараат нивната вакцина да се користи за деца од 12 до 15 години

Фармацевтската компанија „Фајзер“ и нејзиниот германски партнер „Бионтек“ побарале од Управата за храна и лекови на САД итно проширување на...

Свет14 часа

„Ковакс“ ќе испорача третина од милијарда вакцини до средината на годинава

Меѓународната програма за споделување вакцини „Ковакс“ планира да испорача низ сиромашните земји од светот една третина од милијарда дози вакцини...

Македонија1 ден

Потврдени 1.174 нови случаи на коронавирус во Македонија, починаа 42 лица

Во последните 24 часа во Македонија се потврдени 1.174 нови случаи на коронавирус, починаа 42 лица, а оздравеа 811, соопшти...

Македонија1 ден

Приведен висок полициски службеник, запленета дрога вредна над 800.000 евра

Полицијата заплени дрога вредна над 800.000 евра, а приведен е висок полициски службеник, објави министерот за внатрешни работи, Оливер Спасовски....

Свет1 ден

СЗО: Не препорачуваме комбинирање на вакцини, сè уште немаме доволно податоци

Светската здравствена организација (СЗО) во петокот повтори дека поради недостиг на соодветни податоци не може да даде препорака во врска...

Македонија1 ден

(Видео) Милошоски: Мафијашот Седат Пекер во Скопје бил пречекуван со полициски возила

Додека турската полиција денеска спроведува обемна акција и во Истанбул насекаде го бара меѓународниот мафијаш Седат Пекер, во Скопје тој...

Европа1 ден

Почина принцот Филип, сопругот на кралицата Елизабета

Принцот Филип, сопругот на кралицата Елизабета Втора, почина на 99-годишна возраст. Бакингaмската палата објави дека војводата од Единбург почина во...

Македонија1 ден

Антикорупциска откри случаи на злоупотреби од страна на обложувалници

Државната комисија за спречување на корупција (ДКСК) откри злоупотреба на лични податоци и сомнежи за перење пари од страна на...

Свет1 ден

Почна клиничкото испитување на нова, поевтина вакцина против Ковид-19

Клиничките испитувања на новата вакцина против Ковид-19, чие производство би било поевтино, полесно и побрзо, почнуваат да се спроведуваат во...

Македонија2 дена

Филипче: Деновиве е намален бројот на хоспиталиразни пациенти во болниците

Министерот за здравство, Венко Филипче, по редовната координација со директорите на Клиниките, истакна дека деновиве е намален бројот на хоспитализации во...

Европа2 дена

Оние кои примиле прва доза на „Астразенека“ во Франција, за втората ќе добијат друга вакцина

Француското здравствено тело денес треба да објави дека оние под 55 години кои ја примиле првата доза на „Астразенека“ ќе...

Европа2 дена

Зеленски ги посети војниците во источна Украина: „Се гордеам со вашето херојство“

Украинскиот претседател Володимир Зеленски го посети бојното поле каде се случуваат судири со проруските сепаратисти, а беше поддржан од Берлин,...

Досие