Контакт

Македонија

Мицкоски од Пехчево: Во ЕУ се влегува со работи, а не со криминални тендери и со багерите и камионите на бате

Објавено пред

Претседателот на ВМРО-ДПМНЕ, Христијан Мицкоски оствари средба со граѓани во Пехчево каде говореше за актуелната политичка и економска состојба како и за штетноста на договорот со Грција, соопшти ВМРО-ДПМНЕ.

Мицкоски на граѓаните на Пехчево им ги посочи последиците од капитулантскиот и штетен договор кој владата на СДСМ го потпиша со соседна Грција. Мицкоски пред граѓаните на Пехчево потенцираше дека со договорот се губат три крупни работи што значат укинување на македонската нација, на македонската држава под името која сега ја знаеме и создавање на некој нов хибрид.
Мицкоски истакна дека договорот значи загуба на институционалниот идентитет што впрочем претставува дел од националниот идентитет на Македонците.

„Најпрвин го губиме институционалниот идентитет, тоа значи дека нашата Академија на Науките и Уметностите повеќе нема да биде Македонска, потоа нема да имаме Македонска Армија, а нема да имаме ни Македонска Полиција., ниту Македонска Опера и балет и сето тоа ќе биде поврзано со новата државата а тоа ќе биде Северна Македонија. Го губиме институционалниот идентитет кој што всушност претставува дел од нашиот национален идентитет“, вели Мицкоски

Членот 8 пак, вели тој, ќе биде погубен за интеграцијата на Македонија во ЕУ, а Македонија ќе ја снајде судбината на интеграцијата во ЕУ на Турција, односно приказна која никогаш нема да заврши.

„Во Членот 8 од договорот стои дека Македонија и Грција ќе формираат мешовита комисија и замислете таа комисија ќе преговара за нашата историја, археологија и образование. Секогаш кога ние во рамките на таа комисија ќе одлучиме да ги браниме националните интереси и достоинството тогаш тие од грчката страна ќе речат НЕ во рамки на ЕУ така што ќе застана преговорите и ние ќе бидеме блокирани тоа значи дека никој не ни ја гранатира иднината која што ни ја прикажуваат преку овие скапо платени реклами во медиумите. Немаме гаранција и покрај тоа што ќе дозволиме национално и државно понижување“ истакна Мицкоски.

Тој забележа дека со капитулантскиот договор не се отвораат магично вратите за влез на Македонија во ЕУ, тоа според него се само шарени лаги со кои се манипулираат граѓаните со цел да се избегне дебатата за капитулантскиот договор. Претседателот на ВМРО-ДПМНЕ вели дека за влез на Македонија во ЕУ треба да се работи и не може да се влезе преку капитулација, односно на начинот на кој што Заев сака тоа да го направи.

„Сите овие шарени лаги кои што ни ги прикажуваат по медиумите дека со овој договор малтене влегуваме во Европа не е точно, за да влеземе во Европа треба да имаме знаење, за да влеземе во Европа треба да имаме проекти и многу работа. Во ЕУ не се влегува со криминални тендери, во ЕУ не се влегува со багерите и камионите на бате. Во ЕУ не се влага со криминални иновации, во ЕУ не се влегува со расипано здравство. Во Европа треба да знаете како да влезете, односно во Европа треба да работите за да влезете, а не на начинот на кој што Зоран Заев тоа сака да го направи“ додаде Мицкоски.

За крај претседателот на ВМРО-ДПМНЕ ги повика симпатизерите и членовите на партијата да бидат подготвени за исклучително жестоки притисоци, уцени и закани, бидејќи ова е битка за Македонија.

„Секој кога се мотивирал да придружи на ВМРО-ДПМНЕ, секој бил подготвен да кога ќе дојде денот да се бранат националните интереси да застане на патот на одбраната на тие национални интереси, да даде се од себе колку е во негова моќ да ги одбрани за да можеме да си го задржиме ова парче земја која што некој ни ја оставил, за која што предците наши ги положиле своите животи во минатото. Затоа треба секој од нас да биде подготвен дека периодот кој што следува за ВМРО-ДПМНЕ и секој оној кој што себе си се идентификува како дел од ВМРО-ДПМНЕ, да биде подготвен на исклучително жесток притисок, уцени закани кои што претстојат, затоа што ова е битката за Македонија, ние сме на вистинската страна“ порача Мицкоски.

Македонија

Инспектори биле спречени да направат надзор во кафеана, внатре бил лидер на политичка партија

Објавено пред

Вработени во угостителски објект на Боемската улица во Дебар Маало не им дозволиле на инспекторите од Пазарниот инспекторат да извршат надзор во внатрешниот дел од кафеаната, а по два и пол часа, бил забележан лидер на политичка партија како излегува од објектот.

Раководителката на инспекцискиот надзор за Скопје, Мери Проја-Продановска, рече дека инспекторите немаат надлежност да легитимираат и не откри за кој политичар станува збор.

„Околу 18.15 часот инспекторите беа спречени да извршат увид со образложение дека угостителскиот објект е од затворен тип и нема гости внатре, па колегите продолжија во други угостителски објекти, но сепак се вратија кај истиот објект со уште една замолница да се отвори објектот да се направи надзор. По два и пол часа, успеавме да влеземе, но имаше други дејства пред тоа од објектот, излегле луѓе од објектот, нормално, инспекторите не може да направат легитимирање, но препознаен е лидер на политичка партија“, рече таа.

Продановска рече дека Државниот пазарен инспекторат не прави разлика меѓу граѓаните и упати апел до политичарите, до сите носители на функции и граѓани, да се свестат дека ситуацијата е повеќе од драматична.

Угостителскиот објект ќе добие кривична пријава за спречување да се изврши инспекциски надзор и за тоа што работел во внатрешниот дел и покрај забраната и одлуката на Владата угостителите да служат гости само на летните тераси.

Прикажи повеќе...

Македонија

Филипче: Се надевам дека, конечно, и на последните скептици ќе им стане јасно дека вирусот не е шега

Објавено пред

Се надевам дека, конечно, и на последните скептици ќе им стане јасно дека вирусот не е шега. Вирусот нема да замине додека сите не прифатиме дека претставува закана за секој што не ги почитува мерките за заштита од него, изјави министерот за здравство, Венко Филипче.

Тој рече дека новиот бран е директна последица на непочитување на јасно пропишаните мерки, но и на задоцнетата или слаба активност за казнување од страна на надлежното министерство.

Според Филипче, анализите покажуваат дека во овој момент има неколку локации во земјата каде што има брзо ширење на вирусот и кластери што се настанати најчесто како резултат на непочитувањето на пропишаните мерки.

„Групирање на граѓаните на семејни собири и прослави, неносење заштитна опрема, непочитување на мерките од страна на компании за превоз и организација на работата и други слични прекршувања се главните причини за брзиот раст на новозаболени во Скопје, Кумановско-липковскиот Регион, Тетово со околните општини, Штип и околината. Добро е што во преостанатиот дел од земјата состојбата е стабилна со спорадични случаи. Ова е само потврда дека стратегијата дала резултат онаму каде што се почитувале мерките“, изјави министерот Филипче.

Тој рече дека заради спречување дополнително ширење на вирусот во критичните региони, но, пред сè, заради спречување евентуално ширење на вирусот надвор од овие региони, Владата донесе одлука за враќање на полицискиот час и рестрикциите на движењето.

 „Вирусот нема да замине додека сите не прифатиме дека претставува закана за секој што не ги почитува мерките за заштита од него. И по одржани речиси 100 прес-конференции и илјадници пати повторени апели и пораки, некои од граѓаните сè уште одбиваат да ја прифатат реалноста. Да прифатат дека одговорноста е на секој поединец. Навистина не треба да дозволиме дури кога ќе се разболиме, да ја разбереме опасноста од вирусот. Ние здравствените работници, Владата, институциите, не можеме да направиме ништо без граѓаните. Ова што сега го кажувам не е никаква политичка флоскула. Ова е реалност, само сите заедно можеме да ја надминеме кризата, никако поинаку. Одговорно тврдам дека сите мерки, сите одлуки и сите пораки што ги испративме во јавноста беа прецизни, медицински издржани и навремени“, изјави тој.
Прикажи повеќе...

Македонија

Владата донесе одлука за повторно воведување полициски час

Објавено пред

Владата ја прифати препораката на Комисијата за заразни болести за повторно воведување полициски час за време на претстојниот продолжен викенд поради празникот Задушница на 5 јуни и зголемениот број случаи на коронавирус.

Така, се воведува полициски час од четврток (4 јуни) од 21 часот до понеделник (8 јуни) до 5 часот наутро во Скопје – сите скопски општини, општина Куманово, општина Липково, општина Штип, општина Тетово, како и во Боговиње, Брвеница, Теарце, Желино и во Јегуновце.

Во сите други градови полицискиот час ќе трае од четврток (4 јуни) од 21 часот до петок (5 јуни) до 5 часот наутро. В петок, сабота и в недела полицискиот час ќе почнува од 16 часот и ќе трае до следниот ден до 5 часот наутро.

Министерот за здравство, Венко Филипче, исто така информира дека од четврток, 4 јуни, од 21 часот, до понеделник, 8 јуни, до 5 часот наутро, се забранува посета на гробишта на целата територија на државата, освен за погреби.

Аптеките ќе работат непречено за време на полицискиот час.

Остануваат да важат забраните за движење, кои биле издадени претходно, а остануваат исти и термините за шетање миленичиња, од 8 до 8.30, од 15 до 15.30 и од 20 до 20.30 часот.

Петок (5 јуни) се прогласува за неработен ден за сите граѓани.

За земјоделските активности, дозволено е движење во рамките на територијата на селата, исклучиво за работните потреби.

Исклучоците од забраната за движење важат за полицијата, армијата, здравствените работници (во ЈЗУ и ПЗИ, како и матичните лекари) и за маркетите и рестораните, кои вршат достава на производи, при што тие своите ангажмани ќе ги реализираат непречено.

Забраната за движење не важи за лицата со попреченост и за нивните придружници доколку имаат соодветна документација.

Прикажи повеќе...

Најново

Македонија3 часа

Инспектори биле спречени да направат надзор во кафеана, внатре бил лидер на политичка партија

Вработени во угостителски објект на Боемската улица во Дебар Маало не им дозволиле на инспекторите од Пазарниот инспекторат да извршат...

Македонија3 часа

Филипче: Се надевам дека, конечно, и на последните скептици ќе им стане јасно дека вирусот не е шега

Се надевам дека, конечно, и на последните скептици ќе им стане јасно дека вирусот не е шега. Вирусот нема да...

Македонија5 часа

Владата донесе одлука за повторно воведување полициски час

Владата ја прифати препораката на Комисијата за заразни болести за повторно воведување полициски час за време на претстојниот продолжен викенд...

Топ8 часа

Приведени седум полицајци во Куклица, правеле забава без да ги почитуваат мерките

Седум полициски службеници, кои не биле на должност, биле приведени затоа што правеле забава, без да ги почитуваат мерките против...

Македонија9 часа

И со негативен тест задолжителен е 14-дневен карантин по влез во земјата

Министерството за внатрешни работи соопшти дека при влез на наши граѓани во земјата, како и на странци, но само со...

Економија10 часа

Граѓаните на интернет ќе треба да проверат дали се меѓу корисниците на домашната платежна картичка

Граѓаните кои ќе бидат корисници на домашната платежна картичка нема потреба да аплицираат или да се пријават за да ја...

Македонија11 час

Османи во Штип: Во компаниите ќе има ковид-координатори кои ќе го следат спроведувањето на мерките

Вицепремиерот задолжен за европски прашања, Бујар Османи, во улога на главен координатор на кризните штабови за одбрана од Ковид-19, оствари...

Македонија12 часа

Четворица починати и 101 случај на новозаразени од Ковид-19

Во последните 24 часа се направени 974 тестирања, а регистрирани се 101 нови случаи на Ковид-19, информираат од Минитерството за...

Свет15 часа

Тајна снимка на СЗО откри како Кина го прикрила коронавирусот

Снимки од интерни состаноци во Светската здравствена организација покажале дека СЗО едвај ги добила најпотребните информации од Кина на почетокот...

Европа15 часа

Главниот шведски епидемиолог призна дека од денешен аспект би имал друг пристап кон пандемијата

Главниот шведски епидемиолог, кој стои зад стратегијата земјата да не применува строги мерки поради пандемијата на коронавирусот, призна дека требало...

Свет15 часа

(Видео) Бајден: Полицијата треба да пука во нозе

Полицајците кои пукаат во луѓето кои претставуваат закана треба да им пукаат во нозете, а не во срцето, соопшти поранешниот...

Свет16 часа

Војска распоредена околу Вашингтон, трупите се во состојба на засилена готовност

Околу 1.600 американски војници се распоредени во пошироката област на Вашингтон и се во состојба на засилена подготвеност, објави Пентагон...

Европа17 часа

По тримесечната блокада, Италијанците од денеска може да патуваат низ земјата

Италија денеска ги отвори регионалните граници по тримесечна блокада поради пандемијата, со што е овозможена поголема слобода на движење за...

Регион1 ден

Црна Гора прогласи крај на епидемијата

Националното координативно тело за заразни болести, по предлог на Институтот за јавно здравје, прогласи крај на епидемијата на Ковид-19 во...

Свет1 ден

Трамп се закани дека ќе ја испрати војската за да стави крај на протестите

Трамп се закани дека ќе ја испрати војската за да ги угасне протестите во САД, поради смртта на Афроамериканецот Џорџ...

Свет1 ден

Путин: На напад со конвенционално оружје Русија ќе возврати со нуклеарно

Рускиот претседател, Владимир Путин, донесе уредба со која се утврдува дека руската војска може да употреби нуклеарно оружје како одговор...

Македонија1 ден

Не се 67 новозаболени, туку 76 – покажуваат новите бројки на Министерството за здравство

Од Министерството за здравство информираат дека бројот на новозаболени е 76, а не како што претходно беше објавено дека се...

Македонија1 ден

Од денес во изолација 60 полицајци на служба во Гевгелија поради позитивен колега странец

Шеесетина полицајци, кои ја чуваат јужната граница на Македонија поради постојаната опасност од нов мигрантски бран, од денес се во...

Македонија1 ден

Случај „Рекет“: Навреди и критики кон Русковска и Камчеви во завршните зборови на Јанева

Со критики и навредливи зборови за Орце и Ана Камчеви, обвинетата Катица Јанева ги даде своите завршни зборови во судот...

Македонија1 ден

На 18 јуни пресуда за случајот „Рекет“

За две недели, односно на 18 јуни судот ќе ја изрече пресудата за случајот „Рекет“ во кој обвинети се Бојан...

Досие