Многупати Зоран Заев рекол, па порекол, така и овој пат мене ме загрижува ова што се случува меѓу двата круга, особено политиката на делби и поделби, на или-или коментари, разгорување меѓуетничка тензија, која се случува во Македонија, треба да знаат граѓаните дека ставањето на „ол-ин“ и ставањето на граѓаните пред свршен чин и клекнувањето на државата од владејачкото дуо СДСМ – ДУИ има само една цел – да ги задржат привилегиите од власта и заедно да продолжат ортачки да крадат од тендерите и да ги пљачкосуваат граѓаните, посочи претседателот на ВМРО-ДПМНЕ, Христијан Мицкоски, во денешната изјава од Гевгелија во врска со изјавата на Заев за негово повлекување.

Мицкоски истакна дека овој изблик на национализам и штитење национални права од страна на ДУИ и „ол-ин“- политиката со плашење на граѓаните, е само со единствена цел – власта да се задржи за да може да продолжат заедно ортачки да ги пљачкаат народот и државата, а граѓаните треба тоа да го знаат.

Мицкоски посочи дека наспроти ова, граѓаните од кој било етникум, без разлика на каква било определба, секогаш имаат партнер во ВМРО-ДПМНЕ затоа што целта на партијата е да ги штити интересите на народот.