Македонија
Македонската IT компанија BtoBet, заедно со сестринските компании, се продаде за неверојатни една милијарда и двесте милиони долари

Една од најголемите светски компании за мобилни игри и казино, Aristocrat Leisure Limited, со седиште во Австралија, склучи договор за аквизиција на групацијата NeoGames од која BtoBet е дел. Бизнис зделката, според која вредноста на NeoGames се проценува на приближно 1.2 милијарди долари, со сигурност ќе ја трансформира светската гејминг индустрија.
Комерцијалниот договор претставува јасна потврда за квалитетот на групацијата што е составена од BtoBet, Aspire Global, Pariplay и NeoGames, компании што имаат водечки софтверски решенија.
Групацијата континуирано бележи експоненцијален раст, а за тоа говори и фактот дека по успешната 2022, во март годинава BtoBet забележа рекорд, процесирајќи приближно една милијарда облози преку својата платформа за спортско обложување.
Од почетокот на годината, покрај одличните финансиски резултати, BtoBet го објави продолжувањето на договорот со светски познатиот PremierBet, компанија што има операции во 23 африкански држави, како и започнувањето со работа на новиот онлајн бренд Placard на операторот SOJOGO во Африка, дел од португалската национална лотарија.
Овие компаниски достигнувања се доказ дека BtoBet сѐ побрзо станува еден од водечките технолошки партнери на глобалните лидери во iGaming индустријата, испорачувајќи врвни производи и услуги за спортско обложување.
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Охридската гимназија жали за проблемот со матурантката: „Наша заложба е да помогнеме“

На матурантката од Охрид ќе и биде дозволено да ги полага двата интерни испита во училиштето во јунската испитна сесија, а тоа што останува во августовската испитна сесија, велат од средното училиште Свети Климент Охридски од Охрид.
„Макфакс“ претходно објави дека на ученичката Тијана Силјаноска денес не и’ било дозволено да го полага првиот екстерен испит од државната матура оти нејзиното име го немало на спиокот, а за проблемот нејзиниот татко информираше преку медиумите.
Од училиштето изразија жалење за проблемот и како што кажаа нивна заложба е да излезат во интерес на матурантката и родителите.
Додадоа дека списоците за верификација на податоците за државна матура биле доставени на увид кај учениците уште на почетокот на второто полугодие, а потоа доставени до ДИЦ.
И покрај напорите на училиштето да се реши ситуацијата, велат од гимназијата, сепак не се наиде на разбирање од страна на надлежните институции.
Согласно Концепцијата за матура и за завршен испит во средното образование, учениците полагаат 2 екстерни и 2 интерни предмети и подготвуваат проектна задача.
Македонија
Матурантка не полагала државна матура оти ја немало на списокот, таткото на девојчето бара правда

На матурантката Тијана Силјаноска од Охрид денес и’ било оневозможено да го полага првиот дел од државната матура.
Нејзиниот татко во изјава за медиумите кажа дека името на ќерка му го немало на списокот, па девојчето било вратено дома и е на седативи.
Родителот вели дека неговата ќерка сакала да се запише на факултет по физиотерапија во Словенија, но без матурата таа е спречена, а вината ја лоцира кај администрацијата и директорката во гимназијата кои направиле грешка.
Таткото повика на одговорност и кажа дека реагирале до сите надлежни инспекторати.
Министерот за образование Шаќири најави дека ќе го испита случајот.
Македонија
Ковачки: Ахмети да одговори дали на работна група е разговарано за редефинирање на државата

ВМРО-ДПМНЕ бара од лидерот на ДУИ, Али Ахмети да одговори дали на работна група за уставните измени било разговарано за редефинирање на државата.
Пратеникот Драган Ковачки денес од Пехчево порача дека власта и должи објаснување на македонската јавност, дали „онаа експертска група т.н составена од 20-тина џабе лебојадачи преговараат односно договараат редефинирање на државата“.
Ковачки истакна дека одговор на тоа прашање не треба да го одговори Ковачевски, затоа што тој не е релевантен.
„Ковачевски не е способен да си ја поднесе самата оставка доколку не ги праша Џафери или Ахмети. Одговор на ова прашање треба да даде пратеникот Али Ахмети“, рече Ковачки.