Македонија
Малчевски по контроверзните прашања од програмата за образование: Системот е окупиран од самопрогласени експерти, треба одговорност од желните за хонорари
![](https://makfax.com.mk/wp-content/uploads/2019/08/OBRAZOVANIE-UCHENICI-NASTAVNIK-PROFESOR-UCHILISHTE.jpg)
Можеби прирачникот е пред 10 години но „експертите“ се исти и денес, пишува на социјалните мрежи професорот Самоил Малчевски.
Коментирајќи го прирачникот од програмата за образование, кој предизвика бурни реакции во јавноста, професорот ќе напише:
„Бешка и Чешларов се ‘експертите’ што стојат зад експериментот врз нашите деца наречен концепција за основно образование на Мила Царовска!
И, да, кога ќе кажам лидерот во неуспешни образовни ‘реформи’, да, тоа, е Бешка, ‘експертот’ што стои зад сите експерименти во македонскиот образовен систем почнувајќи од првиот ‘Чекор по чекор’ на почетокот на деведесеттите години“.
Оценува дека системот е гнил токму зашто е окупиран од самопрогласени „експерти“ желни за хонорари.
На системот, додава Малчевски, му треба вистински рестарт, а не козметички промени.
„И, да, треба одговорност и забрана за вршење дејност на е’кспертиве’ желни за хонорари“, пишува Малчевски на социјалните мрежи по контроверзните прашања од програмата „Образование за животни вештини“ за средно образование, кои се споделуваа на социјалните мрежи и предизвикаа бурни реакции во јавноста.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.