Македонија
Мицкоски за Ковачевски: Имаме рекордна инфлација и разурнати национални позиции, а тој вели дека работи

Претседателот на ВМРО-ДПМНЕ, Христијан Мицкоски, за изјавата на премиерот Ковачевски дека неговата влада направила повеќе од многу влади во минатото, рече дека да не е таа институција позади него, ќе мислел дека е првоаприлска несолена шега, но сепак, како што изјави, тој човек требало да е свесен дека застапува институција позади себе и дека е премиер на државата.
– Јас го разбирам, тие што му го водат пиарот му велат кажувај тоа да покажеш дека еве нешто правиш и работиш, но еве повторно еден совет ќе му дадам – тоа не го чувствуваат граѓаните и сето она што го кажуваат а не го чувствуваат граѓаните, тогаш во нивните очи вие излегувате манипулант и лажго. Е сега, доколку тоа му е целта на него и на тие кои му го водат ПР-настапот, да изгледа во очите на граѓаните манипулант и лажго, тогаш тоа е точна, добра и правилна изјава. Но, доколку сака навистина да биде реален тогаш е добро да каже дека имаме рекордна инфлација, дека сме на дното според странските инвестиции, домашните инвестиции, дека капитулиравме пред енергетската криза, во фаза сме да капитулираме и пред економската криза, дека нема перспектива, дека буквално ни се разурнати сите национални позиции, дека граѓаните живеат тешко, едвај се врзува крај со крај од први до први, дека бензините поскапеа и се рекордно високи. Така што, тоа е реалноста со која треба да излезете пред граѓаните за да може граѓаните да добијат еден вид самодоверба и чувство добро, можеби не ни се допаѓа, но барем тоа што го зборува е реално и тоа е така. А доколку давате вакви изјави, тогаш оставате впечаток на манипулант и лажго и навистина дополнително создавате едно чувство на фрустрација кај граѓаните во овие тешки моменти – рече Мицкоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Утре без струја повеќе делови на Скопје

Од ЕВН Македонија информираат дека утре без електрична енергија ќе останат:
во периодот од 08.30 до 09.30 часот, корисниците од ул. Иван Манолев. ( општина Бутел )
во периодот од 08.30 до 15.30 часот, корисниците од ул. Ордан Чопела од бр.110 до бр.140, како и дел од корисниците од ул. Јајце. ( општина Чаир )
во периодот од 09.00 до 11.30 часот, корисниците од ул. Струшка. ( општина Карпош )
во периодот од 09.00 до 14.00 часот, корисниците од ул.21 во Сопиште ( општина Сопиште ) како и корисниците од ул. Шидска бр.10, бр.12 – влезови 2, 3 и 4, и бр.42. ( општина Ѓорче Петров )
во периодот од 10.00 до 14.00 часот, корисниците од
ул. Румена Хаџи Панзова. ( општина Кисела Вода )
во периодот од 13.30до 16.00 часот, корисниците од место викано Осојница во Сопиште. ( општина Сопиште )
Македонија
Сончево и топло време со температури до 36 степени

Времето денес ќе биде сончево и топло, попладне со мала до умерена локална облачност. Ќе дува слаб до умерен ветер претежно од северен правец. Минималната температура ќе биде во интервал од 11 до 20, а максималната ќе достигне од 29 до 36 степени. УВ=9
Во Скопје сончево и топло со слаб до умерен ветер од северен правец, попладне со мала локална облачност. Минималната температура ќе се спушти до 18, а максималната ќе достигне 35 степени.
Продолжува периодот на многу топло време. Во попладневните и вечерните часови ќе има развој на нестабилна облачност со пороен дожд и грмежи, а локално ќе има услови за појава на краткотрајно невреме.
Македонија
Мицкоски: Власта веднаш да престане да преговара за македонскиот идентитет, јазик и историја

Власта да престане со преговори за македонскиот идентитет, јазик историја, да се вратат од Софија и да кажат дека преговори ќе продолжат само кога ќе има услови да се сочува нашето достоинство, изјави претседателот на ВМРО-ДПМНЕ, Христијан Мицкоски, одговарајќи на новинарско прашање при посетата на општина Ѓорче Петров.
Мицкоски истакна дека очекува од власта веднаш да престане да ги распродава македонските државни и национални интереси.
– Јас очекувам да престанат да ги распродаваат македонскиот идентитет, култура, наследство, историја, тоа очекувам од овие ако можам така да ги наречам македонски официјални лица, тоа очекувам. Веднаш да престанат, да се вратат од Софија и да кажат дека работата не бива, престануваме во овој момент, кога ќе се создадат услови тогаш ќе продолжиме, во овој момент очигледно не постојат услови со кои што можеме да го сочуваме нашето достоинство. Ете тоа очекувам, потенцираше Мицкоски.