Македонија
Маричиќ: Позитивниот модел на мултикултурализам во Северна Македонија е пример за регионот и европска вредност за која цврсто се залагаме
![](https://makfax.com.mk/wp-content/uploads/2023/11/maricic-2.jpg)
Вицепремиерот за европски прашања, Бојан Маричиќ, се обрати на денешната конференција посветена за жените Ромки и патнички.
За почеток, во изјавата Маричиќ истакна дека основните принципи на програмата на коалицијата што ја предводи овaa Влада е стратешката определба да гради општество еднакво за сите.
„Определба на оваа Влада е да се работи на една од најранливите групи, а тоа се Ромите, група што заслужува особено внимание, група што е една од столбовите на нашиот мултикултурен модел. Затоа е важно како Влада сѐ што правиме и планираме да правиме да биде во правец на подобрување на интеграцијата на Ромите во општеството. Само така може да градиме кохезивно општество со континуиран економски и одржлив развој, во кое граѓаните, без разлика на која етичка група припаѓаат, да се чувствуваат еднакви, вклучени со еднакви можности за личен развој.
Вицепремиерот Маричиќ ја потврди силната политичка волја за целосна имплементација на стратегијата за вклучување на Ромите и жените Ромки како посебна категорија.
„Во оваа насока, заеднички работиме на подобрување на благосостојбата на Ромите, квалитетот на живот и нивна интеграција во македонското општество, а преку него и во поширокото европско семејство.
Само така ќе ги оствариме целите од стремежот да градиме кохезивно општество и општество со континуиран економски и севкупен одржлив развој, во кое граѓаните, независно на која етничка заедница и припаѓаат, се чувствуваат безбедно и имаат еднакви можности за личен развој и напредок“.
„Определени сме да ги следиме и сите европски препораки. Важно е политичкото учество на граѓаните Роми во донесувањето одлуки што се поврзани со унапредувањето на положбата на Ромите во Северна Македонија. Овој позитивен модел што го применува нашата земја е пример во регионот и пошироко“, рече Маричиќ.
За решавање на приоритетните прашања за граѓаните Роми, ги ставивме во функција ресурсите од централниот буџет и донаторските средства. Сите овие политики даваат видливи резултати и тие се нотирани и во извештајот на ЕК за напредокот на земјата.
Маричиќ во таа насока ги спомна законодавните активности за зајакнување на превенција од кривични дела на расизам и за унапредување на правото на Ромите до пристап до правдата преку механизмот на бесплатната правна помош.
„Ги донесовме измените на Законот за матичната евиденција, на Законот за пријавување на местото на живеење и Законот за личната карта и со тоа го отворивме патот кон решавање на сите познати случаи на бездржавјанство и исполнување на меѓународните обврски на државата“.
„Во извештајот на Европската комисија се констатира дека прекинувањето на бездржавјанството може да има значително позитивно влијание врз засегнатите Роми и општеството како целина. Постигнат е одреден напредок, за нас се прифатливи сите укажувања за натамошни напори за целосно унапредување на инклузијата и на заштитата на Ромите“.
„Овие цели за еднакви права и достоинствен живот за сите, се, пред сѐ, желба да ја јакнеме инклузивноста во македонското општество затоа што тоа е патот до успешна, заедничка Република Северна Македонија, дом за сите, достоен член на Советот на Европа, но и иден член на Европската Унија до 2030 година“.
На конференцијата учество зедоа и Бјорн Берге, заменик-генералниот секретар на Советот на Европа, министерката за труд и социјална политика, Јованка Тренчевска, и други високи претставници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.