„Им благодариме на сите граѓани кои се приклучија и доставија информации и докуметни на нашата дигитална платформа за борба против корупција и криминал, МИЦКО (https://micko.mk/)
47 различни пријави за само еден ден. Има и од различни општини, од Охрид, Штип а има и некои многу интересни информации за Скопје. Македонија се крена против корупцијата и криминалот“, кажа на прес-конференција Богданка Кузеска, портпаролка на СДСМ.

Сите овие информации, документи, докази, како што наведе таа, ќе бидат анализирани, документирани и ќе се информира јавноста за секој можен случај.

„Денеска АКТ објавува нова бомба, нов скандал, нови сомнителни милионски тендери.
Повторно истата шема. Фирма со само тројца вработени за период од 2 месеци добива тендери од Владата на Христијан Мицкоски од 74 милиони денари или 1,2 милиони евра.
Милионски суми, мал број на вработени, фаворити за тендери од власта на ДПМНЕ“.

Овие факти, додава Кузеска, отвораат сериозни сомнежи за нетранспарентни постапки, фаворизирање и коруптивни тендерски шеми како во досегашните објавени бомби.

„За која фирма станува збор? Сигмоид Гроуп ДООЕЛ Скопје, формирана пред само две години. Од кого добива тендери? Од Генеалниот секретаријат на Владата на Мицкоски и од СОЗР. Двете владини инстиуции, истите две вмешани и во преходните бомби кои ги објавивме. И како и во првата бомба, повторно станува збор за IT опрема. Случајно нели?

Еве го првиот договор, со Министерството за финансии, склучен на 13.10.2025 година, вреден околу 60.000 евра. Само после два дена, има нов договор, склучен на 15.10.2025, со Генералниот секретаријат на Владата, вреден: речиси милион евра (980 илјади евра). И шест недели подоцна, на 01.12.2025, нов државен тендер, овојпат за софтвер за следење на работни процеси во СОЗР, вреден околу 76 илјади евра денари. Каква милионска експанзија за два месеци? 173% раст на добивка од тендери! Истите шеми повторно“.

Како е ова можно, која е близината, праша Кузеска.

Дополнително запраша дали причината за тоа е близината на сопственикот на фримата, извесен Ј. Јанкуловски, кој дипломирал на Машинскиот факултет, токму на насоката мехатроника и роботика, каде што е Христијан Мицкоски професор.

„Ова ли е клучот за вретење милионски тендери од власта на ДПМНЕ? Близината со Мицкоски?
АКТ продолжува. Работата не е завршена“.

СДС вчеравечер ја потврди нашата констатација дека продолжуваат да тонат се повеќе, наместо нов и свеж кадар, Филипче ги врати старите лица на Зоран Заев. На следните избори 100.000 гласови им се плафон, вели Валентин Манасиевски, член на ЦК на ВМРО-ДПМНЕ.

Претставија, додава тој, “Нова сила”, а всушност, како што истакнува, тоа се стари лица на Зоран Заев кој заедно со Филипче го доприватизираа и раскрчмија СДС.

„Во т.н “ново” раководство на СДС влезе екс директорот на затворот Шутка со активна кривична пријава за злоупотреба на службена должност, Филип Андов, исто така влезе и Јон Фрчковски кој беше фатен како се дрогира на своето работно место и призна за тоа и наместо казна тој доби унапредување во СДС.

Новите сили, а стари кадри напишани од Зоран Заев, а изгласани од Венко Филипче се:

Рената Младеновска, поранешна директорка на Државниот санитарен и здравствен инспекторат и досегашен член на ИО на СДС; односно стар кадар.

Драган Крајовски, претседател на ОО на СДС во Битола во времето на Ковачевски а директор на затворот „Црн мост“во времето на Зоран Заев и член на Централниот одбор на СДС; односно стар кадар.

Дејан Николовски, вработен во кабинетот на Зоран Заев и задолжен за странските инвестиции и досегашен претседавач на Централниот одбор; односно стар кадар.

Андреј Жерновски, прелетач за функција од ЛДП во СДС на Зоран Заев, неуспешен и скандалозен дипломат, неуспешен градоначалник, неуспешен градежник, а јавноста не го памети по ништо добро, туку само по ширење на паника дека ќе се урне стадионот кој ден денес сеуште го имаме во Скопје; исто така стар кадар.

Агрон Демири, екс советник во секторот за Европска Унија и меѓународна соработка, потоа правник и е дел од Одделението за правни услуги во АД ЕСМ, коносител во ИЕ 6 на парламентарните кога СДС го претрпеа најголемиот пораз во историјата и впрочем Агрон Демири не успеа да влезе како втор на листата како пратеник; исто така стар кадар.

Љупчо Фармаковски – Фосил уште од времето на Хари Костов во Влада и МВР како државен советник, па и до ден денес му е главен координатор за човечки ресурси во Комерцијална Банка. Во 2008 година беше претседател на Националната комисија за интегрирано гранично управување. И до сега впрочем беше организациски секретар на СДС; исто така стар кадар.

Јованка Тренчевска, поранешна министерка во владите на Заев за труд и социјална политика. Кочеше 16 согласности за воспитувачки и негувателки како и 10 согласности за помошно технички персонал во градинките во општина Бутел кога градоначалникот беше од ВМРО-ДПМНЕ, а исто така опструираше и одземаше ингеренции и во Куманово. Го врати на работа директорот на меѓуопштински Центар за социјална работа во Радовиш, Александар Филев од СДС, откако беше разрешен затоа што беше фатен во трговија со дрога. Во 2024 година таа се повлече од функцијата како Претседателка на форумот на жени на СДС каде што вели, цитирам: „Од денес во СДС нека настапат оние со квалитети, вистински знаења, лицата блиски до народот на кои им се верува. Нови лица, неизвалкани од бремето на претходните функционери“, е вака тогаш напиша, а сега се промовира како освежување Јованка Тренчевска, потпретседател на СДС; исто така стар и истрошен кадар.

И почитувани, се што треба да знаете за СДС е дека новиот кадар на Венко за претседавач на ЦО на СДС е Герасим Лазов“.

Ова според Манасиевски е убедливо најлошиот состав на СДС, Филипче и Зоран Заев. Оценува дека приватизациjата на СДС завршува, а наредниот чекор е тежок стечај.

Граѓаните што направиле некој од четирите прекршоци што ги регистрираат камерите на „Безбеден град“ и без да им стигне известување преку порака или на имејл, ќе може да си проверат дали имаат казна. Министерството за внатрешни работи подготвува мобилна апликација, која ќе им биде достапна на возачите откога многумина пријавија дека направиле прекршок, но предупредување не добиле ниту во порака ниту на имејл, па стравуваат дека казната ќе заврши кај погрешен возач и нема да може да ја платат во предвидениот рок кога ќе почне целосно да функционира системот.

„Набргу е предвидено да почне да функционира мобилна апликација, која ќе биде достапна во ‘Гугл стор’, ‘Ап стор’, а исто така и на интернет, на која граѓаните ќе може да се најават и да проверат повеќе компоненти поврзани со ‘Безбеден град’ – имејлот и мобилниот телефон оставени за нивното возило, како и историја на сторени прекршоци од нивна страна. На самата апликација ќе има можност граѓаните да ги ажурираат оставените податоци за контакт, како и да остават забелешки доколку имаат за нив“, велат од МВР за „Макфакс“.

Од таму не одговорија конкретно на прашањето од „Макфакс“ дали камерите постојано снимаат и ги бележат сите возачи што ќе направат прекршок оти има граѓани што се сигурни дека направиле прекршок, а известување од МВР не добиле, но нагласуваат дека за почеток системот детектира само четири прекршоци, односно непрописно паркирање, управување со брзина поголема од пропишаната, поминување на црвено светло и управување со нерегистрирано возило.

Додека почне да функционира апликацијата, граѓаните одговори на прашањата поврзани со „Безбеден град“ ќе може да побараат на шалтерот во зградата на МРТ, кој од денес е во функција. Отворен ќе биде секој работен ден од 8 до 17 часот. Граѓаните на шалтерот ќе може да поднесат барање за промена на контакт-податоците, кои ги доставиле при регистрација на возилото, ќе може да пријават промена на податоците или да ги исправат во случај да добиле известување за прекршок со неточни податоци.

Ажурирање на податоците може да направат и во станиците за технички преглед на возилата, а во функција е и електронската пошта [email protected] за забелешки, нејасности, прашања и проблеми со функционирањето на „Безбеден град“.