Од АМСМ информираат дека утре и задутре ќе се изведуваат градежни активности на регионален пат Р1102, делница Велес – Градско во времетраење од два дена.

Викендов во Скопје е одржан основачкиот состанок на Женската организација на Партијата за движење на Турците (ТХП), со што по 20 години, првпат една турска политичка партија дава особена поддршка и поттик на жените од турската националност за нивното активно учество во политичкиот живот.

„Жално е што до ден денес не е направено доволно за интеграција на Турчинките во општеството. Со формирањето на Женската организација на ТХП, веруваме дека жените ќе добијат поактивна улога во општествено-политичкиот живот и заедно ќе развиваме поуспешни политики.На основачкиот состанок со своето присуство не` почести потпретседателката на МХП, Дениз Депбојлу. За претседател на ЖО на ТХП е избрана Ајсел Сејфулах”, соопшти партијата.

Пратеникот Илија Димовски не беше присутен на денешното рочиште за предметот „Талир“. Тој на 13 февруари со писмен поднесок го известил судот дека од 17 до 21 февруари ќе биде во Брисел на комитет на парламентарното Собрание на НАТО.

Димовски во поднесокот навел дека е шеф на делегацијата од Македонија. На судењето беа присутни останатите обвинети, освен бегалецот Никола Груевски. Следното рочиште е закажано за 7 март во 10 часот.

Во предметот „Талир“ обвинети се поранешниот лидер на ВМРО-ДПМНЕ, бегалецот Никола Груевски, ексгенералниот секретар на Владата, Кирил Божиновски, поранешниот министер за транспорт и врски, Миле Јанакиески, пратеникот Илија Димовски, Леко Ристоски и Елизабета Чингаровска, која лани призна вина и доби условна казна.

СЈО тврди дека обвинетите незаконски добиле најмалку 4,6 милиони евра во готовина, а потоа организирале тие пари да бидат уплатени на жиро-сметката на партијата преку уплатници на различни имиња. Тие се обвинети за злоупотреба на службената положба и овластување и за перење пари. Предметот ќе го суди судечки совет со кој ќе претседава Осман Шабани.

Никола Груевски е обвинет дека во периодот од 2009 година до 2015 година спротивно на Законот за финансирање на политички партии и Законот за спречување на корупцијата, обезбедувал финансии од анонимни и противправни извори на финансирање за ВМРО-ДПМНЕ.

Во овие свои активности му помагале обвинетите Кирил Божиновски и Миле Јанакиевски, кои им вршеле притисок на претставници на правни лица, кои, пак, имале склучено договори за јавни набавки со државни органи, јавни претпријатија или единици на локална самоуправа да обезбедат финансиски средства во готовина за потребите на финансирање на ВМРО-ДПМНЕ како противуслуга за добиените јавни набавки и реализираниот профит.

Обвинетите Илија Димовски, Елизабета Чингароска, Леко Ристоски и Миле Јанакиески, како овластени потписници на сметката на ВМРО-ДПМНЕ, иако знаеле дека парите потекнуваат од кривично дело, ги пуштиле во натамошен оптек со потпишување налози за плаќање на обврските и за купување недвижен имот за ВМРО-ДПМНЕ.

За предметот „Талир“ има уште едно обвинение за кое судот сè уште се нема произнесено дали е оценето обвинението, а се однесува на незаконска изградба на партиското седиште.