Македонија
Лога негира дека одговарал на прашања на алабанските медиуми, а ги занемарил македонските

Како лажна вест, министерот за правда, Кренар Лога, го оценува заклучокот извлечен од денешната прес-конференција за различниот третман кон медиумите на албански и на македонски јазик додека одговараше на новинарски прашања.
„Вистината е овој одговор: ‘Ве чекам утре во канцеларијата и ќе ви дадам одговор за сѐ и сешто’“, наведува Лога во реакцијата.
„Макфакс“ претходно денес објави дека министерот за правда, Кренар Лога, на албански јазик зборуваше за Орце Камчев и за уставните измени, па на медумите што поставуваа прашања на македонски јазик им кажа дека не сака да зборува надвор од темата на настанот откако одговори на само едно прашање.
Настанот се однесуваше на отворањето на канцеларијата за бесплатна правна помош во општина Боговиње.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Бојан Јовановски-Боки 13 излегува на слобода

Поради лошата здравствена состојба, осудениот Бојан Јовановски-Боки 13 е пуштен на слобода. Кривичниот суд добил лекарски извештаи од повеќе клиники, но и повеќе доктори, како и цели лекарски козилиуми.
Адвокатот Владимир Туфегџиќ, бранител на Јовановски посочува дека ја добиле одлуката, за која вели дека иако задоцнета, е праведна.
„По однос на прашањето за кое пројавувате интерес, како бранител ја потврдувам информацијата дека Основниот кривичен суд Скопје донесе одлука за прекин на издржувањето на казна затвор за осуденото лице Бојан Јовановски и истата е доставена до осуденото лице. Ваквата одлука иако е задоцнета истата е за поздравување како законита, правична и пред се хумана, донесена врз основа на две последователни позитивни мислења од надлежниот Јавен обвинител во рамки на иста постапка и врз основа на комплетната медицинска документација за здравствената состојба на осуденото лице“, посочува Туфегџиќ.
Скопје
Јавниот превоз утре и задутре со изменет режим

ЈСП известува дека утре, среда и в четврток, поради одржување на Министерскиот совет на ОБСЕ, јавниот превоз ќе функционира со изменет режим од вообичаениот, а продажните места на ЈСП ќе имаат изменето работно време од редовното.
Во петок (1.12.2023 год) јавниот превоз ќе продолжи да функционира вообичаено, а истото се однесува и на билетарниците и центрите за персонализација на ЈСП Скопје.
Жичарницата сите денови ќе функционира вообичаено, од 10 до 17 часот.
Режим на јавен превоз
Утре, среда (29.11.2023 год) автобусите ќе возат вообичаено, согласно со важечкиот возен ред (делничен зимен).
Во четврток (30.11.2023 год) ќе сообраќаат по саботен возен ред.
Почнувајќи од утре, среда (29.11.2023 год) од 13 часот, па сѐ до завршување на Министерскиот совет на ОБСЕ в четврток (30.11.2023 год), линиите 7, 8, 15, 15А, 18, 19, 21А, 26, 29, 59, и 118 ќе сообраќаат по изменети траси.
Траси на движење
Линии 8 и 15А
– од мост „Гоце Делчев“ наместо по булевар „Илинден“, ќе продолжуваат по булевар „Партизански одреди“
Посочениот режим ќе важи и во двете насоки на движење
Линии 7, 15, 19, 26, 29 и 59
наместо на крајните терминали во Карпош 3 и Карпош 4, ќе продолжуваат по булевар „Партизански одреди“, па десно по улица „Никола Парапунов“ (стара телевизија) каде не чекаат време, туку веднаш ќе продолжуваат десно по булевар „Илинден“, па десно по улица „Љубљанска“, па со лево свртување ќе продолжуваат по булевар „Партизански одреди“
Линии 18, 21А и 118
од булевар „Крсте Петков Мисирков“ ќе продолжуваат право кон Бит пазар, потоа по булевар „Никола Карев“ (Пластичарска улица) и од кај Момин поток ќе продолжуваат по сопствените редовни траси до крајните стојалишта
Посочениот режим ќе важи и во двете насоки на движење.
Работно време на продажни места
Утре, среда (29.11.2023 год) сите билетарници и центри за персонализаација на ЈСП Скопје ќе работат од 6.30 до 13 часот.
Во четврток (30.11.2023 год) за сите ќе биде неработен ден.
Македонија
Авиосообраќајот на скопскиот аеродром следните денови ќе се одвива регуларно

ТАВ Македонија известува дека авиосообраќајот на Меѓународниот Аеродром Скопје во следните неколку дена – 29 ноември, 30 ноември и 1 декември, за време на одржувањето на 30. Министерски Совет на ОБСЕ во Скопје, ќе се одвива регуларно.
Од таму апелираат до патниците да ги следат насоките и известувањата на Министерството за внатрешни работи во врска со сообраќајниот режим низ градот Скопје, со цел да бидат во можност да пристигнат на своите летови, односно на аеродромот навреме.