Македонија
(Видео) Мицкоски за Ахмети: Кариерата ќе ја заврши како обичен криминалец, кој во тоа го вплеткал семејството

Лидерот на ВМРО-ДПМНЕ, Христијан Мицкоски, испрати низа критики на сметка на ДУИ и претседателот Али Ахмети. Му порача дека кариерата ќе ја заврши како обичен криминалец. Мицкоски смета дека Ахмети во криминал го вплеткува и семејството, а го спомена и случајот со купувањето на „Соравија“ од Дрин Ахмети, внук од брат на Али.
„Тој човек, кој себеси се претставуваше како борец за човекови права пред 20 години, изгледа раководен од неколкумина околу него, ќе заврши како човек длабоко вплеткан во криминал, но, за жал, го вплеткува и сопственото семејство. Тоа не е добро. Би го советувал тие малкумина советници околу него, кои на овој начин го советуваат да испраќа пораки во јавноста, да им ги промени позициите или да престане на овој начин да го вплеткува семејството. Имаше шанса голема, но како што одминува времето, тој не само што ја пропушта таа шанса, туку е и пред сопствениот политички крај како обичен криминалец“, посочи Мицкоски.
Објасни дека во правосудство не може да се верува, алудирајќи и на фотографијата на која шефот на Обвинителството за гонење организиран криминал и корупција, Ислам Абази, е фотографиран со член на семејството на Ахмети. Според него, пораките од ДУИ дека ВМРО-ДПМНЕ е криминална партија не проаѓаат во јавноста.
„Таа порака не проаѓа во јавноста, туку граѓаните со индигнација ја отфрлаат. Довербата во партизираните судство и Обвинителство ја кажуваат јавните мерења, а довербата од 0 до 100 е 8 проценти максимум. Тоа е така бидејќи имаме обвинител кој неколку месеци беше избран во ОЈО-ГОКК, гледате како еден човек му стои на глава. Знаете кој е човекот и од кое семејство е. А знаете и кој е актуелен по купопродажбата на онаа зграда во центарот на Скопје. Тоа е семејството на Али Ахмети“, додаде Мицкоски.
Смета дека целта на раководството на ДУИ е да станат милијардери, со пари од граѓаните.
„Раководството на ДУИ не само што ја изгуби својата суштина, туку и жалам што поединци дел од тоа раководство, на крајот од политичката кариера ќе бидат запаметени по криминалот и корупција, но она што е пострашно, преку нивните семејства. Знаете кога семејството ќе го вклучите во политиката, тогаш вие не сте го допреле дното, туку сте отишле подлабоко. Тоа се случува со семејството на дел од раководството на ДУИ. Тие се обидуваат да ја окупираат Македонија и на тој начин да станат милиони. Но тоа е стара амбиција, сега е милијардери да станат. Тие во денари, се милијардери на грбот на народот. А им асистира полтронскиот партнер, СДСМ и раководено од ова раководство. И таму има членови кои не сакаат да бидат полтрони“, додаде Мицкоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ВМРО-ДПМНЕ: Инвестициски бум во здравството, почеток на реконструкција на ЈЗУ УК Гинекологија и акушерство Скопје

„Деструктивните политики на СДС и ДУИ го уништија македонското здравство, ги оставија пациентите без лекови, а болниците без опрема. СДС и Филипче нижеа бројни скандали во здравството, како историскиот скандал на Онкологија“, велат од ВМРО-ДПМНЕ.
„Владата предводена од ВМРО-ДПМНЕ најавува инвестициски бум во државата, особено во делот на здравствената инфраструктура. Вложувањето и унапредувањето на јавното здравство се главниот фокус на владата предводена од ВМРО-ДПМНЕ.
Започна значајна инвестиција на клиниката за Гинекологија и акушерство Скопје, со цел поквалитетни услуги за граѓаните.
Започна комплетното реновирање и реконструкција на амбулантите, платото, чекалните, лабораториите и специјалистичките кабинети на Клиничкиот центар „Мајка Тереза“ – ЈЗУ УК за гинекологија и акушерство во Скопје.
Со инвестиција од 29 милиони денари се создаваат современи услови за поквалитетна, побрза и поефикасна здравствена заштита за сите пациентки. Оваа инвестиција претставува и сериозна поддршка за здравствените работници, на коишто ќе им се овозможи работа во современи услови.
Целиот проект ќе биде реализиран според најсовремените здравствени стандарди, со што ќе се модернизира јавниот здравствен сектор.
Владата предводена од ВМРО-ДПМНЕ се грижи и вложува средства и за нова и современа техника, се со цел поефикасни и поквалитетни услуги“, соопшти ВМРО-ДПМНЕ.
Македонија
„Дали бизнис тандемот Филипче – Заев имале акции во индиска авиокомпанија“, прашува ВМРО-ДПМНЕ

„Молкот на Венко Филипче е потврда и доказ дека СДС и Филипче не ги интересира народот, туку провизиите од висококатниците во Дубаи и сопствените лукративни интереси. Филипче ја игнорира јавноста, а со тоа покажува дека единствен фокус му е како да дојде до власт за повторно си делат провизии, тендери и да ги шират фамилијарните бизниси“, велат од ВМРО-ДПМНЕ.
„Тендер тандемот Заев-Филипче молчи за потеклото на златните визи за Дубаи. Дали бизнис партнерите Филипче-Заев имале акции во индиска авиокомпанија и од каде им се средствата за градење 50-катница во Дубаи?
Како Заев, од просечно земјоделско семејство, стаса до сопствеништво на авиокомпании, и каква е поврзаноста на Венко Филипче со овој случај?
Колкави се трансакциите на Филипче и Заев кон Дубаи и дали се во дигитални валути биткоини?
Дали парите за купување милионски акции во авиокомпании и инвестиции во градежништво во Дубаи, им се од скандалозните тендери во здравството или распродажбата на националното достоинство.
Филипче во политиката е за да си ги задоволи сопствените апетити, а не за доброто на народот и државата. СДС е синоним за корупција криминал и предавства“, се наведува во соопштението на ВМРО-ДПМНЕ.
Македонија
Сиљановска-Давкова: Културата е најмоќниот ресурс на малите народи и треба да го добие вистинското место во дипломатијата

Претседателката Гордана Сиљановска-Давкова, во својство на домаќинка, се обрати на третата сесија на Форумот за културна дипломатија, што се одржува под покровителство на поранешниот македонски претседател, Ѓорге Иванов.
Говорници на сесијата беа: поранешниот претседател, Ѓорге Иванов, поранешниот чешки претседател, Вацлав Клаус, поранешниот претседател на ГС на ООН, Волкан Бозкир, Розета Епифани од Кабинетот на претседателот на Советот на министри на Италија и Хенри Џонс, претседател на COFR Technologies и советник на државниот секретар на Арканзас.
Како поборник и поддржувач на културната дипломатија, Сиљановска-Давкова истакна дека културата е моќно миротворно, недоволно искористено дипломатско оружје не само на големите, туку и на малите држави.
Во уметноста таа препознава важен инструмент за разбирање, доверба и пријателство меѓу државите и нациите. Според неа, голем успех за една држава и култура е да стекне почитувачи, припадници на други народи.
Укажувајќи на важноста на културната дипломатија, таа упати на перцепцијата на Гоце Делчев на светот како поле за културен натпревар меѓу народите, препознавајќи во Гоце Делчев, основоположник на македонската културна дипломатија, соопштија од кабинетот на претседателката.
Учесниците дискутираа за шансите на малите држави да влијаат врз справувањето со глобалните предизвици преку културната дипломатија.
Од расправата произлегоа предлози за реформирање на ООН, во функција на дисперзија на моќта, преку зголемување на улогата на Генералното собрание во процесот на одлучување и проширување на членовите на Советот за безбедност.
Свесни за ограничената моќ на малите држави, за доминацијата на реал политиката во меѓународните односи и заострениот конфликт меѓу силата, правото и правдата, учесниците се согласија дека се неопходни алтернативни решенија за влијание, меѓу коишто, регионалното поврзување и соработка, како можен агенс на промени, се наведува во соопштението од кабинетот на претседателката.