Македонија
Милков: Не можеме да го прифатиме наративот дека Пендиков бил дилер
![](https://makfax.com.mk/wp-content/uploads/2023/01/milkov-1.jpg)
Бугарија ќе ги преземе сите мерки за случајот со Пендиков и тие се веќе во тек. Ова за БТВ го изјави бугарскиот в.д. министер за надворешни работи, Николај Милков.
„Кога се случи нападот врз Пендиков во Северна Македонија, првично настана паника и на разни нивоа признаа дека се работи за кривично дело од омраза. Потоа почнаа да се појавуваат сценарија дека Пендиков бил наркозависник и дилер, а најхрабрите тврдат дека бугарските клубови се места на организиран криминал и дека се финансирани од трговија со дрога. Ова е наратив што не можеме да го прифатиме и ќе ги преземеме сите мерки“, рече Милков.
Тој веќе ги информира министрите за надворешни работи на земјите членки на ЕУ на Советот за надворешни работи во Брисел. Писмен меморандум за овие прашања е доставен до сите земји членки.
„Во нашата земја треба да се одржи средба со сите амбасадори на земјите членки. Ќе се користат и други механизми, меѓу кои и механизмот на ОБСЕ, кој сè уште има набљудувачка мисија во Скопје. Ги имаме алатките на Советот на Европа“, прецизира Милков.
Министерот рече и дека за прославата на Гоце Делчев на 4 февруари двете земји и главно институциите во Северна Македонија мора да останат смирени и да се воздржат од какви било провокации за да се обезбеди потребниот ред, секој што сака да оди и да се поклони.
„Што се однесува до контранападот против Ангел Џамбаски и други наши политичари, мислам дека ова е дел од некој нов македонски наратив да се направи така што нападот против Бугаринот првин да се минимизира, а систематските напади врз бугарските клубови и заедници таму да ескалираат. Сè почна со усвојување репресивен закон таму, продолжи со подметнување пожар, за што е добиена условна казна, по што следуваше пукање, а сега и физички напад врз лице што е припадник на бугарската заедница. Таму сакаат да ни наметнат поделена вина. Од двете страни на границата има луди глави. Не може да има такви аналогии“, рече Милков.
Изјави дека во фокусот на францускиот предлог е почитувањето на правата на Бугарите во Северна Македонија, што е заслуга на претседателот.
Тој нагласи дека не може да се стави вето на преговорите за Северна Македонија, со оглед на тоа што не се почнати.
„Јас не сум поддржувач на ветото, но Бугарија секогаш има право на глас“, појасни Милков.
Тој не сакаше да ги коментира зборовите на македонскиот претседател Стево Пендаровски, туку само рече:
„Како доктор по историја, можам да кажам дека ако има жртви на едната страна – спомнува 12 лица, би споменал илјадници луѓе, кои биле убиени, 300.000 протерани меѓу двете војни. Сигурно слушнал за Голи Оток, каде што стотици Бугари беа интернирани и загинаа по Втората светска војна, само затоа што имаа бугарска самосвест. Тие немаат поим за нивната историја бидејќи сè уште не ги отвориле архивите на тајните служби, можеме да им помогнеме во тоа ако сакаат“.
И Милков смета дека заедничката историска комисија е во траен ќор-сокак, но мора да се вложат максимални напори за да се постигне напредок бидејќи тоа го предвидуваат меѓународните обврски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.