Контакт

Македонија

Маричиќ од Брисел: Со пристапните преговори го отвораме внатрешниот пазар на ЕУ за македонските компании

Објавено пред

Заменик претседателот на Владата задолжен за европски прашања Бојан Маричиќ го отвори денешниот билатерален скрининг за Поглавје 7, „Право на интелектуална сопственост“, на кој истакна дека создавањето поволна средина за водење бизнис на внатрешниот пазар е главна цел на регулативите на ЕУ кои ги спроведуваме во областа на правата на интелектуална сопственост.

dobivaj vesti na viber

– Преговорите со ЕУ носат подобра заштита на потрошувачите, брендирање и подобро позиционирање на македонските компании на внатрешниот пазар на ЕУ, рече вицепремиерот Маричиќ, додавајќи дека тоа е важно за нашите мали и средни претпријатија, но и воопшто за луѓето кои се занимаваат со уметност и иновативност.

Маричиќ пред претставниците на Европската комисија изрази надеж дека до крајот на оваа година ќе ја одржиме втората Меѓувладина конференција и ќе го отвориме Кластерот „Фундаментални вредности“, со цел да напредуваме во процесот.

– Денес, имаме уште едно важно поглавје – Поглавје 7, „Право на интелектуална сопственост, област каде што постојано бевме поддржани од ЕУ во спроведувањето на реформите низ годините. Во однос на административната структура, Државниот завод за индустриска сопственост и Министерството за култура се главните административни столбови, додека клучни документи во областа се Законот за индустриска сопственост, Законот за авторско право и сродни права и Законот за царина и мерки за заштита на правата од интелектуална сопственост, истакна Маричиќ.

Тој ја потенцираше важноста од понатамошно усогласување на нашето законодавство во областа на интелектуална сопственост и укажа дека Владата посветено работи на развој на Стратегијата за интелектуална сопственост во рамки на Националната стратегија за развој 2022-2042 година.

Што се однесува до потребата од целосно усогласување со Директивите на ЕУ вицепремиерот за европски прашања Маричиќ ги посочи сите Директиви кои досега сме ги усвоиле и ги најави сите тековни активности и предлог закони, како новиот Закон за деловни тајни кој се очекува да биде усвоен до јуни оваа година. Маричиќ ја информираше Европската комисија дека Мрежата за електронска размена на податоци е во завршна фаза и на тестирање.

– Развојот на оваа е-мрежа ќе овозможи размена на податоци за интелектуална сопственост помеѓу институциите во Северна Македонија и ИРП – електронскиот систем за трговски марки, патенти и индустриски дизајни. Се очекува е-мрежата да биде оперативна до 2026 година, истакна Маричиќ.

Државната секретарка на Секретаријатот за европски прашања и заменичка на главниот преговарач со ЕУ, Дрита Абдиу-Халили која исто така е присутна на билатералниот скрининг посочи дека во изминитатиот период Северна Македонија работела на транспозиција на релевантното европско аки во нашето законодавство, како и на јакнење на административните и оперативните капацитети, во областа на правата од индустриска сопственост, но дека потребни се соодветни механизми, особено ефикасен капацитет за спроведување на политиките за право на интелектуална сопственост на национално ниво.

Во Брисел денеска започна билатерален скрининг состанок за Поглавје 7 на кој македонскиот преговарачки тим го претставува постигнатото и сè што е направено поврзано со правата на интелектуална сопственост, со што треба да овозможи подобра циркулација на стоки и услуги, како и забрзување на технолошкиот развој. Истиот ќе продолжи и утре, а до крајот на работната недела ќе се одржи и билатералниот состанок за Поглавјето 6, „Право за трговски друштва“.

На денешниот билатерален скрининг се презентираше на темите поврзани со законодавството за права на интелектуална сопственост, правилата за правна заштита на авторските и сродните права, како и посебните одредби кои се применуваат за заштита на бази на податоци, компјутерски програми итн.

Членовите на македонската делегација на денешниот билатерален состанок се претставници на Државниот завод за индустриска сопственост, Министерството за култура, Агенцијата за аудиовизуелни медиумски услуги, Државниот пазарен инспекторат и Државната комисија за спречување на корупцијата, институции кои се релевантни за Поглавјето 7, „Право на интелектуална сопственост“.

Македонија

(Видео) Стотици пакети со топла облека и ќебиња се собраа во Скопје, се донира и телефонски, пунктовите остануваат отворени

Објавено пред

Стотици пакети со неопходни намирници се донесени на двата пункта во Скопје каде граѓаните донираат за граѓаните на Турција погодени од земјотресот. Истовремено, и натаму се донира на двата телефонски броеви кои се отворени за собирање на средства, со цел, помош на семејствата на настраданите лица, како и на оние кои останаа без кров над глава. Пунктови за помош се отвораат и во помалите градови, а денеска се отвора еден во Битола кој ќе функционира од 9 до 15 часот.

dobivaj vesti na viber

На плоштадот во Скопје, хумани граѓани донесоа ќебиња, прекривки, јакни, шатори. Се носат и конзервирана храна, средства за хигиена, алишта. Пунктот работи 24 часа. Голем број донации се оставаат и во Чаршија, каде исто така има засебен пункт. Лицата кои стојат на пунктовите посочуваат дека донации пристигнуваат постојано, од различни возрасни групи. Преку транспортни компании, сите, по сотритрање, ќе бидат доставени до најпогодените семејства во Турција.

Црвениот крст на Северна Македонија отвори и сметки и телефонски броеви на кои сите заинтересирани фирми и граѓани може да донираат парична помош за настраданото население погодено од катастрофалниот земјотрес во Турција и Сирија: – Сметката на Фондот на солидарноста на Црвениот крст на РСМ: 300000001327966, даночен број: 4030984271620 АД Комерцијална банка со назнака: помош за населението во Турција и Сирија; – донација од 100 денари со повик на телефонските броеви 143 400 на Македонски Телеком и А1.

– За донации на средства во странска валута:
NAME OF THE ORGANIZATION: RED CROSS OF THE REPUBLIC OF NORTH MACEDONIAN
BANK NAME: KOMERCIJALNA BANKA AD SKOPJE
BANK ADDRESS: UL. ORCE NIKOLOV NO.3, 1000 SKOPJE, MACEDONIA
BANK ACCOUNT: 300000000000133 25730522-11
SWIFT CODE: KOBSMK2X
IBAN CODE: MK07300701000001228

Турција и Сирија пред два дена (понеделник) ги погоди катастрофален земјотрес со јачина од 7,8 степени според Рихтеровата скала во реонот на турскиот град Газиантеп.

Прикажи повеќе...

Македонија

СДСМ: 100 милиони евра поддршка од ЕУ, преговорите носат придобивки

Објавено пред

Почетокот на преговорите со Европската унија на државата и на граѓаните им носи конкретни придобивки. Европската комисија даде предлог за макрофинансиска поддршка за економијата на Македонија до 100 милиони евра за следните две години помош, соопшти СДСМ.

dobivaj vesti na viber

„ Спроведувањето на поддршката ќе се уреди со Меморандум за разбирање со ЕУ, кој се очекува да се фокусира на реформите во фискалното управување, даночната политика, управувањето со јавните инвестиции, јавно-приватните партнерства, деловното опкружување, транспарентноста во државната помош, енергетската ефикасност, реформите во судството и борбата против корупција.

ЕУ пред само неколку дена додели грант од 53 милиони евра за три стратешки енергетски проекти, а во јули минатата година Брисел одобри 225 милиони евра за четири инвестициски проекти во државата. За справување со економската и енергетската криза ЕУ лани обезбеди 80 милиони евра за Македонија“ велат од владејачката партија.

Оттаму додаваат дека со ова уште еднаш се докажува кој стои до нашата држава во тешки времиња и во време на економска и енергетска криза.

Евроинтеграцијата носи развој и напредок на државата, европски вредности и сигурна иднина за подобар живот на граѓаните, посочуваат од СДСМ.

Прикажи повеќе...

Македонија

ВМРО-ДПМНЕ: Неспособните Ковачевски и Спасовски пет месеци не можат да ги откријат дојавувачите за бомби

Објавено пред

Ситуацијата со лажните дојави за бомби е алармантна, а МВР веќе пет месеци не може да ги открие сторителите. Нови 33 дојави за лажни бомби во училиштата низ Македонија покажуваат дека безбедносниот систем е целосно девастиран. МВР и Спасовски ништо не работат, обвини ВМРО-ДПМНЕ.

dobivaj vesti na viber

„ Пет месеци по ред Македонија е мета на лажни дојави, а Оливер Спасовски не само што не може да најде кој ги испраќа, туку не понел ниту одговорност. Згора на тоа месеци наназад голем број на јавни објекти, скопскиот аеродром, Железничка станица, трговски објекти, државни институции се под закана за бомби.

Владата, Ковачевски и Спасовски се неспособни да обезбедат ниту мир, ниту пак да гарантираат за безбедност на граѓаните и државата. Цела ситуација предизвикува страв и паника не само кај учениците и нивните родители, туку и кај сите граѓани. Наместо во училишни клупи, учениците на минусни температури се надвор додека МВР ги проверува училиштата.

Нема учебници, но затоа има лажни дојави за бомби. Се губи настава, а министерот за образование Јетон Шаќири наместо да кажува дека изгубените часови ќе се надоместат, да побара од својот колега Спасовски да открие кој стои позади овие лажни дојави за бомби“ велат од партијата.

Оттаму ја критикуваат Владата дека не може да обезбеди еден ден сигурност, но затоа, како што наведуваат, обезбедува милионски суми и криминал од сомнителни тендери и бизнис зделки. Ако не знаат како да управуваат со институциите и државата, тогаш ајде на предвремени парламентарни избори, порачаа од ВМРО-ДПМНЕ.

Прикажи повеќе...

Најново

Македонија5 минути

(Видео) Стотици пакети со топла облека и ќебиња се собраа во Скопје, се донира и телефонски, пунктовите остануваат отворени

Стотици пакети со неопходни намирници се донесени на двата пункта во Скопје каде граѓаните донираат за граѓаните на Турција погодени...

Свет22 минути

(Видео) Дeвојче од Сирија спасено од под урнатините по 40 часа

Белите шлемови објавија видео од спасување на девојче од под урнатините. Девојчето било спасено во сирискиот град Салкин, недалеку од...

Свет35 минути

Целосна катастрофа по земјотресот: Тела на улиците, се трага по преживеани, пристигнуваат спасувачки тимови од други земји

Повеќе од 8.400 луѓе загинаа во разорниот земјотрес што ги погоди јужните делови на Турција и Сирија. Според последните податоци,...

Регион42 минути

Граѓаните на Турција бесни на властите: „Никој не ни помага, сами копаме низ урнатините“

Во Турција граѓаните се сè полути поради, како што велат, бавната и неадекватна реакција на владата на разорниот земјотрес, во...

Македонија12 часа

Автомобил удри во пешак кај Цементара, со Брза помош е пренесен во болница

Автомобил марка „мерцедес“ удри во пешак вечерва на булеварот „Борис Трајковски“. Несреќата се случила во близина на Цементара. Сведоци на...

Македонија13 часа

Приведени четири лица за каменувањето на македонскиот клуб во Благоевград

Има приведени за нападот со камен врз македонскиот културен клуб во Благоевград, пренесе бугарскиот медиум НОВА од свои извори. Во...

Свет14 часа

(Видео) Најпотресните снимки од Турција и Сирија: Се извлекуваат деца низ урнатините, луѓе очајни со лопати бараат преживеани

Ужас по катастрофалниот земјотрес во Турција и Сирија. На социјалните мрежи не престануваат да се шират емотивни снимки и фотографии...

Македонија16 часа

Кога ќе ни почине пациент, тогаш надлежните ќе ја видат итноста на потребата од брз лек, велат болните од цистична фиброза

Претседателот на Асоцијацијата за лица болни од цистична фиброза, Фики Гаспар, за „Макфакс“ вели дека здравствената состојба на болните е...

Македонија18 часа

Историското вештачење за „Ласкарци“ води до активисти на ДУИ

Валдет Џафери, директорот на Бирото за судско вештачење, во кое се работеше супер вештачењето за „Ласкарци“, и вештакот Зеќирија Зеќири,...

Македонија20 часа

Пендиков добива сместување, лично обезбедување и државјанство, засега останува во Бугарија

Христијан Пендиков ќе добие бугарско државјанство, соопшти денеска бугарскиот министер за надворешни работи, Николај Милков. Рече дека Министерството за надворешни...

Македонија20 часа

Дојави за бомби во 33 основни училишта во Скопје

Денеска, околу 12.30 часот, во СВР Скопје било пријавено дека на електронска адреса на 33 основни училишта во Скопје била...

Македонија20 часа

(Видео) Страшна сообраќајна несреќа во Куманово: полицајци извлекоа жива глава кога „туран“ удри во нив со голема брзина

Двајца полицајци во службено возило, на кое не му работи левиот фар, се директна цел на автомобил кој со голема...

Македонија21 час

Османи за македонските ученици во Турција: Траумата ќе ги следи, но сите се добро, ноќеска ми испратија фотографија

Министерот за надворешни работи, Бујар Османи, ноќеска добил фотографија од групата од осуммина ученици и нивниот ментор од Тетово, Гостивар...

Македонија22 часа

Милков: Скопје ги поткопува обидите за унапредување на односите меѓу Бугарија и Северна Македонија

Министерот за надворешни работи на Бугарија, Николај Милков, изјави дека Скопје ги поткопува обидите за унапредување на односите меѓу Бугарија...

Македонија22 часа

„Ајде ако не, слави да прави“, судијката реагира што Зеќири си викнал дома доктор без судска дозвола, прати и психијатар за да му се утврди состојбата

Адвокатите на Мухамед Зеќири донесоа психијатар, кој е и вештак, за да образложи дека обвинетиот не е во добра психичка...

Македонија23 часа

Полицијата пак не успеа да го донесе Зеќири на судење; Судијката: Била повикана брзата помош, не знам дали е пристигната

Ексгенералниот секретар Мухамед Зеќири одново не беше спроведен на судењето, каде што се гони за злоупотреба на службената положба и...

Европа23 часа

Два нови силни земјотреса во Турција

Бројот на загинати во двата разорни земјотреси што вчера ги погодија јужна Турција и северозападна Сирија се искачи на повеќе...

Македонија23 часа

Евакуирани македонските ученици затекнати во загрозеното подрачје во Турција

МНР информира дека деветтемина државјани на Македонија, кои беа затекнати во загрозеното подрачје (осум ученици и нивен ментор/наставник, кои преку...

Економија23 часа

Мицкоски: За 5 години, Владата на СДСM го зголеми јавниот долг за 2.916 милијарди евра

„Во периодот од 1 јануари 2018 година до 31 декември 2022 година, за пет години, Владата на СДСМ го зголеми...

Македонија1 ден

Таравари на чекор да земе пет директорски, како и две министерски места – до утре ќе падне одлуката за влез во Влада

Пет директорски места се извесни дека ќе припаднат на кадри од Алијанса за Албанците. Дека има согласност од страна на...